Ударидагшад 18:7 - Библи

⁷ Табан сэрэгшэ тэндэһээ саашаа ошожо, Лааһишта ерэбэ. Тиихэдээ тэдэнэр эндэхи арадые сидоонуудай ёһо заншал баримталжа, амгалан тайбан, аалин номгон ба һанаа амар ажаһууна, энэ орон нютагта дутаха юумэн болон засаг бариха хүн үгы гэжэ харабад. Тэдэнэр сидоонуудһаа холо байһан тула хэнтэйшье харилсаа холбоогүй байбад.

Ударидагшад 18:7 Referencias Cruzadas

3 Хаан түрэнүүд 16:31

Набаадай хүбүүн Еробоһаамай нүгэлые даган байхань багадаад, тэрэ Сидооной хаан Этбаалай басаган Изээбэлые һамга абажа, Баалда мүргэдэг болобо.

1 Угай бэшэг 4:40

Тэндэ амгалан аюулгүй байдалтай үргэн газар, үрэжэлтэй, һайн бэлшээри тэдэ олоо бэлэй. Тэдэнэй урда тээ энэ орон нютагта Хаамһаа уг гарбалтай зон ажаһуугаа.

Ерэмияа 49:31

Ерэжэ байна! Вавилоонойхид, хашалгүй, һанаа амар байгаа арад түмэндэ добтологты! Тэдэнэй хото ямаршье үүдэ үрхэгүй, суургагүй, ямаршье аршалалтагүй.

Римэйхиндэ 13:3

Засаг захиргаан һайн юумэ бүтээжэ байһан зондо бэшэ, харин харата муухай юумэ үйлэдэжэ байһан зондо аймшагтай байдаг. Засаг захиргаанһаа айхын хэрэггүй: һайн юумэл бүтээжэ байгаарай, тиигэбэл засаг захиргаанай магтаалда хүртэхэш.

Нүүнэй Иисүүс 19:47

Тиигээд Даанай хүбүүд Лээшэмдэ дайгаар ошоод эзэлээ; һэлмээр хюдажа, газарынь болгон абажа, тэндэ һуурижаа. Тиигээд Лээшэмые Даан гэжэ үбгэ эсэгынгээ нэрээр нэрлээ.

Пётрой 1-дэхи хандалга 2:14

хуули эбдэһэн хүнүүдые хэһээхын тула, үлзытэй хэрэгүүдые бүтээһэн хүнүүдые урмашуулхын тула хаанай табиһан захирагшадай үгэ дуулажа байгты.

Гэршэлгэ 18:7

Өөрыгөө тэрэ хэды ехээр магтуулаа гээшэб, хэды ехэ баялиг соо умбаа гээшэб, тэды ехэ ядарал зоболон, уйдхар гашуудал тэрээндэ асарагты! Юундэб гэбэл, тэрэ ниислэл иигэжэ досоогоо һанаа: «Би хатан шэнги һайн һуунаб, би бэлбэһэн эхэнэр бэшэб, уйдхар гашуудалые үзэхэгүйб!»

Ударидагшад 18:29

Тиихэдэ тэдэнэр Израилиин хүбүүнэй, Даан элинсэгынгээ нэрээр тэрэ хотые нэрлээ юм. Урдандаа тэрэ хото Лааһиш гэжэ нэрэтэй байгаа.

Ударидагшад 18:6

Санаарта тэдэндэ иигэжэ хэлэбэ: – Энхэ амгалан ябагты. Ошожо ябаһан аян замыетнай Эзэн хараха.

Ударидагшад 18:8

Табан сэрэгшэ Цораа болон Эштаһоол хотонуудтаа бусажа ерэбэд. Тиихэдэнь аха дүүнэрынь тэдээнһээ иигэжэ һурабад: – Таанад юу мэдэжэ ерэбэт?

1 Хаан түрэнүүд 3:13

Хүбүүдэйнгээ Намайе, Бурханиие, хараадагые мэдэжэ байгаад, тэдэниие баридаггүй байһанайнь түлөө, иимэ гэм зэмэй түлөө тэрэнэй гэр бүлые хэтэ мүнхэдөө хэһээхэб гэжэ Би тэрээндэ айладхаа бэлэйб.