Ударидагшад 3:7 - Библи

⁷ Эзэн израильшуудые муу юумэ хэнэ гэжэ хараба. Тэдэнэр Эзэнээ, Өөрынгөө Бурханиие мартаад, Баалда болон Ашэраада шүтэн мүргэбэд.

Ударидагшад 3:7 Referencias Cruzadas

3 Хаан түрэнүүд 16:33

Ахааб Ашэраа бурханай дүрсэ бүтээбэ. Урдань байгааша Израилиин хаашуулһаа бүри үлүүгээр тэрэ Израилиин Эзэн Бурханиие уурлуулаа һэн.

3 Хаан түрэнүүд 18:19

Мүнөө хадаа Израилиин бүхы улад зониие Кармээл хада дээрэ суглуула. Баалай дүрбэн зуун табин лүндэншые ба Изээбэлэй шэрээгэй саана эдеэ хоол баридаг, Ашэраа бурханай дүрбэн зуун лүндэншые тиишэнь асара.

4 Хаан түрэнүүд 23:14

Тэрэ нангин шулуунуудые буталба, Ашэраагай модон сэргэнүүдые таһар сабшажа унагааба. Тиигээд тэрэ нангин тэдэ газарнуудта үхэһэн хүнүүдэй яһануудые хаяба.

4 Хаан түрэнүүд 23:6

Тиигээд тэрэ Эзэнэй һүмэһөө Ашэраагай дурые гаргажа, Иерусалимай хэрэм ханын саанахи Кидрооной хүндыдэ абаашахыень захирба. Тиигээд тэрэ дүрсые Кидрооной хүнды соо шатаажа, үнэһыень хамажа суглуулаад, эгээлэй юрын хүнүүдэй булаша дээгүүр сасан тарааба.

2 Угай бэшэг 15:16

Ашэраа бурханай хүрэг бүтээлгэһэнэйнь тула Маһахаа гэдэг нагаса эжыгээ хатанай нэрэ хүндэһөө буулгаа бэлэй. Асаа тэрэ хүрэгыень унагаалгажа, хэдэн хэһэг болгон бута сабшуулаад, Кидроон горхоной хажууда шатаалгаба.

2 Угай бэшэг 24:18

Иигэжэ улад зон үбгэ эсэгэнэрэйнгээ Эзэн Бурханиие орхижо, онгонуудта, Ашэраа бурханда мүргэжэ эхилбэ. Тэдэнэй гэм зэмэй түлөө Эзэн Иудада болон Иерусалимда уурлаба.

2 Угай бэшэг 33:19

Тэрэнэй зальбаралга, Бурханай тэрэниие анхарһаниинь, бүхы нүгэл, гэм зэмынь, номхон даруу болохын урда тээ үргэлэй газарнуудые түхеэрһэниинь, Ашэраа бурханай болон онгонуудай дүрсэнүүдые табиһан газарнуудынь Хозай гэгшын бэшэгүүд соо зураглагданхай.

2 Угай бэшэг 33:3

Хэзэкияа эсэгынгээ һандаргаһан мүргэлэй обоонуудые дахин һэргээн бодхообо, Баалда зорюулһан үргэлэй шэрээнүүдые барюулба, Ашэраагай модон сэргэнүүдые бүтээлгэбэ, тэнгэриин наран, һара болон одо мүшэдтэ мүргэдэг, тэдээндэ алба хэдэг болобо.

2 Угай бэшэг 34:3

Үшөө гүлмэр залуу байхадаа, хааншалалгынгаа наймадахи жэлдэ элинсэг эсэгэ Давидай Бурханда тэрэ мүргэжэ эхилээ. Хааншалалгынгаа арбан хоёрдохи жэлдэ Иудын болон Иерусалимай газар дайдые обоонууд дээрэ түхеэрһэн үргэлэй шэрээнүүдһээ, Ашэраа бурханда зальбардаг сарса модон шүтөөнүүдһээ, һиилэһэн, шудхаһан дүрсэнүүдһээ тэрэ сүлөөлбэ.

2 Угай бэшэг 34:7

Үргэлэй шэрээнүүдые болон Ашэраа бурханай мүргэлтэй мододые Ёшияа үгы хэбэ. Хүрэгүүдые тооһон болотор тэрэ бута сохибо, уталгын бүхы шэрээнүүдые Израилиин газар дайдаар һалгааба. Тиигээд тэрэ Иерусалим руу бусаа һэн.

Псалманууд 106:35

Харин сүл губиин орондо нуур сөөрэм байгуулаа, хуурай газарай һуурида булаг дэлбэрээ.

Псалманууд 106:36

Гэдэһээ үлдэжэ ябагша зониие Тэрэ хүтэлэн тэндэ асарна, тэдэ тосхонуудые барина, тэндээ ажаһууна.

