Ударидагшад 6:24 - Библи

²⁴ Гидоон тэндэ үргэлэй шэрээ бүтээгээд, тэрэнээ «Эзэн энхэ тайбан үршөөнэ» гэжэ нэрлэбэ. Абиээзэрэй уг удамуудай ажаһуудаг Опраа хотодо үргэлэй тэрэ шэрээ мүнөө болотор байдаг юм.

Ударидагшад 6:24 Referencias Cruzadas

Эхин 12:7

Тэндэ Эзэн Абрамда үзэгдэжэ, иигэжэ айладхаба: – Би энэ газар дайдые шинии үри һадаһадта үгэхэб! Иигэжэ өөртэнь үзэгдэһэн Эзэниие хүндэлжэ байһанаа элирхэйлэн, мал үргэл болгон шатааха шулуун шэрээ Абрам тэндэ түхеэрбэ.

Эхин 12:8

Һүүлээрнь Абрам тэндэһээ урагшаа ябажа, Бэт-Ээл хотын зүүн талада оршодог хада уулатай газарта ерэжэ, майханаа татаба. Тэндэһээ баруун зүгтэ Бэт-Ээл, зүүн зүгтэ Һай хото оршодог байгаа. Абрам тэндэ үшөө нэгэ үргэлэй шулуун шэрээ түхеэрэн баряад, Эзэндэ зорюулжа мал хёрбоһолон үргөөд, Эзэниие хүндэлжэ байһан тухай үгэнүүдые хэлэбэ.

Эхин 22:14

Эзэнэй иигэжэ хуса үгэһэн ушарһаа Абраһаам тэрэ газарые «Эзэн хэрэгтэй зүйл үгэдэг» гэжэ нэрлэбэ. Мүнөөшье болотор «тахилгатай уула дээрэ хэрэгтэй юумээр Эзэн хангажа үгэдэг» гэһэн яряа үгэ бии юм.

Эхин 33:20

Тэндээ тэрэ үргэлэй шэрээ түхеэржэ, «Израильшуудай шүтэдэг Эзэн Бурханай үргэлэй шэрээ» гэжэ нэрлээ һэн.

2 Хаан түрэнүүд 24:25

Иигээд Давид тэндэ Эзэндэ үргэлэй шэрээ барижа, түгэс шатаалта болон амгалан байдалай түлөө үргэлнүүдые үргэбэ. Иигэжэ Эзэн энэ уласай зальбархые соносон, тахал үбшэн Израильһаа татагдан һалаа һэн.

3 Хаан түрэнүүд 18:32

Эдэ шулуунуудаар Элияа Эзэндэ мүргэхэ үргэлэй шэрээ бодхоогоо һэн. Тиигээд үргэлэй шэрээгэй хажуугаар хоёр саата таряа багтамаар үргэнтэй ханааб малтаба.

Эзраа 3:2

Ёцадаагай хүбүүн Иисүүс санаарта аха дүүнэртэеэ, мүн Шалтиээлэй хүбүүн Зэрубабээл аха дүүнэртэеэ хамһажа, Израилиин Бурханда түгэс шатаалта үргэл үргэхын тула Моисейн хуулида бэшэгдэһэнэй ёһоор үргэлэй шэрээ дархалбад.

Египедһээ гаралга 17:15

Моисей үргэлэй шэрээ бодхоожо, «Эзэн – минии туг» гэжэ нэрлэбэ.

Ерэмияа 23:6

Тэрэнэй зонхилхо сагта Иудын хан түрын улад зон абарагдаха, Израилиин зон ажана амгалан амидарха. Тэрэниие «Эзэн – Манай Үнэн Зүб» гээд нэрлэхэ.

Ерэмияа 33:16

Тэрэ сагта Иудын хан түрын улад зон абарагдаха, Иерусалимай зон ажана амгалан амидарха. Тэрэниие «Эзэн – Манай Үнэн Зүб» гээд нэрлэхэ.

Эзэкээл 48:35

Бүхыдөө хотын хана арбан найман мянган тохой ута байха. Хото болбол «Эзэн эндэ бии!» гэдэг шэнэ нэрэтэй болохо юм.

Тоололго 26:30

Галаадай үринэр: Обогууд Ураг Иээзэрһээ Иээзэрэй Хээлэгһээ Хээлэгэй Асриээлһээ Асриээлэй Шээхэмһээ Шээхэмэй Шэмидааһаа Шэмидаагай Хээпэрһээ Хээпэрэй

Нүүнэй Иисүүс 22:10

Ханаһаанай газарта байһан Иорданай оршон тойрондо ерээд, Рэүбээнэй хүбүүд, Гаадай хүбүүд, Мэнашшээгэй обогой хахад зон Иорданай дэргэдэ хараха янзада ехэ томо тахилай шэрээ барижа бодхоо.

Ударидагшад 21:4

Үглөө үглөөгүүрынь израильшууд тэндэ үргэлэй шэрээ бодхоогоод, түгэс шатаалта болон амгалан байдалай түлөө үргэлнүүдые үргэбэд. Тиихэдээ израильшууд бэе бэеһээ иигэжэ асуубад: – Израилиин бүхы обогуудһаа хэн Эзэнэй гэртэ суглаанда ерэбэгүйб?

Ударидагшад 6:23

Тиихэдэнь Гидоондо Эзэн иигэжэ айладаба: – Хуу һайн, бү ай! Ши үхэхэгүйш!

Ударидагшад 8:27

Гидоон тэрэ алтаараа нэгэ эфод бүтээгээд, өөрынгөө Опраа хотодо тэрэнээ табиба. Тиихэдэнь бүхы израильшууд эфодтонь шүтэн мүргэжэ, тэндэ забхайралдажа эхилбэ. Тэрэ эфодынь Гидоондо болон тэрэнэй бүхы түрэлхидтэ занга болобо.

Ударидагшад 8:32

Ёһаашай хүбүүн Гидоон үндэр наһа наһалаад үхэбэ. Тиихэдэнь тэрэниие Абиээзэрэй хубаариин газарай Опраа хотодо хүдөөлүүлһэн эсэгынь агы нүхэн хуурсагта хүдөөлүүлбэ.

1 Хаан түрэнүүд 14:35

Саул Эзэндэ зорюулжа, үргэлэй шэрээ бодхообо. Энэнь Эзэндэ тэрэнэй зорюулан бодхооһон түрүүшын үргэлэй шэрээ бэлэй.

1 Хаан түрэнүүд 7:17

Удаань тэрэ Рамаада бусадаг һэн. Юуб гэхэдэ, гэрынь тэндэ бэлэй. Мүн лэ тэрэ Рамааһаа Израилиие зонхилдог байгаа. Самуил Эзэндэ үргэлэй шэрээ тэндэ баряа һэн.