Ударидагшад 2:11 - Библи

¹¹ Тиихэдэ тэдэнэр Эзэндэ муу муухай ябадал хэжэ, хуурмаг бурхан Баалда шүтэн мүргэдэг болобо.

Ударидагшад 2:11 Referencias Cruzadas

Эхин 13:13

Содомой улад муу аяг зантай зон байгаа, Эзэниие оройдоошье ойндоо оруулдаггүй, хүндэлдэггүй һэн.

Эхин 38:7

Зүгөөр ууган хүбүүн Ээртэнь Эзэн дурагүй бэлэй, тиимэһээ Эзэн Ээрые усадхаба.

3 Хаан түрэнүүд 11:5

Иигэжэ Соломоон Сидооной эхэнэр бурхан Аштаартада, Аммооной жэгшүүрилтэ шүтээн Милхоомдо шүтэжэ эхилбэ.

3 Хаан түрэнүүд 18:18

Элияа харюусаба: – Би Израилиие зобооно бэшэб, шинии гэр бүлэ болон эсэгыншни бүлэ Эзэнэй һургаал заабаринуудые орхижо, Баалнуудые дахан мүргэжэ эхилээ.

3 Хаан түрэнүүд 22:53

Тэрэ Баалда шүтэн мүргэжэ, эсэгэдээл адли, Израилиин Эзэн Бурханиие бүхы үйлэ хэрэгүүдээрээ уурлуулаа бэлэй.

2 Угай бэшэг 28:2

Тэрэ Израилиин хаашуулай жэшээ даган ябаа. Баалай шудхамал хүрэгүүдые тэрэ бүтээдэг һэн.

2 Угай бэшэг 28:3

Һинноом хүндыдэ Ахааз уталгануудые ууюулдаг, Израилиин арадай хараһаар байтар Эзэнэй үлдэһэн арадуудай жэгшүүритэй муухай үйлэ хэрэгүүдые һажаалдан, хүбүүдээ галда шатаан бурхадта үргэдэг байба.

2 Угай бэшэг 33:6

Бэн-Һинноомой хүндыдэ тэрэ хүбүүдээ галда шатаан үргэһэн байна. Мэдэлшэн, үзэлшэн, эльбэ жэльбэшэн болон тэрэ байгаа, үхэһэн зониие дуудадаг, эльбэ жэльбэ харуулдаг зонтой зүбшэдэг һэн. Эзэндэ таагүй юумэ олоор тэрэ хэжэ, Эзэнэй уур сухал хүдэлгэбэ.

Эзраа 8:12

Азгаадай хүбүүдһээ Һаккатаанай хүбүүн Ёханаан, тэрээнтэй хамта зуун арбан эрэ хүн,

Нэхэмьяа 9:26

Зүгөөр тэдэнэр буһалгаалба, урдаһаатнай бодобо. Таниие, Танай Хуули һургаалые ара нюргаараа шэдэжэ хаяба. Тэдэниие Танда бусаахаяа, мүн тэдэниие һургахаа эльгээһэн Танай лүндэншэдые алаба. Израильшууд иигэжэ туйлай ехэ муу хэрэгүүдые хэбэ!

Ерэмияа 11:10

Минии үгэ дуулахаһаа татагалзаһан уг унгиингаа нүгэл шэбэлдэ тэдэ эрьен бусажа, ондоо бурхадта мүргэжэ эхилбэ. Израилиин болон Иудын үри һадаһад үбгэ эсэгэнэртэйнь Минии байгуулһан хэлсээе эбдэбэ.

Ерэмияа 16:11

Тиихэдэнь ши тэдээндэ: – Элинсэг хулинсагайтнай Намайе орхиһоной түлөө гэжэ Эзэн айладхана! Тэдэ ондоо бурхадые дахажа, тэдээндэ алба хэжэ, урдань һүгэдэн мүргэжэ байгаа. Харин Намайе орхижо, Минии хуули сахяагүй гэжэ Эзэн айладхана.

Ерэмияа 2:20

Израиль, ши Минии эрхэ мэдэл дороһоо үнинэй гарааш. Минии үгэ дуулахаһаа, Намда мүргэхэһөө арсааш. Үндэр гүбээн бүхэн дээрэ, һаглагар модон бүхэн доро шүтөөнүүдтэ мүргэжэ байгааш.

Ерэмияа 2:23

Өөрыгөө бузарлаагүйб, Баалда мүргөөгүйб гэжэ ши яагаад хэлэжэ шаданабши? Хүндыдэ өөрынгөө ябадалые харыш! Юу хэһэнээ мэдэжэ аба! Ши хадаа нэгэл замаа дабтан гүйжэ ябаһан хурдан энги мэтэш!

Ерэмияа 32:23

Теэд тэдэ энэ газарта ерэхэдээ, Танай захяануудые сахибагүй. Тиимэһээ Та тэдээндэ гай тодхор татабат.

