Ударидагшад 16:30 - Библи

³⁰ Тиигээд Самсоон иигэжэ хэлэбэ: – Би пилиштүүдтэй хамта үхэһүүб! Тэрэ бүхы хүсөөрөө тэдэ бахана тулгануудые хоёр тээшэнь түлхибэ. Тиихэдэнь тэндэ байһан бүхы пилиштүүдые зонхилогшод болон хүнүүд һандаржа унаһан һүмэдэ даруулжа үхэбэд. Тиигэжэ Самсоон амиды ябахадаа алаһан хүнүүдһээ бүри олон хүнүүдые өөрынгөө үхэлөөр алаба.

Ударидагшад 16:30 Referencias Cruzadas

Эхин 3:15

Би эхэнэр та хоёрые эбсэшэгүй дайсад болгохоб. Таанадай үри һадаһад хоорондоо дайсад болохо, тэрэнэй хүбүүд толгойеш бизалха, харин ши тэдэнэй хүлэй улые хадхадаг, хазадаг болохош.

Псалманууд 62:3

Нангин газарта Таниие – Танай хүсэ шадал, алдарыетнай үзөө бэлэйб.

Экклезиаст 9:12

Шубуунай урьхада, загаһанай губшуурта ороһонтой адли гэнтэ муу саг бууха, муу юумэнэй болохые хүн огто мэдэхэгүй байна.

Матвей 16:25

Ами наһаяа гамнаха һанаатайшуултнай тэрэнээ алдаха; харин Минии түлөө амияа үгэһэнтнай тэрэнээ алмаха.

Хэрэгүүд 20:24

Харин би ами наһаяа оройдоошье хайрланагүйб. Бурханай үршөөл хайра тухай Һайн Мэдээсэл айладхажа бай гэжэ Эзэнэй намда даалгаһан үүргэ гүйсэдхэн, ябаха ёһотой замаараа ябажа түгэсхэбэлни һайн гээшэ.

Хэрэгүүд 21:13

Тиихэдэмнай Павел: – Үгы, яана гээшэбта? Юундэ уйлалдажа бархиралдажа, минии зүрхэ сэдьхэлые зобоонобта? Би Иерусалим ошоод, хүлюулхэһээ гадна, Эзэн Иисүүсэй нэрэ алдарай түлөө үхэхэеэшье бэлэнби, – гэжэ харюусаба.

Филиппынхидтэ 2:17

Танай этигэл һүзэгтнай, албантнай Бурханда үргэгдэһэн үргэлдэ адли юм. Тэрэ үргэлтэйтнай хамта миниишье шуһан үргэл болон адхарха ёһотой байжа магадгүй. Тиигэбэл би та бүхэнтэй хамта баярлажа байнаб.

Филиппынхидтэ 2:30

Эпапродиит Христоосой түлөө ажаллажа байхадаа үхэлэй хажууда байгаа, таанадай хэхэ аргагүй юумэ намда хэжэ, тэрэ ами наһаяа хайрлаагүй.

Филиппынхидтэ 2:8

Тэрэ номгон даруу байгаа, үхэн үхэтэрөө, хэрээһэн дээрэ үхэтэрөө Бурханай үгэ дууладаг байгаа.

Колоссынхидтэ 2:15

Тиигэжэ Христоосой ашаар Бурхан захирагша ба засаглагша хүсэнүүдые дараа, тиигээд илалта туйлахадаа, тэдэ хүсэнүүдые баряанда абтаһан зондол адляар бүхы арадай урда ябуулаа.

Фессалоникиинхидтэ 1-дэхи 5:2

Эзэн ерэхэдээ, һүниндөө гэтэжэ ороһон хулгайшандал хүлеэгөөгүй байхада ерэхэ гэжэ таанад өөһэдөө яһала һайн мэдэнэт.

Ударидагшад 14:19

Эзэнэй Һүлдэ Самсооной толгой дээрэ хүсэтэйгөөр бууба. Тэрэ Ашхэлоон хото ошожо, гушан пилиштүүдые алажа, самсануудыень болон һэлгэхэ хубсаһануудыень абаад, тэдэнээ таабарииень таагшадта үгөөд, эсэгынгээ гэртэ ерэбэ.

Ударидагшад 15:15

Самсоон һаяхан үхэһэн элжэгэнэй үрүү олоод, тэрээгээрээ мянган пилиштүүдые алаба.

Ударидагшад 15:8

Самсоон олон пилиштүүдые зэрлигээр хюдажа алаад, ошожо Этаам хабсагайн хабшал соо хоргодон һууба.

Ударидагшад 16:29

Самсоон һүмые бүхэлжэ баридаг хоёр бахана тулгын хоорондо орожо, баруун гараараа нэгыень, зүүн гараараа нүгөөдыень тулган бариба.

Ударидагшад 16:31

Тэрэнэй аха дүүнэр болон тэрэнэй эсэгын бүхы гэр бүлэ ерэжэ, тэрэнэй хүүр бэеыень абабад. Тиигээд тэдэнэр Самсоониие Цораа болон Эштаһоол хоёрой хоорондо эсэгыень хүдөөлүүлһэн Манооһаагай агы нүхэн хуурсагта хүдөөлүүлбэ. Самсоон хорин жэл соо Израилиин ударидагша байһан юм.