Ударидагшад 20:13 - Библи

¹³ Таанад хэрэгээ дүүрэһэн яндан бүхы эрэшүүлые Гибаа хотоһоо барижа, бидэндэ үгэгты. Бидэнэр тэдэниие алажа, хорото муухай ябадал Израильһаа зайсуулхамнай!» Теэд Бэньямиинэй обогой сэрэгшэд Израилиин сэрэгшэдэй, өөһэдынгөө аха дүүнэрэй үгыень дуулабагүй.

Ударидагшад 20:13 Referencias Cruzadas

2 Хаан түрэнүүд 20:1

Бэньямиин хүн Бихрии гэгшын бирагүй, үймөө үүдхэдэг абари зантай Шэбаа хүбүүн тэндэ байлсаа. Тэрэ зониие суглуулхаяа эбэр бүреэгээр үлеэжэ, иигэжэ хэлэжэ байба: – Давидтай хамта бү байя! Тэрээнэй хойноһоо бү ябая! Израилиин улад зон, гэр гэртээ тарая!

2 Хаан түрэнүүд 23:6

Харин нүгэлтэй зон улаан гараар барижа болохогүй хадхууртай үбһэн мэтэ, тиимэһээ хаягдана.

3 Хаан түрэнүүд 21:13

Хоёр этэгээдүүд урдаһаань хараад һуужа, «Набоот Бурханиие болон хааниие хараана» гэжэ худалаар хардан, зоной дуулахаар хэлэбэ. Тиигээд Набоодые хотоһоо гаргаад, үхэтэрынь шулуугаар сохибо.

2 Угай бэшэг 13:7

Хажуугаарнь хооһон, хэндэшье хэрэггүй зон сугларжа, хүсэтэйбди гэжэ өөһэдыгөө харуулхын тула Соломооной хүбүүн Рэхобаамай урдаһаа тулан бодоо һэн. Рэхобаам залуу байгаа, урдаһаань харюу үгэхэ дүй дүршэлгүй һэн.

2 Угай бэшэг 25:16

– Минии зүбшэгшөөр шамайе табяагүйб. Хүрөө, боли! Үгы һаа, усадхагдахаш, – гэжэ хаан харюу үгэбэ. Лүндэншэ аниргүй болобо, гэбэшье иигэжэ хэлээ бэлэй: – Нүгэл хээт, мүн минии зүбшэл дууланагүйт. Бурхан таниие хюдахал гэжэ шиидэнхэй.

2 Угай бэшэг 25:20

Амацияа тэрэнэй хэлэһэн энэ үгые дуулабагүй, ушарынь хэлэбэл, Эдоомой бурхадта мүргэжэ эхилһэнэйнь түлөө тэдэниие Ехоһаашаар диилүүлхэ гэжэ Бурхан шиидэһэн байгаа бшуу.

Һургаал 29:1

Хүжүүндээ найраад, зэмэлэл шагнадаггүй хүн нэгэ үдэр гэнтэ бусалтагүй унана.

Экклезиаст 11:10

Иимэһээ сэдьхэлэй зоболон, бэеын шаналалһаа зайлажа ябаарай. Ушарынь хадаа залуу наһан, эршэ хүсэн гээшэ ойро зуурын юм.

Һошээ 10:9

Эзэн иигэжэ айладана: – Гибаада нүгэл хэһэнһээ бүри ехээр Израилиин зон нүгэл үйлэдэжэ эхилээ. Гибаада урдаһаатнай эхилһэн дайн таанадые юундэшье һургаагүй!

Һошээ 9:9

Гибаада үйлэдэһэн хэрэгтээл адляар, тэдэ забхай зальхай ябадалда сүм ороол! Бурхан тэдэнэй нүгэл тушаа һанажа, хэһээлтэ амасуулха даа.

Римэйхиндэ 1:32

Тиимэ юумэ үйлэдэжэ байһан хүн бүхэн үхэлдэ хүртэхэ табилантай гэжэ Бурханай хэлэһые мэдэжэ байһаншье һаа, тэдэнэр нүгэлтэ юумэ хэжэл байдаг, үшөө тиихэдэ бусад зониие тиимэ юумэ үйлэдүүлхэдэ түлхидэг.

Коринфынхидтэ 2-дохи 6:15

Яажа Христоос шолмостой эбтэй эетэй байжа шадахаб? Яажа һүзэгтэй зон һүзэггүй зонтой эблэржэ шадахаб?

Хуули дабталга 13:13

танай арадай дунда өөдэгүй хүнүүд бии болоһон, «ошожо, ондоо, мэдэхэгүй бурхадта зальбардаг болоё» гээд хотын ажаһуугшадта хэлэнэ гэжэ дуулаа һаа,

Хуули дабталга 13:5

Эзэн Бурханайтнай захиһан замһаа таанадые хадууруулхаяа һанажа уряалһан, Египедэй газар дайдаһаа гаргаһан, богоол байдалһаатнай мултаруулһан Эзэн Бурхандаа урбахыетнай тухирдаг тэрэ лүндэншые гү, али зүүдэндээ юумэ харадаг хүниие хороохо хэрэгтэй. Өөһэдһөө муу юумэ зайсуулха ёһотойт.

