Ударидагшад 21:22 - Библи

²² Тэдэ үхидэй эсэгэнэр болон аха дүүнэр гомдол барихаяа бидэндэ ерэхэдэнь, бидэнэр тэдээндэ иигэжэ хэлэхэбди: «Бэньямиин эсэгын зоной хүбүүдые хүлисэгты. Таанадай үхидые хулгайгаар һамга абахадань, тэдэниие хүлисэгты. Тэдэнэр тулалдаанай үедэ бэшэ, харин амгалан тайбан байхадань, һамга хэхэеэ таанадай үхидые абаашаба ха юм. Таанад Бэньямиинэй угай хүбүүдтэ үхидөө үгэхэгүйбди гэжэ хэлэһэн тангариг үгэдөө хүрэбэ гээшэт».

Ударидагшад 21:22 Referencias Cruzadas

Эхин 1:27

Бурхан Өөртөө адли түһөөтэйгөөр хүниие бүтээгээ. Тэрэ эрэ эмэ хоёрые бүтээгээ.

Эхин 7:13

Уһан галабай эхилһэн үдэр Ной һамгантаяа, Шээм, Хаам, Яапэт хүбүүдтэеэ, гурбан бэреэдтэеэ ханза-онгосо руу оробо.

Һургаал 20:25

Тангариг түргэн үгөөд, удаань татагалзахань хүнэй хубида хабха юм.

Коринфынхидтэ 1-дэхи 7:2

Гэхэтэй сасуу ташаяан хурисалһаа бэеэ һэргылхын тула хүн бүхэн һамгантай байха, эхэнэр хүн нүхэртэй байха ёһотой.

Ударидагшад 21:1

Израильшууд Мицпаада иигэжэ тангариглабад: «Бидэнэй хэншье басагадаа Бэньямиин обогой хүбүүдтэ хадамда үгэхэгүй».

Ударидагшад 21:14

Бэньямиинэй угай сэрэгшэд гэртээ бусабад. Израильшууд Галаадай Ябээш хотоһоо асарһан үнөөхи хурисал үзөөгүй үхидөө һамга хэхыень тэдээндэ үгэбэд. Теэд тэдээндэ үхид хүртэбэгүй.

Ударидагшад 21:18

Теэд бидэнэр өөһэдынгөө үхидые эдэнэртэ хадамда үгэхэ аргагүйбди». Ушар юуб гэхэдэ, Бэньямиинэй угай хүбүүдтэ үхидээ хадамда үгэбэл, хараалай муу хараалда хүртэг гэжэ тэдэнэр тангариглаһан байбад.

Ударидагшад 21:7

Өөһэдынгөө басагадые Бэньямиин обогой хүбүүдтэ хадамда үгэхэгүй гэжэ Эзэнэй гэртэ тангариглаһан аад, бидэнэр амиды үлэгшэ хүбүүдтэнь һамга абаха басагадые хаанаһаа олохобибди?»