Ударидагшад 7:4 - Библи

⁴ Гидоондо Эзэн иигэжэ хэлэбэ: – Үшөөл олон сэрэгшэд үлөө байна. Үлэгшэдыень ши дахуулжа, урдажа байһан уһанда абааша. Тиихэдэш Би тэдээнһээ шамда шэлэхэб. «Шамтай ошолдогты» гэжэ Би хэлэхэб. Тиихэдэмни шамтай ошолдохо сэрэгшэд ошолдог. «Шамтай ошолдожо болохогүй» гэжэ Би хэлэхэб. Тиихэдэм шамтай ошолдохогүй сэрэгшэд үлэг.

Ударидагшад 7:4 Referencias Cruzadas

Эхин 22:1

Энэ болоһон ушарай удаа Бурхан Абраһаамые туршахаяа шиидэжэ дуудахадань, Абраһаам: – Би энэ байнаб! – гэбэ.

Иоов 23:10

Үзэгдэхэгүйнь шухала бэшэ юм бэзэ, гэшхэһэн бүхы мүрым Тэрэ һайн мэдэнэ. Намайе шалган туршаад, холисогүй шэжэр алта элирүүлһэндэл хэлэхэ.

Псалманууд 33:16

Эзэн үнэн сэдьхэлтэниие хаража байдаг, тэдэнэй зальбаралнуудые дуулажа байдаг, פ Пээ

Псалманууд 7:9

Та арадуудые шүүхэт. Эзэн, миниишье зарга хэрэгые шиидхыт: би гэмгүйб, зүб гээшэб.

Ударидагшад 7:5

Гидоон сэрэгшэдые дахуулжа, урдажа байһан уһанда асарба. Гидоондо Эзэн иигэжэ айладаба: – Нохой шэнгеэр хэлээрээ уһа долёогшодые нэгэ тээшэнь, үбдэглэн һуугаад, уһа уугшадые нүгөө тээшэнь хубаарила.

1 Хаан түрэнүүд 14:6

Ёнатаан зэр зэбсэг баряад ябагша хүбүүндээ: – Ябая. Бэлгэеэ отолуулаагүйшүүлэй сэрэгэй бүлэг руу дүтэлэн ошоё. Эзэн бидэндэ туһалжа магад. Олоншье, үсөөншье зониие абархадань Эзэндэ һаалта болохо юумэн үгы, – гэжэ хэлэбэ.

1 Хаан түрэнүүд 16:7

Теэд Эзэн Самуилда айладхан: – Тэрэнэй түхэл маяг болон нюргаар үндэрыень бү хара. Би тэрэниие тоохогүйб. Юуб гэхэдэ, Эзэн хүндэл адляар харадаггүй. Хүн нюурыень лэ харадаг, Эзэн зүрхэ сэдьхэлыень харадаг гээшэ, – гэбэ.