Ударидагшад 3:3 - Библи

³ пилиштын табан эзэмдэгшэдтэй хамта бүхы ханаһаануудые, бүхы сидоонуудые болон хиивүүдые орхиһон байгаа. Тэдэнэр Бааһал-Хэрмоонһоо Лэбоо-Хамаат хүрэтэрхи Ливаанай хадалиг газарта ажаһуугаа юм.

Ударидагшад 3:3 Referencias Cruzadas

Эхин 49:13

Зэбүлүүмни! Шинии үри һадаһад Дундада далайн эрьеэр түбхинэн, үмсын газартай байха. Тэдэ уһан онгосоор худалдаа наймаа эрхилхэ. Уг удамшни Сидоон хото хүрэтэр таран амидарха.

2 Хаан түрэнүүд 24:7

Тиигээд тэдэ урда зүг руу, Тиирэй бүхэлэгдэһэн хотонуудта хүрэбэ, хиивүүдэй болон ханаһаануудай бүхы хотонуудаар ябаба. Тэндэһээ Иудын урда зүгтэ байдаг Бэһээр-Шээбэдэ ерэжэ, тоо бүридхэлые дүүргэбэ.

3 Хаан түрэнүүд 8:65

Соломоон найр наада хэбэ. Эзэн Бурханаймнай урда Израилиин бүхы арад – Лэбоо-Хамаатһаа эхилээд, Египедэй хүнды хүрэтэр нэмжыһэн дайдын улад зон угаа олоор – Соломоонтой хамта долоон үдэр, дахяад долоон үдэр, дүн хамта арбан дүрбэн үдэрэй туршада һайндэрлэбэ.

3 Хаан түрэнүүд 9:20

Израилиин зон эмоор, хээт, пэриззии, хиив, евүүс яһатанда добтолжо, газарынь эзэмдээ бэлэй. Тэдэнэй амиды үлэһэн үлдөөсын үхи хүүгэдые Соломоон зарасанар болгобо. Тэдэ мүнөөшье болотор зарасанарынь зандаа байна.

Эзэкээл 47:20

Баруун хилэ болбол Дундада далайгаар хойшоо Лэбоо-Хамаатһаа баруулжаа газар хүрэтэр гараха.

Тоололго 13:29

Харин тэрэ газар дээрэ ажаһуудаг арад зон хүсэтэй. Хотонуудынь бата бэхи хэрэмтэй, угаа ехэнүүд. Хараабди тэндэ Анаагай үринэрые!

Тоололго 34:8

Һоор хадаһаа Лэбоо-Хамаат хүрөөд, тэндэһээ Цэдаад,

Хуули дабталга 1:7

Эрьежэ, аян замда гаража, эмоор обог зоной уулархаг нютаг руу ошогты, мүн оршон тойронхи хүршэнүүдтэнь – Арабаа руу, хада уулархаг нютагууд руу, тала руу, Нээгэб руу, далайн эрье руу, ханаһаануудай нютаг болон Ливаан руу, агууехэ Евфрат мүрэн хүрэтэр зоригты.

Хуули дабталга 3:9

(Сидоон арад Хэрмооные Сириһоон, эмоор арад Сэниир гээд нэрлэдэг юм.)

Нүүнэй Иисүүс 11:19

Гибэһоондо һуудаг хиивүүдһээ ондоо Израилиин хүбүүдтэй эб баталһан хото гэжэ байгаагүй: бултынь дайлан абаа.

Нүүнэй Иисүүс 11:3

зүүн тээшээ, далай тээшэ һуудаг ханаһаануудта, эмооршуудта, хээдүүдтэ, пэриззиинүүдтэ ба хадада һуудаг евүүсүүдтэ, Хэрмооной хажууда Мицпаагай газар дээрэ һуудаг хиивүүдтэ эльгээгээ.

Нүүнэй Иисүүс 13:3

Египедэй урдахи Сихорһоо хойшоо Экрооной хилэ хүрэһэн газар Ханаһаанай гэжэ тоологдодог, тэндэ Пилиштын табан эзэд бии: Гаазай, Ашдоодой, Ашхэлооной, Гаадай, Экрооной. Урда зүгтэ аввиимуудай газар.

