Ударидагшад 2:19 - Библи

¹⁹ Теэд ударидагшын үхэхэдэ, тэдэнэр өөһэдынгөө үбгэ эсэгэнэрһээ бүри ехээр нүгэл хэжэ, хуурмаг бурхадта шүтэдэг ба үргэл мүргэл хэдэг болошобо. Тиигэжэ тэдэ израильшууд үсэрэлдэжэ, сэхэ сэбэр замһаа гараад, нүгэлтэ зам руу зорибод.

Ударидагшад 2:19 Referencias Cruzadas

Эхин 6:11

Ииһээр Бурханай урда хүн түрэлтэн ёро муу ябадалтан боложо, алаха, һүйд хэхэ ушар хаа-хаанагүй дэлгэрбэ.

Нэхэмьяа 9:28

Зүгөөр тэдэнэр амаржа эхилэмсээрээ, Танда харша ябуулгануудаа дахинаа үүсхэжэ эхилбэд, Та тэдэниие дайсадайнь һабарта оруулбат, эдэнь мэдэлдээ абаба. Тэдэнэр Тандаа дахинаа хандабад. Та тэдэниие огторгойһоо анхаржа, нигүүлэсхы агуу сэдьхэлээрээ оло дахин абарбат.

Псалманууд 78:8

Элинсэгэймнай нүгэлые маанадта бү ашыт, Өөрын энэрэл хайрые бидэндэ үзүүлыт, ушарынь угаа зобоод байналди.

Египедһээ гаралга 32:7

– Хадаһаа бууха болобош, – гэжэ Эзэн Моисейдэ айладаба. – Египедһээ гаргаһан угсаатаншни забхайрһан зон лэ байна даа.

Ерэмияа 16:12

Таанад үбгэ эсэгэнэрһээ үшөө муу юумэ хээт. Таанад үсэд, муу зантайт, Минии үгэ дууланагүйт.

Ерэмияа 23:17

Минии үгэ дуулахаһаа арсадаг зондо тэдэ «Амар амгалан байхат» гэжэ хэдэн дахин хэлэжэл байна. Үсэд, һанаашаараа юумэ хэдэг зондо «гай тодхор таанадтай тохёолдохогүй» гээд хэлэнэ.

Ерэмияа 3:17

Тэрэ үедэ Иерусалим Эзэнэй хан шэрээ гэжэ нэрлэгдэжэ, Намда мүргэхэеэ бүхы уласууд тэндэ сугларха. Тэдэ өөһэдынгөө муу муухай зүрхэ сэдьхэл шагнахагүй, тэрэниие дагахагүй.

Эзэкээл 20:30

Үбгэ эсэгэнэрэйнгээ жэшээ дагажа, жэгшүүрилтэ муухай онгонуудтань юундэ мүргэнэбта гэжэ Намайе, Эзэн Бурханиие, айладхана гээд Израилиин улад зондо дуулга.

Матвей 23:32

Зай, тиигэбэл үбгэ эсэгэнэрэйнгээ эхилһэн юумэ түгэсхэгты.

Хуули дабталга 31:29

Би мэдэнэб: минии нүгшэһэнэй удаа зон ёһоо алдаха, минии заабарилһан харгы замһаа хадуурха. Нэгэ хэды сагай үнгэрхэдэ, тэдэ гай гасалантай дайралдаха, юуб гэхэдэ, Эзэнэй муу гэжэ тоолодог юумэ хэхэеэ байна, өөһэдынгөө хэрэгүүдээр тэдэ Эзэниие сухалдуулха.

Нүүнэй Иисүүс 24:31

Иисүүсэй амиды ябахада, мүн тэрэнэй наһанһаа нүгшэһэн хойно Эзэнэй Израильда юу бүтээһые хараһан ахамадуудай амиды мэндэ ябахада, Израиль бүхы үдэрнүүдтэ Эзэндэ һүгэдэн, Тэрээндэ алба хээ.

Ударидагшад 10:13

Таанад Намайе орхёод, ондоо бурхануудта шүтэн мүргөөт. Би таанадые дахин абархагүйб.

Ударидагшад 2:18

Дайсад оло дахин израильшуудта добтолбо. Тиихэдэнь тэдэнэр өөрынгөө Бурханһаа туһа эрижэ мүргэбэд. Эзэн тэдэниие хайрлаад, дайсадһаа өөрынгөө арад зониие аршалан хамгаалхынь тула тэдээндэ ударидагшадые эльгээдэг болобо. Ударидагшадай амиды мэндэ ажаһуухада, Эзэн Өөрөө тэдэнэй ударидагшадай ахалагша боложо, дайсадһаа израильшуудые ходол аршалан абардаг байба. Гэбэшье дарлалта болон харшалалтада орожо, зобохо тулихадаа, тэдэнэй гэмэрэлдээ болон бархиралдаае дуулаад, Эзэн тэдэниие хайрлажа эхилбэ.

Ударидагшад 2:20

Эзэн израильшуудта сухалдаад, иигэжэ айладаба: – Эдэнэрэй үбгэ эсэгэнэртэй Би хэлсээ баталаа һэм. Эдэнэр Минии үгые дуулабагүй. Эдэнэр Намтай баталһан үбгэ эсэгэнэрэйнгээ хэлсээе эбдэбэ.

Ударидагшад 2:7

Иисүүсэй амиды һэрүүн ябахада, мүн тэрэнэй наһанһаа нүгшэһэн хойно Эзэнэй Израильда бүтээһэн агууехэ хэрэгүүдыень хараһан ахамадуудай амиды һэрүүн ябахада, Израиль бүхы үдэрнүүдтэ Эзэндэ һүгэдэн, Тэрээндэ алба хээ.

Ударидагшад 4:1

Эһуудай наһа бараһанай һүүлдэ израильшууд дахин Эзэнэй урда муу муухай үйлэ хэрэгүүдые хэжэ эхилбэ.

Ударидагшад 8:33

Гидооной наһа барахалаар израильшууд дахин Баалда шүтэн забхайралдажа, Баал-Бэриитые өөһэдынгөө бурхан болгобо.

1 Хаан түрэнүүд 15:23

Юуб гэхэдэ, тэршэлхэ гээшэ эди шэдиин нүгэлтэй адли. Һөөргэдэхэ гээшэ онгондо мүргэхэтэй адли. Эзэнэй үгэһөө шинии татагасаһан тула Эзэн мүн лэ шамайе хаан байлгахаһаа татагасаа, – гэжэ үгүүлбэ.