Ударидагшад 17:4 - Библи

⁴ Михаа өөрынгөө эхэдэ тэдэ мүнгыень бусааба. Тэрэнэй эхэ хоёр зуун шээкэл мүнгэ абаад, тэдэнээ мүнгэшэ дарханда үгэбэ. Мүнгэшэ дархан шабараар болон мүнгэ шудхажа бурхануудай дүрсэнүүдые бүтээгээд, тэдэнээ Михаагай гэр соо табиба.

Ударидагшад 17:4 Referencias Cruzadas

Исай 30:22

Таанад мүнгөөр хушаатай онгонуудаа, алтаар бүрхөөтэй хүрэгүүдээ абажа, муухай юумэндэл, бог шоройдол адляар холо хаяхат: «Зайлагты!»

Исай 44:13

Модошо дархан модон дээрэ шугам татажа, хурса хушуутай шохойгоор хүреэлэн зураад, удаань тэрэнээ зүһэн мүлижэ, һайхан бэетэй хүнэй дүрсэ хээд, мүргэлэй гэртээ табидаг.

Аввакуум 2:18

Шүтээниие хүнэй һиилэн бүтээһэн хойно тэрэнэй ашаг туһа юун байхаб даа. Энээниие бүтээгшэ хүн гар бүтээлдээ этигэн найдаал ааб даа, теэд худал хуурмагые заадаг, дуугаржа шадахагүй хэмэл хүрэгүүдһээ ямар туһа байхаб?

Хуули дабталга 27:15

«Хэн нэгэн модо, шулуугаар гү, али шудхажа шүтөөн бүтээгээд, нюусаар тэрээниие табяа һаа, хараалай ехэ хараал өөртөө шэнгээхэ! Юуб гэхэдэ, тэдэ хадаа дарханай гараар хэгдэһэн, Эзэндэ жэгшүүритэй муухай юумэн гээшэл». Тиихэдэнь бүхы арад зон харюудань хэлэхэ: «Болтогой!»

Ударидагшад 17:3

Михаа өөрынгөө эхэдэ мянга нэгэ зуун шээкэл мүнгэ бусааба. Тиихэдэнь эхэнь хүбүүндээ иигэжэ хэлэбэ: – Би энэ мүнгөө арюудхажа, хүбүүнэйнгөө түлөө Эзэндэ зорюулан үргэнэб. Энэ мүнгөөрни шабар болон шудхамал бурхануудай дүрсэнүүдые бүтээг.

Ударидагшад 17:5

Михаа бурхануудай дүрсэнүүдтэ һүгэдэн мүргэдэг гэртэй болобо. Тэрэ эфод болон терафим хэжэ, хүбүүдэйнгөө нэгэндэ һахил хүртөөлгөөд, тэрэниие өөрынгөө санаарта болгобо.

Ударидагшад 18:17

Хаалта үүдэнэй хажууда зургаан зуун сэрэгшэдтэй хамта санаартын зогсоходо, тэндэхи газар шэнжэлжэ хараһан табан сэрэгшэ Михаагай гэртэ орожо, шабараар болон шудхажа хэһэн бурхадай дүрсэ хүрэгүүдые, эфод, терафим абабад. Тиихэдэнь залуу левит санаарта тэдээнһээ иигэжэ асууба: – Таанад юу хэжэ байнабта?