Ударидагшад 16:26 - Библи

²⁶ Самсоон гарһаань хүтэлөөд ябаһан залуу хүбүүндэ иигэжэ хэлэбэ: – Би энэ гэрые бүхэлжэ баридаг бахана тулгыень барижа үзэһүүб. Ши намайе хүтэлжэ, тэндэ абааша. Би тэрэ бахана тулга түшэжэ, халта амарһууб. Залуу хүбүүн Самсоониие хүтэлжэ, бахана тулгада абаашаба.

Ударидагшад 16:26 Referencias Cruzadas

Ударидагшад 16:25

Найрлан сэнгэжэ байһан пилиштүүд иигэжэ хашхаралдабад: – Түрмэһөө Самсоониие эндэ асарагты! Тэрэ бидэниие сэнгүүлэн хүхеэг! Тэдэнэр Самсоониие харанхы түрмэһөө асаруулаад, бидэниие сэнгүүлэн хүхеэ гэжэ тэрээндэ захирба. Хүтэлөөд ябагша залуухан хүбүүн Самсоониие Дагоон бурханай һүмын досоохи хоёр бахана тулгын хоорондо хүтэлэн асарба.

Ударидагшад 16:27

Эрэшүүл болон эхэнэрнүүд тэрэ һүмэ соо багтажа ядан зогсобод. Тэндэ бүхы пилиштүүдые зонхилогшод байба. Һүмын орой дээрэнь гурба мянган эрэшүүл болон эхэнэрнүүд Самсооной сэнгүүлжэ хүхеэлгэхыень хүлеэнэд.