Ударидагшад 16:17 - Библи

¹⁷ Һүүлэй һүүлдэ Самсоон Далиилаада иигэжэ хэлэбэ: – Минии толгойн үһые хайшалжа болохогүй. Ушар юуб гэхэдэ, би эхынгээ умай соо байхадаа, өөрыгөө Эзэндэ зорюуланхайб. Хэрбэеэ үһыемни хайшалаа һаань, минии агууехэ хүсэ шадал бууража, юрын хүн шэнги болохоб.

Ударидагшад 16:17 Referencias Cruzadas

Һургаал 12:23

Бодолтой хүн мэдэсэеэ түргэн элирүүлдэггүй, мунхагай үгэнүүд мунхагынь харуулдаг.

Һургаал 13:3

Хэлэ амандаа болгоомжотой хүн амяа хамгаалдаг. Харин шашаг хүниие гай тодхор хүлеэхэ.

Һургаал 29:12

Удамарша хүн хуурмаг үгэ шагнадаг һаань, тэрэнэй түшэмэл туһалагшад нүгэлтэн боложо хубирна.

Михей 7:5

Дүтын хүндөө бү этигэгты, нүхэртөө бү найдагты. Һамга, үбгэндөөшье хэлэхэеэ тэбшэгты.

Тоололго 6:2

– Израильшуудта соносхон иигэжэ хэлэ: Хэрбэеэ эрэ гү, али эхэнэр хүн Эзэндэ шахаа тангаригаа үгэжэ, толгойдоо оливын тоһо түрхюулээд, ямар нэгэ болзор саг соо өөрыгөө Эзэндэ зорюулха гэжэ шиидэбэл,

Тоололго 6:5

Өөрыгөө Эзэндэ зорюулһан болзор саг соо тэрэ хүн үһэеэ бү хайшалуулаг. Эзэндэ өөрыгөө зорюулһан саг болзоройнгоо үнгэртэр тэрэ хүн эдэ бүхы юумэнүүдые эдихэ, уухаяа сээрлэжэ, һахал һамбайгаа ургуулаг.

Хэрэгүүд 18:18

Павел үшөө олон үдэр тэндэ байгаад, удаань аха дүүнэртэйгөө хахасан, Прискиилла Ааквила хоёрые абаад, Сириин орон тамаржа ошобо. Хэзээ нэгэтэ үгэһэн дашаа тангаригайнь болзор дүүрэжэ, Павел Кенхрейдэ үһэеэ абхуулаа.

Ударидагшад 13:5

Үхибүүнэйнгээ үһыень бү хайшала. Юундэб гэхэдэ, нарайлха нялхашни умай сооһоо өөрыгөө Эзэндэ зорюулан үгэнхэй юм. Таанадай энэ хүбүүн израильшуудые пилиштүүдэй гарһаа абаран аршалжа эхилхэ.

Ударидагшад 16:16

Далиилаа үдэр бүхэндэ нюусыень мэдэжэ абахаяа Самсоониие гуйһан үгэнүүдээрээ хашараан зобоожо, тэрэнэй һэргэлэмжые мохообо.

Ударидагшад 16:18

Самсоон өөрынгөө нюусые намда хэлэбэ гэжэ Далиилаа мэдээд, пилиштүүдые зонхилогшодто хүниие эльгээхэдээ, тэрээндэ иигэжэ хэлэбэ: – Ерэгты. Энэ удаа тэрэ намда өөрынгөө нюусые хэлэбэ. Пилиштүүдые зонхилогшод мүнгэн зоос абаад, Далиилаада ерэбэд.