Ударидагшад 19:1 - Библи

¹ Тэрэ үе сагта Израильда хаан үгы байгаа. Эпрааимай зоной ажаһуудаг орон нютагта нэгэ левит хүн ажаһууба. Тэрэ хүн Иудын Бэтлэһээм хотоһоо баряанай эхэнэрые гэртээ асаржа, тэрээнтэй хамтарба.

Ударидагшад 19:1 Referencias Cruzadas

Эхин 22:24

Нахоор Реумаа гэжэ нэрэтэй нэгэ бага һамгантай байгаа. Тэрэнь Нахоорто Тээбаа, Гаахам, Таахаш ба Маһахаа гэжэ дүрбэн хүбүүдые түрөө бэлэй.

Эхин 25:6

Харин бага һамгадһаа гараһан хүбүүдтээ үнэтэ бэлэгүүдые үгөөд, Исаагһаа холодуулан, зүүн зүг руу ябуулжа, һуурижуулба.

Эхин 35:19

Тиигэжэ Рахээлэй наһа барахада, Яков һамганайнгаа шарил Эпраата, ондоогоор хэлэбэл, Бэтлэһээм ошохо харгын хажууда хүдөөлүүлээд,

2 Хаан түрэнүүд 16:22

Иигээд Абшалоомдо ордоной хушалта дээрэ майхан татагдаба, тэрэ тиишээ орон, эсэгынгээ бага һамгадтай унтаба. Хамаг Израиль энээниие хараа һэн.

2 Хаан түрэнүүд 19:5

Ёһааб хаанай гэртэ ерэжэ, иигэжэ хэлэбэ: – Ами наһыетнай болон басагад, хүбүүдэйтнай, һамгадайтнай, бага һамгадайтнай ами наһа абарһан өөрынгөө бүхы сэрэгые мүнөөдэр та доромжолоот.

2 Хаан түрэнүүд 20:3

Давид Иерусалим руу ордондоо ерэхэдээ, ордон һахюулжа үлөөһэн арбан бага һамгадаа тусхай гэртэ байрлуулжа, хинагшадые табиба, хэрэгтэй бүхы юумээрнь тэдхэн байба. Теэд хаан тэдэнтэй бэшэ унтаагүй, тэдэ бэлбэһэн эхэнэр мэтэ амидаржа, үхэн үхэтэрөө иигээд лэ байгаа һэн.

2 Хаан түрэнүүд 3:7

Саулда Рицпаа гэдэг бага һамган байһан байгаа. Тэрэ хадаа Айяа гэгшын үхин һэн. Иш-Боошэт Абнээрые зэмэлбэ: – Юундэ ши минии эсэгын бага һамгантай унтаабши?

2 Хаан түрэнүүд 5:13

Хэброонһоо ерэһэнэйнгээ удаа Давид Иерусалимда үшөө бага һамгадые, мүн һамгадые өөртөө абаба. Тэрэ үшөө хүбүүд, басагадтай болобо.

3 Хаан түрэнүүд 11:3

Хаан долоон зуун һамгатай, тиихэдэ гурбан зуун бага һамгатай байгаа. Тэдэ Бурханай харгы замһаа тэрэниие хадууруулба.

3 Хаан түрэнүүд 4:8

Тэдэ ноёдые нэрлэбэл, хада уулата Эпрааим нютаг можодо Хуурай хүбүүн зонхилоо.

2 Угай бэшэг 11:21

Рэхобаам арбан найман һамгатай, жаран бага һамгантай, тэдээнһээ хорин найман хүбүүтэй болон жаран басагатай байгаа. Абшалоомой басага Маһахаада тэрэ бусад һамгад, бага һамгадһаа үлүү дуратай һэн.

Эстээр 2:14

Хаанай үргөө руу басаган үдэшэ ороод, үглөөнь эхэнэрнүүдэй хүреэлэн руу бусажа, тэрээнһээ хойшо бага хатанай үргөөдэ амидарха ёһотой байба. Хаанай тайган түшэмэл Шаашгааз гэдэг хүн тэрэ үргөөгэй түлөө харюусадаг һэн. Хаанай талархажа, дахин тэрэ басагые нэрээрнь нэрлэн дуудаагүйл һаа, тэрэ һөөргөө хаанда хэзээдэшье оруулагдадаггүй бэлэй.

Даниил 5:3

Иерусалимдахи Бурханай нангин ордонһоо асарагдаһан алтан домбо, хундагануудые асархадань, хаан, түшэмэлнүүдынь, һамгадынь, бага һамгадынь тэдээн сооһоо үзэмэй дараһан архи уужа эхилбэ.

