Ударидагшад 4:21 - Библи

²¹ Сисэраа ехээр эсэһэн тула тэрэ дары унташаба. Теэд Хээбэрэй Яһээл һамган газарһаа һугалжа майханайнгаа гадаһыень абаба. Тиигээд тэрэ эхэнэр нүгөөдэ гартаа алха барижа, маряаһаар Сисэраада ерээд, гадаһанайнгаа үзүүрыень тэрэнэй сабиргайда тулган шэглүүлэмсээрээ, узуурыень алхаар сохибо. Тэрэ гадаһан Сисэраагай сабиргай соогуур һэтэ гараад, газар руу шаагдашаба. Сисэраа үхэбэ.

Ударидагшад 4:21 Referencias Cruzadas

Псалманууд 3:7

Намайе тойроошо түмэн зонһоо айнагүйб.

Коринфынхидтэ 1-дэхи 1:19

Нангин Бэшэг соо: «Сэсэн мэргэшүүлэй ухаан һүнөөхэб, ухаатай зоной ухаан бодолыень буруушаахаб», – гэжэ хэлэгдэнэ.

Коринфынхидтэ 1-дэхи 1:27

Тиимэһээ Бурхан энэ дэлхэйн сэсэн мэргэниие номгоруулхын тула ямаршье удхагүй гэжэ тоологдодог юумэнүүдые шэлэжэ абаа, энэ дэлхэйн һүр хүсые сарахын тула хүнүүдэй дундаһаа ахир һула гэжэ тоологдодогуудыень шэлэжэ абаа.

Ударидагшад 15:15

Самсоон һаяхан үхэһэн элжэгэнэй үрүү олоод, тэрээгээрээ мянган пилиштүүдые алаба.

Ударидагшад 3:21

Эһууд зүүн гараа субынгаа саана нюуһан, баруун ташаандаа һанжуулан бэһэлһэн элдэеэ абаад, тэрээгээрээ хаанай гэдэһые хадхаба.

Ударидагшад 3:31

Эһуудай удаа Анаадай хүбүүн Шамгаар ударидагша байгаа. Үхэр туудаг модоор тэрэ зургаан зуун пилишт зониие усадхаа бэлэй. Тэрэ мүн лэ Израилиие абарагша байгаа.

Ударидагшад 4:20

Сисэраа хибэс дороһоо Яһээлдэ иигэжэ хэлэбэ: – Ошоод, майханайнгаа үүдэндэ зогсо. Хэрбэеэ хэн нэгэнэй ерээд, «Эндэ хүн бии гү?» гэжэ шамһаа һураа һаань, «Хэншье үгы» гэжэ харюусаарай.

Ударидагшад 4:22

Эгээл энэ үедэ Сисэраае мүрдэн бэдэржэ байһан Балаак Яһээлэй майханда хүрэжэ ерэбэ. Яһээл тэрэниие угтажа урдаһаань ошоод, тэрээндэ иигэжэ хэлэбэ: – Майхан соом орыш даа, мүрдэн бэдэржэ ябаһан хүнииешни би шамда харуулхаб. Майхан соо ороходоо, Бараак сабиргай руугаа гадаһа шаалгуулжа үхэһэн Сисэраагай хүүр бэеын газарта хэбтэхыень хараба.

Ударидагшад 4:9

Дэбоораа тэрээндэ иигэжэ хэлэбэ: – Би шамтай ошолдохоб. Теэд байлдаанай энэ аян зам шамайе алдаршуулхагүй. Гэбэшье Эзэн Сисэраае эхэнэрэй гарта үгэнэ. Дэбоораа Бараактай суг хамта Кээдэш хото ошобо.

1 Хаан түрэнүүд 17:43

Тэрэ Давидта: – Ши юундэ нам руу модо барижа ерэбэш? Би нохой юм гүб? – гэбэ. Пилишт хүн өөрынгөө бурхадые дурдан, Давидые харааба шэрээбэ.