Ударидагшад 2:15 - Библи

¹⁵ Эзэн израильшуудһаа холодобо. Тиихэдэнь израильшууд хаанашье дайлалдахадаа, ходол дайсадта диилдэдэг болобо. Хэрбэеэ оршон тойрон ажаһуудаг арадуудай хуурмаг бурхадта шүтэн мүргөө һаа, таанад ходол диилдэхэт гэжэ Эзэн уридшалан израильшуудта айладаа, тангариглаа һэн. Израильшууд олиггүй ехээр тулин зобобо.

Ударидагшад 2:15 Referencias Cruzadas

2 Угай бэшэг 12:1

Рэхобаамай хан түрын батажахада, өөрөө хүсэ шадалтай болоходоо, тэрэ болон албата бүхы зониинь Эзэнэй һургаал орхижорхёо бэлэй.

Ерэмияа 18:8

Теэд тэрэ хэлээшэ арадаймни өөрын муу муухай хэрэгүүдһээ эрьен холодоо һаань, Би тэдээн дээрэ буулгахаар түсэблэжэ байгаа гай тодхороо болюулхаб.

Ерэмияа 21:10

Энэ хотые хайрлахагүй, һандаргааха гэжэ Би шиидээб. Вавилооной хаанай мэдэлдэ тэрэ үгтэхэ, тиигээд галдан шатаагдаха. Энэ болбол Би, Эзэн, тунхаглана мүн!

Ерэмияа 44:11

Тиимэһээ Би, Түмэн Сэрэгтэ Эзэн, Израилиин Бурхан, танһаа буруу хаража, бүхы Иудын хан түрые үгы хэхэб.

Ерэмияа 44:27

Таанадай һайн байха бэшэ, һандаргагдаха тухай Би оролдохоб. Египедэй орон нютагта байгааша таанад, иудейнүүд, бултадаа һалатараа дайн дажарта гү, али үбшэ хабшанһаа хосорхот.

Михей 2:3

Тиимэһээ Эзэн иигэжэ айладхана: Анхарагты, Би таанадта нэгэ гай тодхор тохёолдуулха гэжэ байнаб. Тэрэ таанадай хүзүүн дээрэ тудаад, һалахаар бэшэ байха. Энэ муу сагта таанад бардам сэхээр ябажа шадахаяа болихот.

Коринфынхидтэ 2-дохи 4:8

Бидэ оло дахин хашуулан зобонобди, гэхэтэй сасуу дарагдаагүйбди. Юу хэхэеэ мэдэхэеэшье болёод байхадаа, бидэнэр урмаа хухардаггүйбди.

Хуули дабталга 18:20

Минии айладаагүй юумэ Минии нэрэһээ лүндэншын ярибал, мүн ондоо бурхадай нэрэһээ хэлэбэл, иимэ лүндэншэ үхэхэ ёһотой».

Ударидагшад 10:9

Аммоонууд Иордан мүрэн гаталаад, Иудын, Бэньямиинэй болон Эпрааимай обогуудай урдаһаа эсэргүүсэн дайлалдахаяа ошобо. Израильшууд тон ехэ дарлалтада орожо доройтобо.

Рүүт 1:13

тэдэнэй томо болотор таанар яажа хүлеэхэбта?! Хадамда гарахаһаа татагалзажа байха юм гүт? Үгы даа, басагадни. Энэнь таанадта орходоо үлүү намда хүндэ байна. Эзэн намайе хэһээгээ.

1 Хаан түрэнүүд 12:15

Хэрбэеэ Эзэнэй үгэ дуулангүй, айладхалдань эсэргүүсэжэ байгаа һаатнай, Эзэн танай үбгэ эсэгэнэрэй урдаһаа эсэргүү байһандал урдаһаатнай эсэргүүсэхэ.

1 Хаан түрэнүүд 13:6

Израилиин улад зон хашуулһанаа мэдэжэ, аюулай ушарһые хараад, агы нүхэнүүдтэ, хадын хабшалаар, хабсагайн дундуур, газар дорохи нүхэн, худагуудаар хоргодобо.

1 Хаан түрэнүүд 14:24

Тэрэ үдэр Израилиин эрэшүүл ехэ зүдэрөө. Саул арад зониие тангариглуулан: – Үдэшэ болотор, дайсадһаа минии үһөөгөө абатар хоол бариһан хэн нэгэн хараал шэнгээхэ болтогой! – гэбэ. Тиимэһээ хэншье эдеэ хоолһоо амсабагүй.

1 Хаан түрэнүүд 30:6

Арад зоной бултадаа өөһэдынгөө хүбүүд, басагад тухай гашуудажа, Давид руу шулуу шэдэн алахаяа хэлсэжэ байһан ушарһаа Давид ехэ зобобо. Гэбэшье Давид өөрын Эзэн Бурханаар өөрыгөө зоригжуулба.