Ударидагшад 6:16 - Библи

¹⁶ Тиихэдэнь Эзэн тэрээндэ иигэжэ айладаба: – Би шамтайб! Ши нэгыньшье үлөөнгүйгөөр бүхы мидиануудые үгы хэхэш.

Ударидагшад 6:16 Referencias Cruzadas

Египедһээ гаралга 3:12

– Би шамтай суг хажуудаш байхаб. Минии шамайе эльгээһэнэй дүлгэ тэмдэг иигэжэ тудаха: Египедһээ арадыем гаргаһанайш хойно энэ хада дээрэ Бурханда зальбаран, ёһолол бүтээхэ сагтнай ерэхэ, – гэжэ Бурхан харюусаба.

Исай 41:10

Бү айгты, Би таанадтаяа хамтаб! Би таанадай Бурхамби, тиимэһээ бү һанаагаа зобогты! Би таанадые хүсэтэй болгожо, туһалхаб! Таанадые хамгаалжа, абархаб!

Матвей 28:20

Таанарта Минии захиһан бүхы юумэнүүдые сахижа байхыень тэдэниие һургагты. Би таанадтай хамаг юумэнэй эсэс хүрэтэр хододоо хамта байхаб.

Марк 16:20

Тиигээд шабинарынь хаа хаанагүй ябажа, эндэ тэндэ номножо байба. Эзэн тэдэндэ хамһалсажа, хэлэһэн үгэнүүдэйнь үнэн зүб байһые гайхамшагта үйлэ хэрэгүүдээр баталдаг байгаа.

Хэрэгүүд 11:21

Эзэн тэдэнээр байлсажа, ехэ олон зон Тэрээндэ һүзэглэн хандаба.

Хуули дабталга 20:1

Дайсадайнгаа урдаһаа байлдаанда гарахадаа, таанадһаа олон моритой, дайшалхы тэргэтэй, сэрэгтэй байһыень обёороод, бү айгты, юуб гэхэдэ, Египедһээ гаргаһан Эзэн Бурхантнай таанадтай байһаар.

Нүүнэй Иисүүс 1:5

Шинии бүхы наһан соо хэншье шамтай тэнсэхэгүй; Моисейн хажууда байһандал адли Би хажуудаш байхаб: шамһаа холодохогүйб, шамайе орхихогүйб.

Нүүнэй Иисүүс 10:8

Эзэн Иисүүстэ хэлээ: – Тэдээниие Би шинии гарта үгөөб: хэнииньшье шинии урдаһаа тэсэхэгүй.

Ударидагшад 2:18

Дайсад оло дахин израильшуудта добтолбо. Тиихэдэнь тэдэнэр өөрынгөө Бурханһаа туһа эрижэ мүргэбэд. Эзэн тэдэниие хайрлаад, дайсадһаа өөрынгөө арад зониие аршалан хамгаалхынь тула тэдээндэ ударидагшадые эльгээдэг болобо. Ударидагшадай амиды мэндэ ажаһуухада, Эзэн Өөрөө тэдэнэй ударидагшадай ахалагша боложо, дайсадһаа израильшуудые ходол аршалан абардаг байба. Гэбэшье дарлалта болон харшалалтада орожо, зобохо тулихадаа, тэдэнэй гэмэрэлдээ болон бархиралдаае дуулаад, Эзэн тэдэниие хайрлажа эхилбэ.

Ударидагшад 6:12

Эзэнэй Эльгээмэл Гидооной урдань бии болоод, тэрээндэ иигэжэ айладаба: – Хүсэтэй сэрэгшэ, Эзэн шамтай оршоно.

Ударидагшад 6:36

Гидоон Эзэндэ иигэжэ хэлэбэ: – Израильшуудые аршалан хамгаалхадаш туһалхаб гэжэ Та намда айладаа һэнта. Гэршэлгэеэ намда харуулжа хайрлыт!

Рүүт 2:4

Тиигэһээр Бооһаз Бэтлэһээмһээ ерэжэ, таряа хадагшадта: – Эзэн таанартай хамта оршохонь болтогой! – гэхэдэ, тэдэ: – Эзэн таниие үреэхэнь болтогой! – гэжэ харюусаба.