Ударидагшад 3:28 - Библи

²⁸ Эһууд тэдээндэ иигэжэ хэлэбэ: – Минии хойноһоо ябагты! Манай дайсад болохо моһаабуудые үй бута сохиходо Эзэн бидэндэ туһалха! Израильшууд Эһуудай хойноһоо ошобод. Тэдэнэр хада руу буугаад, Моһааб ошодог харгыгаар Иордан мүрэн гаталдаг гарсые эзэлээд, нүгөө талаһаа мүрэн гаталха гэһэн хэнииешье табибагүй.

Ударидагшад 3:28 Referencias Cruzadas

3 Хаан түрэнүүд 20:21

Израилиин хаан сэрэгээрээ хойноһоонь гараад, моридые, дайшалхы тэргэнүүдые хуряан абаба. Иигэжэ Араамай сэрэгые тэдэ угаа олоор усадхаба.

Нүүнэй Иисүүс 2:7

Эльгээгдэһэн элшэд тэдээниие Иордан ошоһон харгыгаар гарса хүрэтэр мүрдэбэ. Намнагша нэхүүлэй гаран сасуу хашаагай үүдэ хааба.

Ударидагшад 10:11

Эзэн израильшуудта иигэжэ айладаба: – Таанад египедүүдтэ, эмооршуудта, аммоонуудта, пилиштүүдтэ,

Ударидагшад 12:5

Галаадай уг удамууд Иордан мүрэн гаталдаг бүхы гарсануудые эзэмдэн абаба. «Мүрэн гаталхыемни намда зүбшөөгыш», – гэжэ Эпрааимай угһаа хэзээ нэгэтэ тэрьедэһэн оргодолнуудай хэн нэгэнэйнь гуйхада, галаадайхид тэрээнһээ иигэжэ асуудаг байба: «Ши Эпрааимай угай гүш?» «Үгы», – гэжэ тэрэнэй харюусахадань:

Ударидагшад 3:29

Хүдэр шамбай бэетэй ба бар ехэ хүсэтэй арбаад мянган моһаабуудай хэншье тэрьедэжэ шадангүй, тэрэ гарса дээрэ алуулба.

Ударидагшад 4:10

Тэндэ Бараак Напталиигай болон Зэбүлүүнэй уг удамуудһаа арба мянган сэрэгшэдые суглуулаад, тэдэнээ хойноо дахуулжа, дайлалдахаяа ошобо. Дэбоораа тэдэнтэй суг хамта ябалсаба.

Ударидагшад 7:14

Нүгөөдэнь тэрэнэй зүүдыень иигэжэ тайлбарилна: – Энэшни Израиль үндэһэнэй Ёһаашай хүбүүн Гидооной һэлмэ болоно ха юм. Эзэн тэдэнэй гарта мидиануудые болон майхан хүреэнэй бүхы сэрэгшэдые үгэбэ гээшэл.

Ударидагшад 7:15

Тэрэ зүүдэн, тэрэнэй тайлбари тухай Гидоон шагнаад, Эзэндэ зальбаржа, доро дохимсоороо израильшуудай майхан хүреэндэ бусаад, иигэжэ сэрэгшэдтэ хэлэбэ: – Бодогты! Мидиануудай сэрэгшэдые бута сохилгондо Эзэн бидэндэ туһалха.

Ударидагшад 7:17

Тиигээд Гидоон сэрэгшэдтээ иигэжэ хэлэбэ: – Таанад намайе хараад, минии хэһэн юумэ хэгты. Би дайсадай майхан хүреэндэ ошоод, юу хэнэбиб, таанад тэрэниием хэхэт.

Ударидагшад 7:24

– Хадаһаа буужа, мидиануудай урдаһаа добтологты, Бэт-Барааһаа Иордан мүрэн хүрэтэрхи тэдэнэй бүхы гарсануудыень эзэмдэгты, – гэһэн захяатайгаар Гидоон элшэдээ хадалиг газарта ажаһуудаг Эпрааимай обогой бүхы зондо эльгээбэ. Эпрааимай обогойхин булта сугларжа, харгы замдаа Бэт-Барааһаа Иордан хүрэтэрхи мүрэн гаталдаг гарсануудые эзэмдэбэ.

Ударидагшад 7:9

Тэрэ һүни Гидоондо Эзэн иигэжэ айладаба: – Бодо, мидиануудай майхан хүреэндэ ошо. Би тэдэниие шинии гарта үгэнэб.

1 Хаан түрэнүүд 17:47

Энэ сугларһан олоншье Эзэн һэлмэ, жада хэрэглэнгүй абардаг гээшые мэдэдэг болохо. Энэ байлдаан хадаа Эзэнэй байлдаан, тиигээд Тэрэ таанадые манай гарта үгэхэ, – гэбэ.