Ударидагшад 6:25 - Библи

²⁵ Тэрэ һүни Эзэн Гидоондо иигэжэ айладаба: – Ши эсэгынгээ һүрэгһөө долоо наһатай тарган нэгэ буха аба. Тиигээд эсэгынгээ Баалда зорюулһан тахилайнь шэрээе һандарга, тэрэнэй хажуудахи Ашэраагай модо отолжо унагаа.

Ударидагшад 6:25 Referencias Cruzadas

Эхин 35:2

Тиимэһээ Яков гэр бүлэдөө болон өөрын бүхы зондо иигэжэ хандаба: – Таанадта байһан бурхадай дүрсэнүүдые абажа хаягты, удаань бэеэ угаагаад, хубсаһа хунараа һэлгэгты.

3 Хаан түрэнүүд 18:21

Элияа бүхы арад зондо дүтэлэн: – Таанад хэды болотор хоёрой хоорондо байхабта? Эзэнэй Бурхан юм һаань, Тэрээндэ мүргэгты. Баалай Бурхан һаань, Баалда мүргэгты, – гэбэ. Арад зон тэрээндэ нэгэшье үгэ хэлэбэгүй.

Иоов 22:23

Түгэс Хүсэтэдэ хандаба, ажал үйлэшни бүтэмжэтэй болохонь дамжаггүй. Гэм хэхээ болижо, үнэтэй гэжэ тоолодог эд баялигаа бог нобшо дээрэ хая. Опиир нютагай эрхим шанарай алтые голой элһэ шулуунтай худхажа орхи.

Псалманууд 101:2

Эзэн! Зальбаралым шагныт, хашхараамни Тан руу хүрэг лэ.

Египедһээ гаралга 34:13

Үргэлэй шэрээнүүдыень һандаргагты, һүгэдэн мүргэдэг нангин шулуунуудыень бута сохигты, Ашэраа бурханда мүргэдэг тахилгата модонуудыень сабшан хаягты!

Матвей 10:37

Эсэгэдээ гү, али эхэдээ Намһаа үлүү ехээр дуратай байһан алишье хүн Минии шабиин зэргэдэ хүртэхэ эрхэгүй. Мүн баһа хүбүүндээ гү, али басагандаа Намһаа үлүү ехээр дуратай алишье хүн Минии шабиин зэргэдэ хүртэхэ эрхэгүй.

Матвей 6:24

Хэншье хоёр эзэндэ зарагдажа шадахагүй: нэгэн гэбэл, таанад нэгэ эзэндээ дурагүй, нүгөөдэдөө дуратай байхалта; али үгышье һаа, нэгэ эзэндээ дуратайгаар, нүгөөдэдөө дурагүйгөөр ажаллаха бшуут. Таанад Бурханда болон эд зөөридэ нэгэ зэргэ алба хэжэ шадахагүйлта.

Хэрэгүүд 4:19

Гэбэшье Пётр Иоанн хоёр: – Таанадай үгэ Бурханай үгэһөө үлүү һайнаар дуулажа байгаа һаа, бидэ Бурханай урда зүб юумэ хэхэ гүбди? Өөһэдөө бодоод үзэгты даа.

Хэрэгүүд 5:29

– Бидэ анха түрүүн хүнүүдэй бэшэ, харин Бурханай үгэ дуулаха ёһотойбди!

Хуули дабталга 7:5

Тэдээндэ иимээр хандаха ёһотойт: үргэлэй шэрээнүүдыень һандаргагты, һүгэдэн мүргэдэг нангин шулуунуудыень бута сохигты, Ашэраа бурханда мүргэдэг тахилгата модонуудыень сабшан хаягты, һиилэмэл шүтөөнүүдынь гал дүлэндэ шатаагты!

Ударидагшад 2:11

Тиихэдэ тэдэнэр Эзэндэ муу муухай ябадал хэжэ, хуурмаг бурхан Баалда шүтэн мүргэдэг болобо.

Ударидагшад 3:7

Эзэн израильшуудые муу юумэ хэнэ гэжэ хараба. Тэдэнэр Эзэнээ, Өөрынгөө Бурханиие мартаад, Баалда болон Ашэраада шүтэн мүргэбэд.

Ударидагшад 6:26

Тиимсээрээ хабсагай дээрэ Эзэндэ, өөрынгөө Бурханда үргэлэй шэрээ барижа бүтээгээд, отологшо Ашэраагайнгаа модо түлеэн болгожо тэрээн дээрээ хээд, үшөө тэрээн дээрээ бухаяа табяад, тэрэнээ түгэс шатаалта үргэл болгон асара.