Ударидагшад 20:17 - Библи

¹⁷ Бэньямиинэй обогой сэрэгшэдһээ гадуур израильшуудай дүрбэ мянган сэрэгшэд тэндэ сугларба. Тэдэ сэрэгшэд элдэеэ хуйһаань һугалжа шадаха, дайшалхы дүй дүршэлтэй байбад.

Ударидагшад 20:17 Referencias Cruzadas

1 Угай бэшэг 21:5

Тиигээд Ёһааб уласай хүн зониие тоолон бүридхэһэн данса хаанда үгэбэ. Дайн дажарта ябажа шадаха нэгэ сая зуун мянган эрэшүүл Израильда, дүрбэн зуун далан мянган хүн Иудада байба.

Тоололго 26:51

Тиихэлээрээ Израилиин бүхы эрэшүүлэй тоо 601 730 хүн болобо.

Ударидагшад 20:16

Тэдэ долоон зуун шэлэгдэмэл сэрэгшэд бултадаа һалгайбша ба һур бэһээр шулуу шэдэхэдээ, хилгааһа алдангүй тудадаг байбад.

Ударидагшад 20:18

Израильшууд бодожо, Бэт-Ээлдэ ерээд, Бурханһаа иигэжэ һураба: – Бидэнэй хэн эгээн түрүүн Бэньямиинэй угайхидтай дайлалдахаяа ошохоб? Эзэн тэдээндэ иигэжэ хэлэбэ: – Иуда эгээн түрүүн ябаха.

Ударидагшад 20:2

Тэндэ Израилиин бүхы обогуудай болон бүхы үенүүдэйнь ударидагшад байба. Тэндэ Эзэнэй шэлэһэн арад болон элдэеэ шагтагалан бүһэлһэн дүрбэн зуу мянган сэрэгшэд сугларба.

Ударидагшад 20:22

Израильшууд урда үдэрынь тогтон байрлаһан газартаа бусажа ерээд, тэдэнтэй дахин дайлалдахаяа бэлдэбэд.

1 Хаан түрэнүүд 11:8

Саул тэдэниие Бээзэгтэ тоолобо. Израилиин зон гурбан зуу мянга, Иудын эрэшүүл гуша мянга байба.

1 Хаан түрэнүүд 15:4

Тиигээд Саул арад түмэнөө дуудажа, Тэлаһиимдэ тэдэниие тоолоходонь, хоёр зуу мянган ябаган сэрэг, үшөө Иудын арба мянган сэрэг байба.