Ударидагшад 6:39 - Библи

³⁹ Тиигээд Гидоон Эзэндэ иигэжэ хэлэбэ: – Намда Та бү сухалдаарайт. Нэгэ юумэн тухай Танһаа асууха зүбшөөл намда хайрлыт. Хониной арһаар туршалгаяа үшөө дахин намда харуулыт. Мүнөө хониной арһан хуурай, харин бүхы газар шүүдэрөөр бүрхөөгдэг лэ!

Ударидагшад 6:39 Referencias Cruzadas

Эхин 18:30

Абраһаам дахин: – Хэлэһэндэм минии Эзэн бү уурлаг. Гэнтэ тэндэ тиимэ гушан хүн олдобо гэе? – гэжэ гуйба. Эзэн Бурхан: – Хэрбэеэ тэндэ иимэ гушан хүниие олоо һаа, энэ хото балгааһа хайрлахаб, – гэбэ.

Эхин 18:32

Абраһаам дахин: – Эзэмни намда бү уурлаг, дахин Танһаа зүрхэлжэ асууя. Гэнтэ тэндэ иимэ арбахан лэ хүнэй байбал, Та хотые усадхангүй үлөөхэ гүт? – гэбэ. Эзэн: – Зай, тэрэ арбан хүнэй түлөө хотые дүмэхэб, – гээ һэн.

Исай 50:2

Минии абархаяа ерэхэдэ, арад түмэмни юундэ байгаагүйб? Минии дуудахада, юундэ хэншье харюусаагүйб? Иихэдээ Минии гарые богони, Намда абарха хүсэн үгы гэжэ тэдэ һанаба гү?! Хараад үзөөрэйгты, захирхадам, далай шэргэхэ, гол мүрэнүүдые сүл губи болгоходом, загаһад уһагүйһөө боложо хосорхол.

Матвей 21:43

Тиимэһээ танда хэлэхэ байнаб, Бурханай хаан түрэ таанарһаа абтаад, тэрэнэй эрхэ хүсэл дүүргэдэг зондо үгтэхэ.

Матвей 8:12

Харин хаан орондо орохо ёһотой байгаад, орохоёо арсаһан хүнүүд харанхы бүрэнхыдэ хаягдаад, уйлаха бархиралдаха, шүдөө хабиралдаха.

Хэрэгүүд 13:46

Павел Барнааба хоёр зоригтойгоор иигэжэ хэлэбэ: – Бидэ Бурханай үгэ анха түрүүн таанадта соносхохо ёһотой байгаабди. Харин энэ үгые таанадай буруушаажа, мүнхын амидаралда хүртэхөөр бэшэбди гэжэ өөһэд тухайгаа һанаа юм һаатнай, бидэ мүнөө бусад арадуудта ошохомнай.

Хэрэгүүд 22:21

Тиихэдэ Тэрэ намда: «Яба, Би шамайе эндэһээ холо бусад арадуудта эльгээхэмни», – гэжэ хэлэбэ.

Хэрэгүүд 28:28

Абаралга тухай энэ Бурханай Мэдээсэл бусад арадуудта эльгээгдээ гэжэ таанад мэдэгты. Тиигээд тэдэл дуулаха.

Ударидагшад 6:38

Үглөө үглөөгүүрынь Эзэнэй хэлэгшээр болобо. Гидоон эртэ үглөөгүүр бодоод, арһанайнгаа нооһыень бажуужа, шүүдэрэй уһаар улхангаа дүүргэбэ.

Ударидагшад 6:40

Эзэн тэрэнэй гуйлтые тэрэ һүни бэелүүлжэ, хониной арһые хуурай үлөөгөөд, бүхы газар шүүдэрээр бүрхөөбэ.