Ударидагшад 5:6 - Библи

⁶ Анаадай хүбүүн Шамгаарай засагаа барихада, тэрэ үе сагта Яһээлэй ажаһуухада, аяншад болон наймаашадай тойруу харгыгаар ябахада, урданайнь сэхэ харгынууд унаагай жэнгүйһөө хооһоршоол!

Ударидагшад 5:6 Referencias Cruzadas

2 Угай бэшэг 15:5

Тэрэ үедэ гаража орожо байгааша зондо аюултай болоод байха. Юуб гэбэл, орон нютагуудай ажаһуугшадай байдалда ехэ гэгшын хёморолдоон болохо.

Псалманууд 125:5

Нёлбоһо урасхуулан үрэ таряашад баяртай ургаса хуряаха юм.

Исай 33:8

Харгы замууд хооһороо, аяншад харагдахаа болёо. Хэлсээн эбдэгдэжэ, гэршэнүүд хараада абтахаяа болижо, хэншье хэнииешье хүндэлнэгүй.

Ерэмияа 6:25

Хээрэ тала руу бү гарагты, харгы замаар бү ябагты. Юуб гэбэл, хаа-хаанагүй – һэлмэ бариһан дайсад, тойроод – аюул!

Гашуудал 1:4

Сионой харгынууд шаналан байна: һайндэртэ ошохо хүн байхагүй. Иерусалимай бартаанууд хооһон, санаартадынь ёолоно, басагадынь зобон уйдана, Сион өөрөөшье зобоно.

Гашуудал 4:18

Тэдэ алхам бүхэнииемнай отожо байгаа, гэрһээ гарахаа айнабди! Үхэл дүтэлжэ байна, үдэрнүүднай дууһаа! Үхэлнай ерээ!

Левит 26:22

Таанадта хүдөө хээрын зэрлиг амитадые эльгээхэб. Тэдэ таанадые үри хүүгэдгүй болгохо, адуу малыетнай хюдаха, өөһэдыетнай үсөөрүүлхэ, тиигээд харгынуудтнай хооһорхо.

Михей 3:12

Тиимэһээ таанадһаа боложо, Сион таряалангай талмай мэтэ хахалагдаха, Иерусалим обоолоотой һандархай шулуун болохо, Һүмын мүнөө байгааша газар ой модоной ургадаг гүбээ болохо!

Ударидагшад 3:31

Эһуудай удаа Анаадай хүбүүн Шамгаар ударидагша байгаа. Үхэр туудаг модоор тэрэ зургаан зуун пилишт зониие усадхаа бэлэй. Тэрэ мүн лэ Израилиие абарагша байгаа.

Ударидагшад 5:7

Тэндэ Дэбоораа, шинии ерэхэгүйдэш, тэдэнэй эхэнь үшөө болохогүйдэш, Израилиин тосхон һууринуудта эрэлхэг ударишагшад үгы болошоол.