Ударидагшад 6:34 - Библи

³⁴ Эзэнэй Һүлдэ Гидооной досоо орожо, тэрээндэ эрэлхэг зориг, хүсэ шадал үгэбэ. Абиээзэрэй уг удамуудые дуудан ерүүлжэ, тэдэниие толгойлон дахуулха гэжэ Гидоон үхэр бүреэгээ үлеэбэ.

Ударидагшад 6:34 Referencias Cruzadas

1 Угай бэшэг 12:18

Гушанай толгойлогшо Амасайда Һүлдэ буужа, тэрэ иигэжэ хэлэбэ: – Давид, бидэ танайбди! Ишайн хүбүүн, тантай хамтабди! Танда энхэ тайбаниие хүсэнэбди! Танда туһалагша Бурхандатнай энхэ амгаланиие хүсэнэбди! Давид тэдэниие угтан абаад, сэрэгэйнгээ манлайда томилбо.

1 Угай бэшэг 12:19

Мэнашшээгэй обогой зариманиинь Давидай талада оробо, тиигээд тэдэ пилиштүүдтэй хамта Саулай урдаһаа дайлалдаба. Давид ба тэрэнэй зон пилиштүүдэй түлөө дайлалдаа бэшэ. Пилиштын удамаршад өөһэд хоорондоо зүбшөөд, тэдэниие эльгээхэдээ, иигэжэ хэлэбэд: – Манай толгой дээгүүр гараад, өөрынгөө эзэн Саулай талада орохо.

2 Угай бэшэг 24:20

Ёядаагай хүбүүн Захарияада Бурханай Һүлдэ халин оробо. Тэрэ арад зоной өөрыень харахаар добо дээрэ гараад, иигэжэ хэлэбэ: – Эзэнэй захяа заабаринуудые юундэ таанад алхан гаранат? Өөһэдтөө муу юумэ хэнэт. Таанадай Эзэниие орхиһондол, Тэрэ таанадые орхихол!

Псалманууд 51:11

Хэһэн хэрэгүүдэй түлөө Таниие хэтэдээ магтанаб, Танда үнэн сэхэ зондо нэрэтнай һайн, нэрэдэтнай найданаб.

Тоололго 10:3

Хоёр бүреэгээрээ утаар татан үлеэхэдэшни, майхан һүмын үүдэндэ ниитэ бүхы уладшни сугларха.

Римэйхиндэ 13:14

Харин Эзэн Иисүүс Христоосые хуяг дуулгадал адли үмдэел, нүгэлтэ мүн шанар байдалаа анхархаяа, хүсэлэнгүүдыень хангахаяа болиёл.

Галадуудта 3:27

Иисүүс Христоосой нэрэ алдараар уһаар арюудхуулһан зон, таанад булта Иисүүс Христоостой нэгэдэбэт.

Нүүнэй Иисүүс 17:2

Мэнашшээгэй бэшэшье хүбүүдтэ хубита хүртөө. Угсаагаарнь Абиээзэрэй хүбүүдтэ, Хээлэгэй хүбүүдтэ, Асриээлэй хүбүүдтэ, Шээхэмэй хүбүүдтэ, Хээпэрэй хүбүүдтэ, Шэмидаагай хүбүүдтэ хуби хүртөө.

Ударидагшад 13:25

Цораа болон Эштаһоол хоёрой хоорондо оршодог Маханээ-Даан хотодо Самсооной ажаһуухадань, Эзэнэй Һүлдэ тэрэнэй толгой дээрэ буужа, ажал ябуулгыень эрхилүүлсэжэ эхилбэ.

Ударидагшад 14:19

Эзэнэй Һүлдэ Самсооной толгой дээрэ хүсэтэйгөөр бууба. Тэрэ Ашхэлоон хото ошожо, гушан пилиштүүдые алажа, самсануудыень болон һэлгэхэ хубсаһануудыень абаад, тэдэнээ таабарииень таагшадта үгөөд, эсэгынгээ гэртэ ерэбэ.

Ударидагшад 15:14

Лээхидэ тэдэнэй дүтэлхэдэ, пилиштүүд баяртайгаар хашхаралдан, тэдэниие угтабад. Эзэнэй Һүлдэ тэрэнэй толгой дээрэ эршэмтэйгээр бууба. Тиихэдэнь маалингын утаһанай галда шатагша шэнгеэр тэрэнэй гарыень хүлин уяһан аргамжа ооһор таһаршаба.

Ударидагшад 3:10

Бурханай Һүлдын досоонь ороходо, Отниһээл израильшуудай ударидагша болобо. Отниһээл израильшуудые дахуулан, дайлалдахаяа ошобо. Тиихэдэнь Эзэн Араамай хаан Кушаан-Ришатааимай сэрэгшэдые тэрэнэй дарахада туһалба.

Ударидагшад 3:27

Тиигээд тэрэ тэндэһээ Эпрааимай хадануудта хүрөөд, эбэр бүреэгээ үлеэбэ. Бүреэгэй абяанай сууряатан зэдэлхэдэнь, израильшууд тэндэ сугларба. Тиигээд тэдэнэр хада руу буужа эхилбэд. Тэдэнэй урдань Эһууд ябана.

Ударидагшад 6:11

Тэрэ үдэр Эзэнэй Эльгээмэл Гидоонтой уулзахаяа Опраада ерээд, сарса модон доро һууба. Тэрэ сарса модон Абиээзэрэй уг удамай Ёһаашай мэдэлэй байгаа. Ёһааш Гидооной эсэгэ байһан юм. Шэниисын орооһо сохилгоной үедэ Гидоон мидиануудһаа хоргодохын тула уһан жэмэс шахан дарадаг шахуургын хажууда байба.

Ударидагшад 8:2

Гидоон тэрээндэ иигэжэ хэлэбэ: – Мүнөө би таанад шэнги ехэ юумэ хээ аалби? Абиээзэрэй гэр бүлынхидһөө һураггүй ехэ уһан үзэм түүжэ суглуулхадаа, Эпрааимайхид баярланагүй аалта?

1 Хаан түрэнүүд 10:6

Эзэнэй һүр һүлдэ шам дээрэ хүсэтэй буужа, ши тэдэнтэй хамта бүжэглэн, абарал буулган, ондоо хүн болон хубилхаш.

1 Хаан түрэнүүд 11:6

Эдэ үгэнүүдые дууламсаарнь, Бурханай һүр һүлдэ Саул дээрэ хүсэтэй бууба. Тэрэ угаа ехээр сухалдаба.

1 Хаан түрэнүүд 13:3

Ёнатаан Гээбэдэ байһан пилиштүүдэй харуулай бүлэг бута сохибо. Пилиштүүд энээн тухай дуулаба. Тиигэхэдэнь Саул бүхы орон дотор эбэр бүреэ үлеэн дуугаргажа: – Еврейнүүд шагнаг лэ! – гэбэ.

1 Хаан түрэнүүд 16:14

Эзэнэй Һүлдэ Саулһаа эрьен ошобо. Эзэн муу һүлдэ тэрээндэ эльгээжэ, айлган һүрдүүлбэ.