Ударидагшад 14:6 - Библи

⁶ Эзэнэй Һүлдэ Самсооной толгой дээрэ бууба. Тиихэдэнь Самсоон зэр зэбсэг баряагүй нюсэгэн гараараа эшэгэн мэтээр арсаланиие таһар удар татажархиба. Теэд тэрэ хэһэн энэ үйлэ хэрэгээ эхэ эсэгэдээ хэлэбэгүй.

Ударидагшад 14:6 Referencias Cruzadas

Псалманууд 91:13

Зүб шударга хүн пальма модондол сэсэглэнэ, Ливаанай хуша модондол ургана.

Исай 42:2

Тэрэ хашхархагүй, дуугаа шангадхахагүй, гудамжануудта шангаар хүрхирхэгүй.

Захарияа 4:6

Тэнгэриин Эльгээмэл намда иигэжэ ойлгуулба: – Түмэн Сэрэгтэ Эзэнэй Зэрубабээлдэ хандаһан иимэ үгэнүүд гээшэ: Шинии туһа болбол эрхэ мэдэлээр бэшэ, хүсэ шадалаар бэшэ, Минии Һүлдөөр ерэхэ.

Матвей 11:29

Минии хазаар абажа өөһэдыгөө хазаарлагты, Намһаа һуража абагты, ушарынь юуб гэбэл, Би даруу, номгон сэдьхэлтэйб, тиин таанад һанаагаа амархат.

Еврейнүүдтэ 11:33

Тэдэнэр этигэл һүзэгөөрөө хаан оронуудые дайлан диилэдэг, үнэн зүб юумэ хэдэг, Бурханай найдуулһан юумэндэ хүртэдэг, арсалангуудай амыень хаадаг,

Иоаннай 1-дэхи хандалга 3:8

Нүгэл шэбэл хэгшэ шолмосһоо болоно, юундэб гэбэл, шолмос анханһаа хойшо нүгэл хилэнсэ үйлэдэдэг. Тиимэһээ шолмосой үйлэ уршагые үгы хэхын тула Бурханай Хүбүүн ерээ.

Ударидагшад 11:29

Бурханай Һүлдэ Иптаагай толгой дээрэ бууба. Иптаа Галаад болон Мэнашшээе үнгэрөөд, Галаадай Мицпээ хото дайраад, тэндэһээ саашаа аммоонуудай газар тээшэ ошобо.

Ударидагшад 13:25

Цораа болон Эштаһоол хоёрой хоорондо оршодог Маханээ-Даан хотодо Самсооной ажаһуухадань, Эзэнэй Һүлдэ тэрэнэй толгой дээрэ буужа, ажал ябуулгыень эрхилүүлсэжэ эхилбэ.

Ударидагшад 14:19

Эзэнэй Һүлдэ Самсооной толгой дээрэ хүсэтэйгөөр бууба. Тэрэ Ашхэлоон хото ошожо, гушан пилиштүүдые алажа, самсануудыень болон һэлгэхэ хубсаһануудыень абаад, тэдэнээ таабарииень таагшадта үгөөд, эсэгынгээ гэртэ ерэбэ.

Ударидагшад 14:5

Самсоон эхэ болон эсэгэтэеэ хамта Тимнаа хото ошобо. Тэдэнэр хотын хажуудахи уһан үзэмэй таряалангай талмайда дүтэлэн ерэбэ. Залуу нэгэ арсалан эрхирээд, гэнтэ һүрэжэ, Самсоондо добтолон дүтэлбэ.

Ударидагшад 14:7

Тиигээд Самсоон Тимнаа хото ерэжэ, тэрэ эхэнэртэй хөөрэлдэбэ. Тэрэ эхэнэр Самсоондо һайшаагдаба.

Ударидагшад 15:15

Самсоон һаяхан үхэһэн элжэгэнэй үрүү олоод, тэрээгээрээ мянган пилиштүүдые алаба.

Ударидагшад 15:8

Самсоон олон пилиштүүдые зэрлигээр хюдажа алаад, ошожо Этаам хабсагайн хабшал соо хоргодон һууба.

Ударидагшад 16:30

Тиигээд Самсоон иигэжэ хэлэбэ: – Би пилиштүүдтэй хамта үхэһүүб! Тэрэ бүхы хүсөөрөө тэдэ бахана тулгануудые хоёр тээшэнь түлхибэ. Тиихэдэнь тэндэ байһан бүхы пилиштүүдые зонхилогшод болон хүнүүд һандаржа унаһан һүмэдэ даруулжа үхэбэд. Тиигэжэ Самсоон амиды ябахадаа алаһан хүнүүдһээ бүри олон хүнүүдые өөрынгөө үхэлөөр алаба.

Ударидагшад 3:10

Бурханай Һүлдын досоонь ороходо, Отниһээл израильшуудай ударидагша болобо. Отниһээл израильшуудые дахуулан, дайлалдахаяа ошобо. Тиихэдэнь Эзэн Араамай хаан Кушаан-Ришатааимай сэрэгшэдые тэрэнэй дарахада туһалба.

1 Хаан түрэнүүд 10:16

Саул абгадаа харюусаба: – Элжэгэнүүд олдоо гэжэ тэрэ маанадта соносхоо һэн. Гэбэшье хаан түрэ тухай Самуилай тэрээндэ хэлэһые тэрэ абгадаа хэлэбэгүй.

1 Хаан түрэнүүд 10:6

Эзэнэй һүр һүлдэ шам дээрэ хүсэтэй буужа, ши тэдэнтэй хамта бүжэглэн, абарал буулган, ондоо хүн болон хубилхаш.

1 Хаан түрэнүүд 11:6

Эдэ үгэнүүдые дууламсаарнь, Бурханай һүр һүлдэ Саул дээрэ хүсэтэй бууба. Тэрэ угаа ехээр сухалдаба.

1 Хаан түрэнүүд 14:1

Нэгэ үдэр Саулай хүбүүн Ёнатаан зэр зэбсэгынь баряад ябагша залуу хүбүүндээ: – Ябая, хадын жалгые гаталан, нүгөө талада байһан пилиштүүдэй сэрэгэй бүлэг руу ошоё, – гэжэ хэлэбэ. Харин энээн тухай Ёнатаан эсэгэдээ дуулгабагүй.

1 Хаан түрэнүүд 17:46

Мүнөөдэр Эзэн шамайе минии гарта үгэхэ. Би шамайе алаад, толгойешни бэеһээшни таһалхаб. Мүнөөдэр би пилишт сэрэгшэдэй һэенүүдые огторгойн шубуу шонхорто, хээрын ан арьяатанда үгэхэб. Бүхы улад Израильда Бурхан бии гээд мэдэдэг болохо.