Ударидагшад 20:6 - Библи

⁶ Би баряанайнгаа эхэнэрые хэсэгүүд болгожо отолоод, тэдэнээ нэгэ нэгээр израильшуудай эзэмдэжэ байһан бүхы орон нютагуудта тараажа эльгээгээб. Ушар юуб гэхэдэ, Бэньямиинэйхид Израильда хуули буса ба эшхэбтэр үйлэ хэрэг хэбэ бшуу.

Ударидагшад 20:6 Referencias Cruzadas

Эхин 34:7

Яковай хүбүүд хээрэ талаһаа ерэхэдээ, Дииные бузарлаһан тухай дуулажа, угаа ехээр сухалдаба. Шэхээм Яковай басаган Дииные хүсөөрөө эдлэжэ, болошогүй юумэ хэжэ, бүхы израильшуудые доромжолһон болоно шуу.

Левит 18:24

Таанад энэ мэтээр аашалаад, өөрыгөө бү бузарлагты, юундэб гэхэдэ, энэ мэтэ забхайралга үйлэдэһэн энэ нютагай хүн зониие Би эндэһээ орогүй үлдөөб.

Левит 18:30

Тиимын тула таанад Минии захиһан захиралтануудые сахигты, таанадһаа урид үйлэдэһэн жэгшэгүүринүүдые бү үйлэдэгты, тэдэнээр бэеэ бү бузарлагты. Би болбол танай Эзэнтнайб.

Нүүнэй Иисүүс 7:15

Хараалда хүртэһэн юумэ хулуугаа гэжэ элирүүлэгдэһэн хүн хамаг юумэтэйгээ хамта галда шатаагдаха зэргэтэй; тэрэ хүн Эзэнтэй баталһан хэлсээгээ эбдээ, хуули буса ябадалаараа Израилиие бузарлаа.

Ударидагшад 19:22

Тэдэнэй найрлажа һуухадань, энэ хотодо хэрэгээ дүүрэһэн яндан эрэшүүл тэрэ гэр хүреэлбэ. Тиигээд тэдэнэр үүдэ тоншожо, үбгэжөөлдэ иигэжэ хашхаралдабад: – Шинии гэртэ орогшые газаашань гарга! Бидэнэр тэрэнииеш хүсөөрөө эдлэхэмнай!

Ударидагшад 19:23

Гэрэй эзэн газаашаа гараад, тэдэниие аргадан, иигэжэ хэлэбэ: – Болохогүйл, минии аха дүүнэр, гэмтэ ябадал бү хэгты! Энэ хүниие хүсөөрөө бү эдлэгты! Юундэб гэхэдэ, гэртэмни байгша хүн – минии айлшан.

Ударидагшад 19:29

Тэрэ эрэ гэртээ ерээд, хутагаяа абажа, үхэгшэ баряанайнгаа эхэнэрые арбан хоёр хэсэг болгожо, үе мүсөөрынь булгалан отолоод, тэдэнээ Израилиин арбан хоёр обогуудай ажаһууһан орон нютагуудта тарааба.

Ударидагшад 20:10

Бидэ Израилиин обог бүхэнэй зуун хүнһөө арбан хүниие, мянган хүнһөө зуун хүниие, арба мянган хүнһөө мянган хүниие шэлэжэ абаябди. Тэдэнэр Израильда хорото муухай үйлэ хэрэг хэгшэдые хэһээхэеэ Бэньямиинэй Гээбэ хотодо добтолхоёо ошоһон сэрэгшэдтэ эдеэ хоол асаржа байг! Манай сэрэг Бэньямиинэй газар дээрэхи Гээбэ ошожо, энэ муухай үйлэ хэрэгэйнь түлөө тэдэнһээ үһөөгөө абаг!»