Ударидагшад 5:23 - Библи

²³ Эзэнэй Эльгээмэл иигэжэ зарлиглана: «Мэрооздо муу хараалым хүргэгты! Тэндэхи зониие муугаар хараагты! Тэдэнэр Эзэндэ туһалхаа бү ерэг! Тэрээндэ сэрэгшэд туһалхаа бү ерэг!»

Ударидагшад 5:23 Referencias Cruzadas

Нэхэмьяа 3:5

Саашадахи ханые Тэкооһагай ажаһуугшад шэнэлбэд. Зүгөөр Тэкооһагай мэдээжэ хүнүүд өөрынгөө Эзэнэй туһада хүдэлхэ дурагүй байба.

Ерэмияа 48:10

(Эзэнэй хэрэг бүхы сэдьхэлһээ оролдон хэдэггүй зон хараал шэнгээг! Алахаяа тэбшэдэг хэн нэгэн хараал шэнгээг!)

Матвей 25:41

Тиигээд хаан Тэрэнэй зүүн талада байгаашадта хандан: «Бурханай хараалда хүртэгшэ таанад, Намһаа холо бологты! Шолмосто, мүн тэрэнэй эльгээмэлнүүдтэ бэлдээтэй хэтэ заяанай гал тамада ошогты!

Римэйхиндэ 15:18

Бусад арадуудые Бурханай мэдэлдэ оруулхын тула Христоос гайхамшагта тэмдэгүүдээр ба үйлэ хэрэгүүдээр, Бурханай Һүлдын хүсэ шадалаар намаар юу хэлүүлээ, хүүлээ һэм, тэрээн лэ тухай би хөөрэхэеэ зүрхэлхэб. Аяншалжа ябахадаа, би Иерусалимһаа Иллирик хүрэтэр хаа хаанагүй Христоос тухай Һайн Мэдээсэл тунхаглажа байгааб.

Коринфынхидтэ 1-дэхи 16:22

Эзэндэ дурагүй байһан хүнэй толгой дээрэ хараал бууг. Манай Эзэн, ерыт даа!

Коринфынхидтэ 1-дэхи 3:9

Бидэ Бурханай түлөө хамтаран ажаллагшад гээшэбди, харин таанад – Бурханай таряалан гээшэт. Тиихэдээ таанад баһа Бурханай барилга гээшэт.

Коринфынхидтэ 2-дохи 6:1

Бурханай буян хэшэгые дэмы бү абагты гэжэ бидэ Бурхантай хамта ажаллажа байһан ушарһаа таанадые гуйнабди.

Ударидагшад 13:3

Эзэнэй Эльгээмэл Манооһаагай һамганай урда бии болоод, тэрээндэ иигэжэ айладаба: – Ши үхибүүтэй болодоггүй байнаш, харин мүнөө хээлитэй боложо, хүбүү түрэхэш.

Ударидагшад 2:1

Эзэнэй Эльгээмэл Гилгаалһаа Бохиимдо ерээд, Эзэнэй хэлэһэн зарлигыень израильшуудта иигэжэ дамжуулба: «Би таанадые Египедһээ гаргааб, таанадай үбгэ эсэгэнэртэ тангариглан найдуулагша газартаа таанадые асарааб. Таанадтай баталһан хэлсээгээ хэзээдэшье эбдэхэгүйб гэжэ Би хэлээ һэм.

Ударидагшад 21:5

Иигэжэ тэдэнэр асуугаад, Эзэнэй гэртэхи сугларалганда, мүн Мицпаа хотодо ерээгүй хүнүүд алуурта хүртэхэ гэжэ хатуу тангариг үгэбэд.

Ударидагшад 21:8

Һүүлдэнь израильшууд бэе бэеһээ иигэжэ асуубад: «Израилиин бүхы обогуудһаа хэн Мицпаа хото Эзэнэй гэртэ ерээгүйб?» Галаадай Ябээшдэ ажаһуугшадһаа хэншье Эзэнэй гэртэ сугларалганда ерэбэгүй.

