Ударидагшад 14:19 - Библи

¹⁹ Эзэнэй Һүлдэ Самсооной толгой дээрэ хүсэтэйгөөр бууба. Тэрэ Ашхэлоон хото ошожо, гушан пилиштүүдые алажа, самсануудыень болон һэлгэхэ хубсаһануудыень абаад, тэдэнээ таабарииень таагшадта үгөөд, эсэгынгээ гэртэ ерэбэ.

Ударидагшад 14:19 Referencias Cruzadas

Ударидагшад 1:18

Иудынхид Гааза болон Ашхэлоон хотонуудые, тэдэниие тойроод байһан тосхон һууринуудые, мүн Экроон ба тэрэниие тойроод байһан тосхон һууринуудые булимтаран эзэлбэ.

Ударидагшад 13:25

Цораа болон Эштаһоол хоёрой хоорондо оршодог Маханээ-Даан хотодо Самсооной ажаһуухадань, Эзэнэй Һүлдэ тэрэнэй толгой дээрэ буужа, ажал ябуулгыень эрхилүүлсэжэ эхилбэ.

Ударидагшад 14:18

Долоодохи үдэр хадын саана наранай орохын урда тээ тэдэнэр Самсоондо ерээд, иигэжэ хэлэбэ: – Зүгын балһаа үлүү ехэ амтатай юун бэ? Зэрлиг арсаланһаа үлүүсэ ехэ хүсэтэй хэн бэ? Самсоон тэрээндэ иигэжэ хэлэбэ: – Таанад минии эмэ тугалаар газар хахалаагүй һаа, таабарииемни таахагүй байгаат.

Ударидагшад 14:6

Эзэнэй Һүлдэ Самсооной толгой дээрэ бууба. Тиихэдэнь Самсоон зэр зэбсэг баряагүй нюсэгэн гараараа эшэгэн мэтээр арсаланиие таһар удар татажархиба. Теэд тэрэ хэһэн энэ үйлэ хэрэгээ эхэ эсэгэдээ хэлэбэгүй.

Ударидагшад 15:14

Лээхидэ тэдэнэй дүтэлхэдэ, пилиштүүд баяртайгаар хашхаралдан, тэдэниие угтабад. Эзэнэй Һүлдэ тэрэнэй толгой дээрэ эршэмтэйгээр бууба. Тиихэдэнь маалингын утаһанай галда шатагша шэнгеэр тэрэнэй гарыень хүлин уяһан аргамжа ооһор таһаршаба.

Ударидагшад 3:10

Бурханай Һүлдын досоонь ороходо, Отниһээл израильшуудай ударидагша болобо. Отниһээл израильшуудые дахуулан, дайлалдахаяа ошобо. Тиихэдэнь Эзэн Араамай хаан Кушаан-Ришатааимай сэрэгшэдые тэрэнэй дарахада туһалба.

1 Хаан түрэнүүд 11:6

Эдэ үгэнүүдые дууламсаарнь, Бурханай һүр һүлдэ Саул дээрэ хүсэтэй бууба. Тэрэ угаа ехээр сухалдаба.

1 Хаан түрэнүүд 6:17

Пилиштүүдэй гэм зэмээ сагааруулхын тула Эзэндэ үргэл болгон эльгээһэн һэлхэн үбшэнэй алтан дүрсэнүүд гэбэл, нэгэнь Ашдоодой түлөө, нэгэнь Гаазай түлөө, нэгэнь Ашхэлооной түлөө, нэгэнь Гаадай түлөө, нэгэнь Экрооной түлөө байгаа.

1 Хаан түрэнүүд 6:4

Тиихэдэнь улад зон асууба: – Гэм зэмэй түлөө ямар үргэл үргэхэбибди? Тэдэнь иигэжэ хэлэбэ: – Пилиштын ноёдой тоогоор табан алтан һэлхэн үбшэ, табан алтан хулгана дархалагты. Юуб гэхэдэ, таанад болон танай ноёд дээрэ нэгэл гай гасалан буугаа ха юм.