Малаахи 2:15

Үбгэн һамган хоёр хадаа бэе хүсэл ниилүүлжэ, нэгэ сэдьхэлтэй, һүнэһэ һүлдэтэй боложо, үри удамтай болог гэжэ Бурхан хүсөө. Тиигэбэл һүнэһэндөө анхаралаа таби. Залуудаа абаһан эхэнэртээ хара һанаа һанаашалжа бү бай.

Матвей 2:6

«Иудейн орон дайдын Бэтлэһээм хото, ши Иудын мэдэлэй бусад шухала хотонуудһаа юугээрээшье дутанагүйш, юундэб гэхэдэ, Минии Израилиин арад зониие хүтэлхэ ехэ ударидагша шамһаа мүндэлэн гараха».

Нүүнэй Иисүүс 24:30

Тиигээд тэрээниие өөртэнь заяагдаһан хубаариин газарта, Эпрааимай хада дээрэ, Гааһаш хадаһаа хойшо байдаг Тимнаат-Сээраада хүдөөлүүлээ.

Нүүнэй Иисүүс 24:33

Тэрээнэй һүүлээр Аһарооной хүбүүн Эльазаар наһа бараа. Эпрааимай хада дээрэ тэрээндэ үгтэһэн, хожомынь тэрээнэй хүбүүндэ хүртэһэн Пинэһаасай нюруу дээрэ тэрээниие хүдөөлүүлээ.

Ударидагшад 12:8

Иптаагай наһа барахадань, Бэтлэһээм хотын Хэшбоон Израилиин ударидагша болобо.

Ударидагшад 17:1

Эпрааим угайхидай ажаһуудаг хадалиг орон нютагта Михаа гэжэ нэрэтэй хүн байба.

Ударидагшад 17:6

Тэрэ сагта Израильда хаанай үгы байһан тула хүн бүхэн зүб гэжэ һанаһан лэ юумэеэ хэдэг байба.

Ударидагшад 17:7

Эгээл тэрэ үедэ Иудын Бэтлэһээм хотодо Иудын обогой залуу левит хүбүүн ажаһууба.

Ударидагшад 17:8

Ажамидархын тула хамаагүй хаанашье тогтон байрлахаб гэжэ тэрэ залуу хүбүүн сэдьхээд, Бэтлэһээмһээ гаража ошобо. Тэрэ яба ябаһаар Эпрааимай уг удамуудай ажаһуудаг хадалиг орон нютагта байһан Михаагай гэртэ ерэбэ.

Ударидагшад 18:1

Тэрэ үедэ Израильда хаан үгы байба. Даанай обогойхид байрлан нютагжаха газар өөһэдтөө бэдэрбэд. Ушар юуб гэхэдэ, Израилиин бусад обогуудай хубаариин хубита газартай болоходонь, Даанай обогойхидто хубаариин хубита газар хүртөөгүй юм.

Ударидагшад 18:13

Тэндэһээ тэдэнэр Эпрааимай уг удамуудай ажаһуудаг хадалиг орон нютаг ошожо, Михаагай гэртэ ерэбэд.

Ударидагшад 19:16

Үдэшэлэн нэгэ үбгэн ажалаа дүүргээд, таряаланһаа бусахадаа, тэрэ талмай дээгүүр гэртээ ошожо ябаба. Тэрэ үбгэн Эпрааимай угай хүн аад, Гибаада ажаһуугаа. Харин энэ хотын ехэнхи зон Бэньямиинэй обогой һэн.

Ударидагшад 19:2

Тэрэ залуу һамганиинь үбгэнтэеэ хэрэлдэжэ эрхээд, гэрһээ арилжа, Иудын Бэтлэһээмдэ байдаг эсэгынгээ гэртэ ошоод, дүрбэн һара болобо.

Ударидагшад 21:25

Тэрэ үе сагта Израильда хаан байгаагүй. Тиимэһээ хүн бүхэн һанаһанаа бүтээжэ, һарбайһанаа абажа байһан юм.

Ударидагшад 3:27

Тиигээд тэрэ тэндэһээ Эпрааимай хадануудта хүрөөд, эбэр бүреэгээ үлеэбэ. Бүреэгэй абяанай сууряатан зэдэлхэдэнь, израильшууд тэндэ сугларба. Тиигээд тэдэнэр хада руу буужа эхилбэд. Тэдэнэй урдань Эһууд ябана.