Ударидагшад 5:14 - Библи

¹⁴ Амалээгэй орондо нютагжаһан Эпрааимуудай сэрэгшэд ерээл! Шинии хойноһоо Бэньямиинэй сэрэгшэд ошолсоол! Махиирай үенүүдһээ сэрэгэй дарганар ошоол! Зэбүлүүнэй үенүүдһээ гараһан сэрэгшэд зузууртай һорьбоор хадхахадаа бэрхэл!

Ударидагшад 5:14 Referencias Cruzadas

Эхин 35:22

Тэндэ байхадаа ууган хүбүүн Рэүбээн эсэгынгээ бага һамган Билһаатай унтаа. Энээн тухай эсэгэнь мэдэбэ. Яков арбан хоёр хүбүүдтэй бэлэй.

Эхин 35:23

Лэһаа һамганһаань Яковай ууган хүбүүн Рэүбээн, Симеон, Левий, Иуда, Иссахаар ба Зэбүлүүн гараа.

Эхин 35:24

Рахээл һамганһаань Иосиф ба Бэньямиин гараа.

Псалманууд 68:27

Юуб гэбэл, Танай шархатуулһан хүниие тэдэ шахан намнан байна, Танай хадхаһан зондо тэдэ үшөө зоболон ушаруулна.

Һошээ 5:8

Гибаада үхэр бүреэгээр үлеэжэ, һэргылһэн дохёо үгэгты! Рамаада бүреэ дуугаргагты! Бэньямиинэй зон, Бэт-Аавэндэ добтолгын тэмдэг үгэгты!

Ударидагшад 12:15

Тиигээд Пиратоон хотын Һиллээлэй хүбүүн Абдоон наһа бараба. Тэрэниие амалээгүүдэй ажаһуудаг хада дээрэ, Эпрааим угай харьяата газар дээрэхи Пиратоон хотодо хүдөөлүүлбэ.

Ударидагшад 3:13

Эглоон өөрынгөө сэрэгтэ аммоонуудай болон амалээгүүдэй сэрэгшэдые суглуулан нэгэдхээд, дайгаар израильшуудта добтолон орожо, тэдэнэй Пальма модото хотые эзэмдэн абаба.

Ударидагшад 3:27

Тиигээд тэрэ тэндэһээ Эпрааимай хадануудта хүрөөд, эбэр бүреэгээ үлеэбэ. Бүреэгэй абяанай сууряатан зэдэлхэдэнь, израильшууд тэндэ сугларба. Тиигээд тэдэнэр хада руу буужа эхилбэд. Тэдэнэй урдань Эһууд ябана.

Ударидагшад 4:10

Тэндэ Бараак Напталиигай болон Зэбүлүүнэй уг удамуудһаа арба мянган сэрэгшэдые суглуулаад, тэдэнээ хойноо дахуулжа, дайлалдахаяа ошобо. Дэбоораа тэдэнтэй суг хамта ябалсаба.

Ударидагшад 4:14

Дэбоораа Бараакта иигэжэ хэлэбэ: – Урагшаа! Мүнөөдэр Сисэраагай сэрэгүүдые һамна бута сохиходошни, Эзэн шамда туһалха. Харгы замыешни сүлөөлжэ, шинии урда Эзэн ябаха. Бараак арбан мянган сэрэгшэдээ дахуулжа, Табоор хада руу бууба.

Ударидагшад 5:13

Таанад, амиды үлэгшэд, ударидагшадтаа ошогты. Таанад, Эзэнэй арад, Намда хүсэ асарагты.