Псалманууд 106:7

зоной байдаг нютаг руу зүб харгы заажа үгөө.

Египедһээ гаралга 34:13

Үргэлэй шэрээнүүдыень һандаргагты, һүгэдэн мүргэдэг нангин шулуунуудыень бута сохигты, Ашэраа бурханда мүргэдэг тахилгата модонуудыень сабшан хаягты!

Ерэмияа 23:27

Тэдэнэй үбгэ эсэгэнэрэй Баалда эрьежэ, Намайе мартаһандал, тэдэ бэе бэедээ хөөрэдэг өөһэдынгөө зүүдээрээ Минии арад зондо нэрыемни мартуулхаяа һанана.

Хуули дабталга 16:21

Эзэн Бурхандаа үргэлэй шэрээ бүтээхэдээ, Ашэраа бурханай модо хажуудань бү һуулгагты, ямаршье модо бү һуулгагты.

Хуули дабталга 4:9

Теэд болгоомжологты! Хараһан үзэһэн үйлэ хэрэгүүдээ бү мартагты, бүхы наһаараа ой ухаанһаатнай тэдэ бү гараг. Эзэн Бурханайнгаа урда Хорээб хадын дэргэдэ зогсоһон тэрэ үдэр тушаа үхи хүүгэдтээ, аша гушанартаа хөөрэгты. Тэндэ Эзэн намда иигэжэ айладхаа бэлэй: «Улад зониие Минии урда суглуула, Би тэдээндэ Өөрынгөө һургаал айладхахам. Тиихэдэм тэдэнэр хүрьһэтэ дэлхэй дээрэ амидаран байгаа бүхы наһан соогоо Намайе хүндэлжэ һураха, энээндэ үхи хүүгэдээшье һургахал».

Хуули дабталга 8:11

Болгоомжотой байгты! Эзэн Бурханаа бү мартагты! Мүнөөдэр би таанадта захяа заабарииень, ёһо гуримыень, хуулинуудыень дамжуулнаб, тэдэниие сахигты.

Хуули дабталга 8:14

дээрэлхүү зан үзүүлхэеэ тэбшэгты, Египедэй газар оронһоо, богоол байдалһаатнай гаргаһан Эзэн Бурханаа бү мартагты.

Хуули дабталга 8:18

Баян болохо шадал таанадта гансал Эзэн Бурхантнай үршөөнэ гээд мартангүй һанажа ябагты. Үбгэ эсэгэнэртэйтнай баталһан хэлсээгээ Тэрэ мүнөөшье бэелүүлнэ.

Ударидагшад 3:12

Эзэн израильшуудай муу юумэ дахин хэхыень хараад, энэ арадые үй бута сохихынь тула Моһаабай хаан Эглоондо хүсэ шадал үршөөбэ.

Ударидагшад 3:8

Эзэн израильшуудта сухалдаад, тэдэниие илагты гэжэ Месопотамай хаан Кушаан-Ришатааимда үршөөл хайраяа үгэбэ. Месопотамай хаан тэдэниие найман жэл соо зонхилбо.

Ударидагшад 6:25

Тэрэ һүни Эзэн Гидоондо иигэжэ айладаба: – Ши эсэгынгээ һүрэгһөө долоо наһатай тарган нэгэ буха аба. Тиигээд эсэгынгээ Баалда зорюулһан тахилайнь шэрээе һандарга, тэрэнэй хажуудахи Ашэраагай модо отолжо унагаа.

Ударидагшад 8:33

Гидооной наһа барахалаар израильшууд дахин Баалда шүтэн забхайралдажа, Баал-Бэриитые өөһэдынгөө бурхан болгобо.

Ударидагшад 8:34

Израильшууд Израилиин газар дайдыень хүреэлһэн бүхы дайсадай гарһаа тэдэниие гаргажа абарһан Эзэниие, өөрынгөө Бурханиие һанажа ябабагүй.

1 Хаан түрэнүүд 12:10

Эзэндэ мүргэн шашхалдан, «бидэ Эзэниие орхижо, Баалнуудта ба Аштаартуудта мүргэжэ, нүгэл хээбди. Харин мүнөө дайсадаймнай гарһаа маанадые мултаруулыт. Бидэ Танда мүргэдэг болохобди» гэжэ тэдэ гуйгаа бэлэй.

1 Хаан түрэнүүд 12:9

Теэд тэдэнэй өөһэдынгөө Эзэн Бурханаа мартахадань, Тэрэ урдаһаань дайлалдажа байгаа Хацоорой сэрэгэй жанжан Сисэраагай, пилиштүүдэй болон Моһаабай хаанай гарта тэдэниие дамжуулаа һэн.