Ударидагшад 16:13 - Библи

¹³ Далиилаа Самсоондо иигэжэ хэлэбэ: – Ши намайе дахин мэхэлжэ, худалаар хэлэбэш. Шамайе юугээр уялтайб гэжэ намда нюусаяа хэлыш даа? Самсоон тэрээндэ иигэжэ хэлэбэ: – Хэрбэеэ минии толгойһоо долоон багса үһэ абажа, тэдээнээрни утаһануудтай хамта бүдэй һуури табижа гүрөөд, тэдэнээ бүд нэхэдэг станогто модон хадааһаар хадаа һааш, би юрын хүн шэнги агууехэ хүсэ шадалгүй болохоб.

Ударидагшад 16:13 Referencias Cruzadas

Ударидагшад 14:17

Самсооной һамган үлэгшэ тэдэ үдэрнүүдтэ уйлаба. Уйлажа байжа, һамганайнгаа аргагүй ехээр гуйхадань, һүүлэй һүүлдэ долоодохи үдэр Самсоон һамгандаа таабариингаа тайлбарииень хэлэбэ. Тиихэдэнь үнөөхи эхэнэр өөрынгөө арадай хүбүүдтэ үбгэнэйнгөө таабариин тайлбариие хэлэжэ үгэбэ.

Ударидагшад 16:10

Далиилаа Самсоондо иигэжэ хэлэбэ: – Ши намайе мэхэлээш! Мүнөө намда хэлэл даа, юугээр шамайе уялтайб?

Ударидагшад 16:12

Далиилаа Самсоониие шэнэ аргамжануудаар хүлеэд, тэрээндэ иигэжэ хэлэбэ: – Самсоон! Пилиштүүд шамайе барихаяа ерэбэд! Тиихэдэнь тэдэнэй нэгэн Далиилаагай унтадаг таһалга соо хороод байба. Самсоон тэдэ аргамжануудыень һабагша шэнгеэр таһалба.

Ударидагшад 16:14

Далиилаа Самсоониие өөрынгөө үбдэг дээрэ унтуулба. Тэрэнэй унтахадань, Далиилаа тэрэнэй толгойһоо долоон багса үһэ хайшалжа абаад, тэдээгээрнь утаһануудтай хамта бүдэй һуури табижа гүрөөд, тэдэнээ бүд нэхэдэг станогто модон хадааһаар хадаад: «Самсоон! Пилиштүүд шамайе барихаяа ерэбэ!» – гэжэ Далиилаа хашхарба. Самсоон нойрһоо һэреэд, станогоо бүдтэйнь хамта газарһаа һуга татан бодобо.