Ударидагшад 4:11 - Библи

¹¹ Тэрэ үе сагта өөрынгөө хээн уг удамуудһаа таһарһан Хээбэр гэжэ нэрэтэй хүн тэндэ ажаһууба. Хээн үндэһэ яһанай Хобаабай үри һадаһануудай нэгэн Моисейн хадам эсэгэ болохо юм. Кээдэшһээ холо бэшэ Цаананниимэй сарса модонуудай хажууда Хээбэр өөрынгөө майхан хүреэнүүдые татаба.

Ударидагшад 4:11 Referencias Cruzadas

Египедһээ гаралга 18:1

Моисейн хадам эсэгэнь болоһон мидиан угсаатанай санаартан Итроо Моисейн болон Израилиин аша туһада Эзэнэй үйлэдэһэн хэрэгүүдые, Египедһээ Израилиин арад түмэниие Эзэнэй гаргаһые дуулаба.

Египедһээ гаралга 2:18

Басагадай гэртээ бусахадань, Рэүһээл эсэгэнь асууба: – Басагадни, яагаа түргэн бусабат мүнөөдэр?

Египедһээ гаралга 3:1

Моисей мидиан угсаатанай газарта хадам эсэгэнь болоһон Итроо санаартанай хони адуулдаг һэн. Нэгэтэ хонидоо сүл губи руу тууһаар туужа, Бурханай хада Хорээб тээшэ дүтэлэн ерэбэ.

Тоололго 10:29

Моисей мидиан үндэһэ яһанай болохо хадам эсэгэ Рэүһээлэй хүбүүн Хобаабта иигэжэ айладаба: – Бидэндэ үгэхэб гэжэ үбгэ эсэгэнэртэмнай үгэеэ үгэһэн Эзэнэй газар тээшэ бидэнэр ошожо ябанабди. Ши бидэнтэй ябалса, ушар юуб гэхэдэ, Эзэн израильшуудта олон һайн юумэ найдуулаа, шамдашье һайн юумэн хүртэхэ.

Тоололго 10:32

Хэрбэеэ бидэнтэй ошолсоо һааш, Эзэнэй бидэндэ үршөөн хүртөөһэн бүхы һайн юумэнүүдһээ шамда хубаалдахабди.

Тоололго 24:21

Тиигээд Балаһаам хээншүүдые хараад, иигэжэ өөрынгөө һургаал үгүүлэлые хэлэбэ: – Шубуунай ниидэдэг үндэртэ, годлиин хүрэшэгүй газарта орон нютагтайб гэжэ ши найдан этигэнэ гүш?

Нүүнэй Иисүүс 19:33

Тэдээнэй хилэ Хээлэпһээ ба Цаананниимэй ойһоо гараад, Адами-Нээкэб ба Ябнээл тээшэ ошожо, Лаккуум хүрөөд, Иордан шадар дууһана;

Нүүнэй Иисүүс 19:37

Кээдэш, Эдрей ба Эн-Хацоор,

Ударидагшад 1:16

Моисейн хээн үндэһэ яһанай хадамай хүбүүд Пальма модоной хотоһоо гараад, Араад хотоһоо урагшаа нэмжыдэг Иудын сүл губида хүрэжэ, тэндэ нютагжан тогтобо.

Ударидагшад 4:12

Абиноһаамай хүбүүн Бараак Табоор хада дээрэ гараа гэжэ Сисэраада дуулдаба.

Ударидагшад 4:6

Дэбоораа Напталиигай уг удамай ажаһуудаг Кээдэш хотоһоо Абиноһаамай хүбүүн Бараакые дуудажа ерүүлээд, тэрээндэ иигэжэ хэлэбэ: – Эзэн, Израилиин Бурхан шамда иигэжэ зарлиглана: Напталиигай болон Зэбүлүүнэй уг удамуудта ошожо, арба мянган сэрэгшэдыень суглуулаад, тэдэниие дахуулжа, Табоор хада дээрэ гара.

1 Хаан түрэнүүд 15:6

Саул хээнүүдтэ: – Ошогты, минии таанарые тэдэнтэй хамта һалгаахагүйн тула амалээгүүдэй дундаһаа һалан ябагты. Юуб гэхэдэ, таанад Израилиин арад зоной Египедһээ гараад ябаха үедэ тэдээндэ энэрилтэйгээр хандаа бэлэйт, – гэбэ. Тиигэжэ хээнүүд амалээгүүдэй дундаһаа һалажа ябаба.

1 Хаан түрэнүүд 27:10

Ахииш: – Мүнөөдэр ши хэндэ добтолон орообши? – гэжэ асуухадань, Давид: – Иудын урда зүгтэ, Ерахмээлэй урда зүгтэ, Хээнэй урда зүгтэ, – гэжэ харюусадаг байгаа.