Ударидагшад 7:20 - Библи

²⁰ Тэдэ гурбан бүлэгэй сэрэгшэд эбэр бүреэгээ үлеэжэ байжа, иигэжэ хашхаралдабад: – Эзэнэй түлөө һэлмээрээ сабша! Гидооной түлөө һэлмээрээ сабша!

Ударидагшад 7:20 Referencias Cruzadas

Исай 27:13

Тэрэ үдэр ехэ бүреэгэй дуун дуулдажа, Ассири болон Египет руу сүлэгдэгшэ Израилиин зон бусан ерэхэ. Тиигээд тэдэ нангин уула дээрэ, Иерусалимда Эзэндэ мүргэхэ.

Ерэмияа 47:6

Таанад иигэжэ ёолонот: «Эзэнэй һэлмэ! Хэды болотор сабшахабши? Хуйндаа буса, амаран, номхон байгыш!»

Коринфынхидтэ 2-дохи 4:7

Бидэ энэ баялиг хадагалһан шабар домбонуудта адли хүмди. Тиимэһээ бодото һүр хүсэн маанадһаа бэшэ, харин Бурханһаа эхи абадаг.

Фессалоникиинхидтэ 1-дэхи 4:16

Айладхаһан абяанай гарахада, Бурханай ахалагша Эльгээмэлэй дуу дуулдахада, Бурханай бүреэгэй дуугархада, Эзэн Өөрөө тэнгэриһээ доошоо бууха. Эдэ бүхэнэй болохын урда тээ Христоосто һүзэгтэйгөөр наһа бараһан зон амидырха.

Еврейнүүдтэ 11:4

Һүзэг этигэлээрээ Аабэл Хаяанһаа үлүү һайн үргэл Бурханда асараа. Бурхан Өөрөө тэрэнэй үргэлые һайшаажа, һүзэг этигэлээрнь Аабэлые үнэн сэдьхэлтэн гэжэ һайшаагаа. Аабэлэй үхэһэншье һаа, этигэл һүзэгынь мүнөө хүрэтэр маанадые һургана.

Нүүнэй Иисүүс 6:16

Хото хараал доро байха, бүхы зосоонь байһан юумэн Эзэндэ үгтэхэ; гансал залихай Рахааб амиды үлэг, тэрэ, тэрээнэй гэртэ байһан бүхы зон амиды үлэг; юундэб гэхэдэ, тэрэ манай эльгээһэн элшэдые нюугаа.

Нүүнэй Иисүүс 6:20

Хотодо байһан хараалда хүртэһэн бүхы юумэ – үбгэд һамгадынь, үтэлһэн залуутайнь, үхэр, хони, элжэгэнүүдынь һэлмэ жадаар усадхаа.

Нүүнэй Иисүүс 6:4

Бүреэгэй абяа дуулахадаа, бүхы зон шангаар хашхараг, тиихэдэнь хотын хана һууридаа хүрэтэр бутаран унаха, тиихэдэнь хүн бүхэн өөрынгөө зүгһөө хото руу орохо.

Пётрой 2-дохи хандалга 1:15

Үхэһэншье хойномни алишье сагта эдэ бүгэдые һанажа байхынтнай тула би бүхы хүсэ шадалаа үгэхэб.

Ударидагшад 7:19

Һүниин тэндэ харуулшадые халан һэлгэлгын һүүлээр Гидоон зуун сэрэгшэдтэеэ хамта хада уруу буужа, дайсадай майхан хүреэндэ дүтэлбэ. Тэдэнэр эбэр бүреэнүүдээ үлеэбэд, домбонуудаа бута сохибод. Сэрэгшэд бүхэн зүүн гартаа бамбар дэн, баруун гартаа эбэр бүреэ бариба.

Ударидагшад 7:21

Гидооной сэрэгшэд дайсадай майхан хүреэнэйнь газаа талаһаа хүреэлэн зогсобод. Мидиануудай майхан хүреэнһөө оог хашхаралдаан соностоод, тэдэнэр хүл хөөрсэг табилдажа, тэрьедэн зугадаха газар бэдэршэбэд.

1 Хаан түрэнүүд 11:11

Үглөөдэрынь Саул сэрэгээ гурбан бүлэг болгон хубааба. Үүрэй толоной задарха үедэ тэдэ хотон хүреэлэн руунь сүмэрэн орожо, үдэ хүрэтэр аммоонуудые хюдаба. Амиды үлэһэн хүнүүдынь нэгэ нэгээрээ бутаран таража тэрьедэбэ.