Ударидагшад 18:10 - Библи

¹⁰ Таанад һанаа амар байдаг арадые мэдэлдээ абахадаа, тэндэхи газарнуудынь үргэн ба уужам, тэндэ хамаг юумэн элбэг дэлбэг байна гэжэ харахат. Бурхан тэрэ газарнуудые бидэнэй гарта тушаанал!

Ударидагшад 18:10 Referencias Cruzadas

Египедһээ гаралга 3:8

Египедэй гарһаа аршалан мулталжа, һү тарагай, бал тоһоной дэлбэржэ байдаг үргэн һайхан нютагта, ханаһаан, хээт, эмоор, пэриззии, хиив, евүүс угсаатанай газарта абаашаха гэжэ Би газар түбидэ буужа ерээб, – гэжэ Эзэн айладаба. –

Эзэкээл 20:6

Эгээл тиихэдээ тэдэниие Египедһээ гаргажа, өөһэдтэнь гэжэ шэлэһэн орон нютаг руу абаашахаб гээд тангариглаа һэм. Тэрэ газар нютаг һүөөр, зүгын балаар дэлбэржэ, бусад газарнуудһаа эгээл һайханиинь бэлэй.

Хуули дабталга 2:29

Сэһииртэ ажаһуудаг Эсаавай уг удам, Аарта ажаһуудаг Моһаабай улад зон бидэндэ эдэ бүгэдые зүбшөөгөө бэлэй. Эзэн Бурханайнгаа үршөөһэн газар руу Иордан гол гаталан орохо һанаатайбди. Танай газараар гарахыемнай зүбшөөгыт».

Хуули дабталга 4:1

Моисей Израилиин улад зондо иигэжэ хэлэбэ: – Минии заабарилжа байһан хуули, ёһо гуримуудые сахигты. Тиигэбэл, таанад амар мэндэ байхат, Эзэнэй, үбгэ эсэгэнэрэйтнай Бурханай, үршөөһэн газарта ошожо эзэлэн ажаһуухат.

Тимофейдэ 1-дэхи 6:17

Баян хүнүүдэй зөөри зөөшөөрөө бүдүүрхэхэгүйень, иимэ мэтын найдабаригүй баялигта найдахагүйень захира, зүгөөр аяшаажа байха юумэ элбэг дэлбэгээр маанадта үршөөжэ байдаг амиды Бурханда найдажа байхыень заабаришалжа бай.

Нүүнэй Иисүүс 2:23

Тиигээд тэдэ хоёр хүнүүд гэдэргээ бусаад, хадаһаа буужа, Иорданиие гаталаад, Нүүнэй хүбүүн Иисүүстэ ерэжэ, бүхы ябадалаа хөөрэбэд.

Нүүнэй Иисүүс 2:24

Тэдэ Иисүүстэ хэлэбэ: – Эзэн тэрэ бүхы газарые манай гарта үгөө, тэндэхи бүхы зон манһаа айжа һүрдэжэ байна.

Нүүнэй Иисүүс 6:16

Хото хараал доро байха, бүхы зосоонь байһан юумэн Эзэндэ үгтэхэ; гансал залихай Рахааб амиды үлэг, тэрэ, тэрээнэй гэртэ байһан бүхы зон амиды үлэг; юундэб гэхэдэ, тэрэ манай эльгээһэн элшэдые нюугаа.

Ударидагшад 18:11

Даанай обогой зургаан зуун сэрэгшэд дайшалхы элдэеэ бүһэлжэ, Цораа болон Эштаһоол хотонуудһаа гаража ошобо.

Ударидагшад 18:27

Тэдэнэр Михаагай бүтээлгэһэн бурхануудай дүрсэ хүрэгүүдые болон санаартые абаад, Лааһиш ерэжэ, номгон даруугаар ба һанаа амар ажаһууһан арадые һэлмээрээ сабшаад, тэндэхи хотонуудыень галдан шатаабад.

Ударидагшад 18:7

Табан сэрэгшэ тэндэһээ саашаа ошожо, Лааһишта ерэбэ. Тиихэдээ тэдэнэр эндэхи арадые сидоонуудай ёһо заншал баримталжа, амгалан тайбан, аалин номгон ба һанаа амар ажаһууна, энэ орон нютагта дутаха юумэн болон засаг бариха хүн үгы гэжэ харабад. Тэдэнэр сидоонуудһаа холо байһан тула хэнтэйшье харилсаа холбоогүй байбад.

Ударидагшад 18:9

Тэдэнэр иигэжэ харюусабад: – Дайгаар тэдээндэ добтолон ороёбди. Бидэ тэрэ орон нютаг хараабди. Ехэл һайн газартай орон нютаг байна. Таанад юу хүлеэнэт? Тэндэ дайгаар добтолон орохоёо бү удаашарагты! Угаймнай баялиг болохо тэрэ орон нютаг эзэлэебди!