Нүүнэй Иисүүс 13:5

үшөө Гэбаалай газар ба наранһаа зүүн тээшэнхи Хэрмоон хадын хажуудахи Бааһал-Гаадһаа Лэбоо-Хамаатай аман хүрэтэр.

Нүүнэй Иисүүс 19:28

саашаа Абдоон, Рэһооб, Хаммоон ба Канаа, агууехэ Сидоон хүрэтэр;

Нүүнэй Иисүүс 9:7

Израилиинхин хиивүүдтэ хэлэбэ: – Таанар манда дүтэ байнагүй гүт? Яажа тантай эб найрамдал тухай хэлсээ баталхабибди?

Ударидагшад 10:12

сидоонуудта, амалээгүүдтэ болон моһаабуудта харшалуулан дарлуулбат. Таанадай Намда хашхаралдан гуйхада, Би таанадые тэдэнэй гарһаа абараагүй аалби?

Ударидагшад 10:7

Тиихэдэнь Эзэн израильшуудта сухалдажа, тэдэниие пилиштүүдэй болон аммоонуудай гарта үгэбэ.

Ударидагшад 14:4

Пилиштүүдһээ үһөөгөө израильшууд абаг гэжэ Самсоондо Эзэнэй үршөөһэн зарлигыень хүбүүнэй эхэ, эсэгэ хоёр мэдэбэгүйд. Эгээл тэрэ үе сагта пилиштүүд израильшуудые дарлан захиржа байһан юм.

Ударидагшад 18:7

Табан сэрэгшэ тэндэһээ саашаа ошожо, Лааһишта ерэбэ. Тиихэдээ тэдэнэр эндэхи арадые сидоонуудай ёһо заншал баримталжа, амгалан тайбан, аалин номгон ба һанаа амар ажаһууна, энэ орон нютагта дутаха юумэн болон засаг бариха хүн үгы гэжэ харабад. Тэдэнэр сидоонуудһаа холо байһан тула хэнтэйшье харилсаа холбоогүй байбад.

Ударидагшад 4:2

Тиихэдэнь Эзэн израильшуудые засаглан бариха хүсэ шадал Ханаһаанай хаан Ябиинда үршөөбэ. Ябиин тэрэ үе сагта Хацоор хотодо засаг барижа байгаа. Хароошэт-Хагойиимдэ ажаһуудаг Сисэраа болбол тэрэ хаанай сэрэгэй ноён байһан юм.

1 Хаан түрэнүүд 13:5

Пилиштүүд Израильтай дайлалдахаар сугларба: гуша мянган тэргэ, зургаа мянган морин сэрэг ба далайн эрьеын элһэн мэтэ тоо томшогүй ябаган сэрэг олон байгаа. Тэдэ ерэжэ, Бэт-Аавэнэй зүүн талада, Михмаашта хотон хүреэнээр тогтобо.

1 Хаан түрэнүүд 29:2

Пилиштүүдэй ноёдой зуута, мянгатаараа үнгэрэн ябахада, Давид болон тэрэнэй хүнүүд Ахииштай хамта тэдэнэй һүүлдэнь ябаба.

1 Хаан түрэнүүд 6:16

Пилиштын табан ноёд энээниие хараад, тэрэ үдэртөө Экроон руу бусаба.

1 Хаан түрэнүүд 6:18

Алтан хулгананууд хадаа Пилиштын табан ноёдой зонхилдог хотонуудай – бүхэлэгдэһэн хотонуудай ба хэрэм ханагүй һууринуудай тоогоор байгаа бэлэй. Эзэнэй ханзые табиһан тэрэ томо шулууе мүнөөшье болотор Бэт-Шээмэшэй Ёшуһаагай таряалан дээрэ ажаглажа болохо.

1 Хаан түрэнүүд 6:4

Тиихэдэнь улад зон асууба: – Гэм зэмэй түлөө ямар үргэл үргэхэбибди? Тэдэнь иигэжэ хэлэбэ: – Пилиштын ноёдой тоогоор табан алтан һэлхэн үбшэ, табан алтан хулгана дархалагты. Юуб гэхэдэ, таанад болон танай ноёд дээрэ нэгэл гай гасалан буугаа ха юм.