Ударидагшад 19:9 - Библи

⁹ Залуу хүбүүн бодожо, баряанайнгаа эхэнэртэй болон зарасатаяа хамта ябахаяа түхеэршэбэ. Тиихэдэнь залуу эхэнэрэй эсэгэ хүрьгэндөө иигэжэ хэлэбэ: – Үдэр үнгэржэ, үдэшын боро хараан буужа дүтэлөө. Эдеэлжэ, сэнгэжэ эндээ хоныш даа. Үглөөдэр эртэхэн бодоод, гэртээ бусахаяа аян замда гараарайш.

Ударидагшад 19:9 Referencias Cruzadas

2 Хаан түрэнүүд 13:28

Абшалоом зарасанартаа захирба: – Анхарагты! Амнооной үзэмэй дараһан архи уужа, хүхижэ эхилхэдэнь, би таанарта «Амнооные хюдагты» гэхэб. Тиихэдэм тэрэниие алагты. Бү айгты. Би өөрөө таанарта захиржа байна ха юмбиб. Бү айгты, зоригтой байгты!

Һургаал 27:1

Үглөөдэрые бү һайрха, юун болохыень өөрөөшье мэдэнэгүйш.

Лука 24:29

нүгөө хоёрынь: – Орой боложо, нара орохоёо байна, бидэнтэй үлыт, – гэжэ Иисүүсые аргадаба. Иисүүс тэдэнээр үлэжэ, айлда оролсобо.

Ударидагшад 19:10

Теэд левит үшөө дахин хонохоһоо арсажа, һууриһаа бодоод, өөрынгөө элжэгэнүүдые болон баряанай эхэнэрые абаад, Евүүс (мүнөө Иерусалим) хото тээшэ ошобо.

Ударидагшад 19:6

Левит хүбүүн аян замда гарахаяа болижо, хадам эсэгэтэеэ хамта эдеэлбэ, ууба. Хадам эсэгэнь тэрээндэ иигэжэ дурадхаба: – Үшөө нэгэ һүни хоножо амара, сэнгэ.

Ударидагшад 19:8

Левит хүбүүн табадахи үдэрэй эртэ үглөөгүүр бодоод, ябахаяа түхеэршэбэ. Тиихэдэнь залуу эхэнэрэй эсэгэ хүрьгэндөө иигэжэ хэлэбэ: – Эдеэлжэ хүсэ шадал оро, үдэ болотор амара. Тэдэ хоёр хамта һуугаад, эдеэлбэд, уубад.

Рүүт 3:7

Бооһаз эдижэ уужа, сэдьхэл тэниглэн болоод, обоолоотой таряанай хажууда унтахаяа хэбтэбэ. Рүүт һэмээхэн ерэжэ, хүнжэлыень нээгээд, хажуудань хэбтэшэбэ.