Ударидагшад 21:4 - Библи

⁴ Үглөө үглөөгүүрынь израильшууд тэндэ үргэлэй шэрээ бодхоогоод, түгэс шатаалта болон амгалан байдалай түлөө үргэлнүүдые үргэбэд. Тиихэдээ израильшууд бэе бэеһээ иигэжэ асуубад: – Израилиин бүхы обогуудһаа хэн Эзэнэй гэртэ суглаанда ерэбэгүйб?

Ударидагшад 21:4 Referencias Cruzadas

2 Хаан түрэнүүд 24:18

Тэрэ үдэр Гаад Давидта ерэжэ, иигэжэ хэлэбэ: – Ябажа, евүүс хүн Арунаагай гүмнөө дээрэ Эзэндэ зорюулжа, үргэлэй шэрээ бодхоогты.

2 Хаан түрэнүүд 24:25

Иигээд Давид тэндэ Эзэндэ үргэлэй шэрээ барижа, түгэс шатаалта болон амгалан байдалай түлөө үргэлнүүдые үргэбэ. Иигэжэ Эзэн энэ уласай зальбархые соносон, тахал үбшэн Израильһаа татагдан һалаа һэн.

3 Хаан түрэнүүд 8:64

Тэрэл үдэртөө хаан Эзэнэй Һүмын урда тээхи дотор хорёо арюудхан, түгэс шатаалта болон талха таряанай үргэлнүүдые, амгалан байдалай түлөө үргэлэй өөхэ тэндэ үргөө бэлэй. Эзэнэй урда оршодог үргэлэй гуулин шэрээ эдэ бүгэдэ үргэл үргэхэдэ угаа бага байһанһаань боложо тэдэ дотор хорёо соо үргэгдөө һэн.

Һошээ 5:15

Тэдэнэй өөрынгөө гэм мэдэржэ, Намайе бэдэржэ эхилтэр Би тэдээн тушаа мартаад, огтолон орхёод байхаб.

Хуули дабталга 12:5

Эзэн Бурхантнай бүхы обогуудайтнай газар дайдада Өөрынгөө һуури шэлэн тодорхойлжо, тэндэ Өөрынгөө нэрэ баталха. Мүргэхэеэ таанад гансал тиишээ ерэхэ ёһотойт.

Еврейнүүдтэ 13:10

Майханда алба хэжэ байһан санаартад үргэлэй шэрээ дээрэһээ манай үргэһэн юумэнһээ абажа эдихэ эрхэгүй.

Ударидагшад 20:26

Тиихэдэнь израильшуудай бүхы сэрэг Бэт-Ээл хото ошобо. Тэдэнэр тэндэ үдэшэ болотор масаглажа, һүмын тахилай шэрээгэй урда уйлалдаад, Эзэндэ түгэс шатаалта болон амгалан байдалай түлөө үргэлнүүдые үргэбэд.

Ударидагшад 21:3

Тиигээд тэдэнэр иигэжэ Эзэндэ хэлэбэд: – Эзэн, Израилиин Бурхан! Израильда энэ үйлэ хэрэг юундэ болобо гээшэб? Мүнөө обогуудай нэгэн Израильда үгы болобол!

Ударидагшад 6:24

Гидоон тэндэ үргэлэй шэрээ бүтээгээд, тэрэнээ «Эзэн энхэ тайбан үршөөнэ» гэжэ нэрлэбэ. Абиээзэрэй уг удамуудай ажаһуудаг Опраа хотодо үргэлэй тэрэ шэрээ мүнөө болотор байдаг юм.

Ударидагшад 6:26

Тиимсээрээ хабсагай дээрэ Эзэндэ, өөрынгөө Бурханда үргэлэй шэрээ барижа бүтээгээд, отологшо Ашэраагайнгаа модо түлеэн болгожо тэрээн дээрээ хээд, үшөө тэрээн дээрээ бухаяа табяад, тэрэнээ түгэс шатаалта үргэл болгон асара.

1 Хаан түрэнүүд 7:17

Удаань тэрэ Рамаада бусадаг һэн. Юуб гэхэдэ, гэрынь тэндэ бэлэй. Мүн лэ тэрэ Рамааһаа Израилиие зонхилдог байгаа. Самуил Эзэндэ үргэлэй шэрээ тэндэ баряа һэн.