Ударидагшад 4:6

Дэбоораа Напталиигай уг удамай ажаһуудаг Кээдэш хотоһоо Абиноһаамай хүбүүн Бараакые дуудажа ерүүлээд, тэрээндэ иигэжэ хэлэбэ: – Эзэн, Израилиин Бурхан шамда иигэжэ зарлиглана: Напталиигай болон Зэбүлүүнэй уг удамуудта ошожо, арба мянган сэрэгшэдыень суглуулаад, тэдэниие дахуулжа, Табоор хада дээрэ гара.

Ударидагшад 5:13

Таанад, амиды үлэгшэд, ударидагшадтаа ошогты. Таанад, Эзэнэй арад, Намда хүсэ асарагты.

Ударидагшад 6:11

Тэрэ үдэр Эзэнэй Эльгээмэл Гидоонтой уулзахаяа Опраада ерээд, сарса модон доро һууба. Тэрэ сарса модон Абиээзэрэй уг удамай Ёһаашай мэдэлэй байгаа. Ёһааш Гидооной эсэгэ байһан юм. Шэниисын орооһо сохилгоной үедэ Гидоон мидиануудһаа хоргодохын тула уһан жэмэс шахан дарадаг шахуургын хажууда байба.

Ударидагшад 8:5

Гидоон Суккоот хотодо ажаһуугшадта иигэжэ хэлэбэ: – Минии хойноһоо ябаһан сэрэгшэдтэ хилээмэ үгэгты. Эдэнэр гэдэһээ үлдөөшье, эсээшье. Харин би Мидианай хаашуул Зээбах Цалмуннаа хоёрые мүрдэжэ ябанаб.

Ударидагшад 8:6

Суккоот хотын засаг баригшад тэрээндэ иигэжэ хэлэбэд: – Таанад Зээбах Цалмуннаа хоёрые үшөө баряагүйт. Теэд бидэнэр шинии сэрэгшэдые юундэ эдеэлүүлхэ болобобди?

Ударидагшад 8:8

Гидоон Суккоодһоо Пэнүһээл ерээд, тэрэ хотынхидһоо хилээмэ эрибэ. Тиихэдэнь тэдэнэр Суккоот хотынхидтол тон адляар Гидооной сэрэгшэдтэ хилээмэ үгэхэеэ арсаба.

1 Хаан түрэнүүд 17:47

Энэ сугларһан олоншье Эзэн һэлмэ, жада хэрэглэнгүй абардаг гээшые мэдэдэг болохо. Энэ байлдаан хадаа Эзэнэй байлдаан, тиигээд Тэрэ таанадые манай гарта үгэхэ, – гэбэ.

1 Хаан түрэнүүд 18:17

Саул Давидта: – Энэ хадаа минии ехэ басаган Мэрааб. Тэрэниие шамда һамган болгон үгэхэб. Гансал минии түлөө зоригтой байжа, Эзэнэй байлдаануудта тулалда, – гэбэ. Ушарынь гэхэдэ, Саул «Минии гарһаа бэшэ, харин пилиштүүдэй гарһаа Давид хосорог» гэжэ һанаа бэлэй.

1 Хаан түрэнүүд 25:28

Шэбэгшынгээ гэм зэмые хүлисыт. Эзэн заабол минии эзэнэй уг удам шанга болгохо, юуб гэхэдэ, минии эзэн Эзэнэй дайн дажарые ябуулна. Мүндэлһэн сагһаа эхилжэ, та муу юумэ хээгүйт, хэхэшьегүйт!

1 Хаан түрэнүүд 26:19

Мүнөө минии эзэн хаан өөрынгөө богоолой хэлэхые шагнаг. Хэрбээ Эзэн таниие намда эсэргүү болгоо һаа, Тэрэ үргэл намһаа абахань болтогой! Харин тэрэ хүнүүдэй үйлэдэһэн зүйл һаа, Эзэнэй урда тэдэ хараал шэрээл шэнгээг лэ! Юуб гэхэдэ, тэдэ намайе үлдэхэдээ, Эзэнэй угай зөөриһөө минии хуби намһаа хасана бшуу, «яба, ондоо бурхадта мүргэ» гэжэ хэлэнэ.