Хуули дабталга 13:6

Шамда дүтэ хэн нэгэн – аха, дүүшни, хүбүүншни гү, али басаганшни, дуратай һамганшни гү, али анда нүхэршни шинии, мүн үбгэ эсэгэнэрэйшни мэдэхэ танихагүй ондоо бурхадта мүргэдэг болохыеш һэмээхэнээр үгэдөө оруулха һанаатай, «ошожо, ондоо бурхадта зальбардаг болоё» гээд хэлээ һаань,

Хуули дабталга 17:12

Эзэн Бурханайтнай албатан болохо санаартанай гү, али шүүбэрилэгшын үгэнүүдые дуулангүй һөөргэдэһэн хүн үхэхэ ёһотой. Иигэжэ муу юумэн Израиль сооһоо үгы хэгдэхэ жэшээтэй.

Хуули дабталга 17:7

Тэрэниие алахын тула эгээн түрүүн гэршэ зон шулуу шэдэжэ эхилхэ ёһотой. Удаань бусад зон шулуу шэдэхэ, иигэжэ өөһэдынгөө дундаһаа муу юумэ арилгагты.

Хуули дабталга 19:19

тэрэ хэһээлтэ амасаха ёһотой. Нүгөөдэ хүндэ тэрэ юу хэхэеэ байгааб, тон тиимэ юумэ өөртэнь хэгты. Иигэжэ өөһэдынгөө дундаһаа муу юумэ сараха болонот.

Хуули дабталга 21:21

Тиихэдэнь хотын бүхы ажаһуугшад тэрэ хүбүүе шулуудажа алаг. Иигэжэ өөһэдһөө муу муухай юумэ зайсуулхат. Израилиин бүхы улад зон энээн тушаа дуулажа, айхал.

Хуули дабталга 22:21

тэрэ басагые эсэгынь гэрэй үүдэнүүдтэ аха захатан асаржа, хотын зон тэрэниие үхэтэрынь шулуудаг. Юуб гэхэдэ, тэрэ Израиль соо эшхэбтэр муухай юумэ хээ, эсэгынгээ гэртэ байхадаа забхай, янхан ябадал гаргаа. Өөһэдынгөө арадай дундаһаа муу юумэ иигэжэ үгы хэгты.

Хуули дабталга 22:24

хоюулыень тэрэ хотын бартаануудта гаргажа, үхэтэрынь шулуудагты: басагые хото соо байһан аад, шашхаагүйнь түлөө, эрэ хүниие нэгэ яһанайнгаа хүнэй һамган болохо басагые хүсөөрөө эдлэһэнэйнь түлөө. Иигэжэ өөһэдынгөө дундаһаа муухай хэрэг сарагты.

Хуули дабталга 24:7

Ямар нэгэн хүнэй өөрынгөө Израилиин арад түмэнһөө хэнииешьеб хулгайлжа, богоол болгон худалдаа гээшэ һаань, тэрэниие алаха хэрэгтэй. Иигэжэ өөһэдынгөө дундаһаа муу юумэ сарагты.

Ударидагшад 19:22

Тэдэнэй найрлажа һуухадань, энэ хотодо хэрэгээ дүүрэһэн яндан эрэшүүл тэрэ гэр хүреэлбэ. Тиигээд тэдэнэр үүдэ тоншожо, үбгэжөөлдэ иигэжэ хашхаралдабад: – Шинии гэртэ орогшые газаашань гарга! Бидэнэр тэрэнииеш хүсөөрөө эдлэхэмнай!

Ударидагшад 20:12

Израилиин обогуудай болон үенүүдэйнь ударидагшад хандалга бэшэгтэйгээр элшэдээ Бэньямиинэй бүхы үенүүдтэ эльгээбэ. Тэрэ хандалга бэшэг соонь иигэжэ бэшээтэй байба: «Таанад ямар муухай үйлэ хэрэг хэбэ гээшэбта?

Ударидагшад 20:14

Тиигээд тэдэнэр өөһэдынгөө хотонуудые орхижо, Израилиин сэрэгшэдтэй дайлалдахаяа Гибаа хотодо сугларбад.

1 Хаан түрэнүүд 2:25

Хэрбээ нэгэ хүнэй нүгөөдэ хүндэ нүгэл хээ һаань, тэрэнэй түлөө Бурханда зальбардаг. Харин хүнэй Эзэнэй урдаһаа нүгэл хээ һаань, хэн тэрэнэй түлөө зууршалан зальбарха бэ? Теэд тэдэнэр эсэгынгээ үгэ дуулабагүй, юуб гэхэдэ, Эзэн тэдэниие усадхаха гэжэ түсэблөөд байгаа.

1 Хаан түрэнүүд 30:22

Тиихэдэнь Давидтай хамта ябаһан хүнүүдэй дундаһаа муу, хара һанаатай зон: – Тэдэ бидэнтэй хамта ябаагүй, тиимэһээ өөһэдынгөө һамга, хүүгэдээл абажа ошог. Бидэ эрьюулжэ абаһан олзоһоо тэдэнтэй хубаалдахагүйбди, – гэлдэбэ.