Ерэмияа 9:14

Харин үсэрхэжэ, үбгэ эсэгэнэрэйнгээ һургаһанай ёһоор Баалда мүргэн-шүтэн байба.

Тоололго 25:3

Израильшууд Пэһоорой Баалда шүтэн мүргэжэ эхилбэ. Тиихэдэнь тэдээндэ Эзэнэй уур сухал бусалба.

Хуули дабталга 31:16

Тиигээд Эзэн Моисейдэ иигэжэ үгүүлбэ: – Удахагүй наһа барахашни. Тиихэдэшни энэ арад һальхай ябадал гаргажа, зорин ошожо байһан хариин газар дайдын бурхадта мүргэжэ эхилхэ. Намайе орхижо, өөһэдтэйнь баталһан Минии хэлсээе тэдэнэр эбдэхэ.

Хуули дабталга 4:25

Үхи хүүгэдтэй, аша гушанартай боложо, дэлхэй дээрэ удаан ажаһуугаад, удаань ёһоо алдажа, ямаршьеб юумэнэй дүрсэ хэн, шүтөөн бүтээхэдээ, Эзэн Бурханайнгаа урда муу боложо, Тэрэниие сухалдуулбал,

Ударидагшад 10:10

Тиихэдээ израильшууд Эзэндэ иигэжэ хашхаралдаба: – Бидэ Танда эсэргүүсэжэ, нүгэл хээбди. Бидэ өөһэдынгөө Бурхан орхёод, Баалай бурханда шүтэн мүргөөбди.

Ударидагшад 10:6

Израильшууд Эзэндэ дахин муу юумэ үйлэдэжэ, хуурмаг бурханууд Баалда, Аштаартуудта болон араамшуудай, сидоонуудай, моһаабуудай, аммоонуудай, пилиштүүдэй бурхануудта шүтэн мүргэжэ эхилбэ. Тиихэлээрээ тэдэнэр Эзэнээ орхижо, Тэрээндэ шүтэн мүргэхэеэ болибо.

Ударидагшад 13:1

Израильшууд Эзэндэ дахин муу юумэ хэжэ эхилбэ. Тиихэдэнь Эзэн тэдэниие дүшэн жэл соо пилиштүүдэй гарта тушааба.

Ударидагшад 3:12

Эзэн израильшуудай муу юумэ дахин хэхыень хараад, энэ арадые үй бута сохихынь тула Моһаабай хаан Эглоондо хүсэ шадал үршөөбэ.

Ударидагшад 3:7

Эзэн израильшуудые муу юумэ хэнэ гэжэ хараба. Тэдэнэр Эзэнээ, Өөрынгөө Бурханиие мартаад, Баалда болон Ашэраада шүтэн мүргэбэд.

Ударидагшад 4:1

Эһуудай наһа бараһанай һүүлдэ израильшууд дахин Эзэнэй урда муу муухай үйлэ хэрэгүүдые хэжэ эхилбэ.

Ударидагшад 6:1

Израильшууд Эзэнэй дурагүй муу муухай юумэнүүдые дахин хэжэ эхилбэ. Тиихэдэнь Эзэн тэдэниие долоон жэл соо зонхилхыень мидиануудай гарта үгэбэ.

Ударидагшад 6:25

Тэрэ һүни Эзэн Гидоондо иигэжэ айладаба: – Ши эсэгынгээ һүрэгһөө долоо наһатай тарган нэгэ буха аба. Тиигээд эсэгынгээ Баалда зорюулһан тахилайнь шэрээе һандарга, тэрэнэй хажуудахи Ашэраагай модо отолжо унагаа.

Ударидагшад 8:33

Гидооной наһа барахалаар израильшууд дахин Баалда шүтэн забхайралдажа, Баал-Бэриитые өөһэдынгөө бурхан болгобо.

1 Хаан түрэнүүд 12:10

Эзэндэ мүргэн шашхалдан, «бидэ Эзэниие орхижо, Баалнуудта ба Аштаартуудта мүргэжэ, нүгэл хээбди. Харин мүнөө дайсадаймнай гарһаа маанадые мултаруулыт. Бидэ Танда мүргэдэг болохобди» гэжэ тэдэ гуйгаа бэлэй.

1 Хаан түрэнүүд 7:3

Самуил Израилиин бүхы арад зондо иигэжэ хэлэбэ: – Хэрбээ таанад бүхы ухаан бодолоороо Эзэндэ эрьен хандажа байгаа һаа, өөһэд хоорондоһоо хариин бурхадай болон Аштаартуудай дүрсэнүүдые зайлуулагты, үнэнхэ зүрхэнһөө бэеэ Эзэндэ зорюулагты, гансал Тэрээндэ мүргэгты. Тиихэдэ Эзэн таанадые пилиштүүдэй һабарһаа абарха.

1 Хаан түрэнүүд 7:4

Тиигэжэ Израилиин зон Баалнуудай болон Аштаартуудай дүрсэнүүдтэй хахасажа, ганса Эзэндэ мүргэдэг болобо.