Ударидагшад 13:6 - Библи

⁶ Тэрэ эхэнэр өөрынгөө үбгэндэ гүйжэ ерээд, иигэжэ хэлэбэ: – Бурханай хүн намда ерээл. Тэрэнэй шарайнь аймшагтай байба. Би тэрэнэй хаанаһаа ерэһые һураагүйб. Тэрэ намда нэрэеэшье хэлээгүйл.

Ударидагшад 13:6 Referencias Cruzadas

Эхин 18:2

Абраһаам гурбан эрэ хүнэй зогсожо байхые хараба. Тэрэ гүйжэ ошоод, тэдээндэ газар хүрэтэр доро дохин хэлэбэ:

Эхин 32:29

– Өөрынгөө нэрэ намда хэлыт! – гэжэ Яковай гуйхада, – Ши Минии нэрэ мэдээд яаха гээбши? – гэжэ Тэрэнь харюусаад, үреэл табяад, ошобо.

3 Хаан түрэнүүд 17:18

Тэрэ эхэнэр Элияада: – Би танда ямар муу юумэ хээбиб? Бурханай хүн гэжэ таниие һанаалби. Харин та минии нүгэлые һануулжа, хүбүүем хюдахаяа ерэһэн байгаат, – гэбэ.

3 Хаан түрэнүүд 17:24

Тэрэ эхэнэр Элияада: – Одоол би мүнөө таниие Бурханай хүн гэжэ танижа, үнэхөөрөө Эзэн танаар дамжуулан айладана гээд мэдэбэб! – гэжэ хэлэбэ.

4 Хаан түрэнүүд 4:16

Элишаа тэрэ эхэнэртэ хандажа: – Нэгэ жэл үнгэрөөд, эгээл энэ сагта ши хүбүүгээ үбэр дээрээ баряад байхаш, – гэжэ хэлэбэ. – Эзэмни, Бурханай хүн намайе, өөрынгөө барлагые бү мэхэлэ, – гэжэ тэрэ эхэнэр хэлэбэ.

4 Хаан түрэнүүд 4:9

Нэгэтэ тэрэ эхэнэр үбгэндөө иигэжэ хэлэбэ: – Манайда ходол орожо эдеэлдэг энэ хүниие Бурханай хүн гэжэ мэдэгшэб.

Египедһээ гаралга 3:2

Тэндэ аһажа байһан үүргэнын һөөг сооһоо Эзэнэй Эльгээмэл тэрээндэ үзэгдэбэ. Гайхал ехэ, үүргэнын һөөг бургааһан гал дүлөөр соробхилжо байһан аад, шатажа дууһаха хэбэргүй байба.

Египедһээ гаралга 3:6

– Би шинии үбгэ эсэгын Бурхан гээшэб, – гэжэ удаань Тэрэ айладаа. – Абраһаамай Бурхан, Исаагай Бурхан, Яковай Бурхан гээшэб. Моисей Бурхан тээшэ харахаяа зүрхэлэнгүй, нюураа халхалаад байба.

Даниил 10:11

Тэрэ намда: – Бурханай шэлэгшэ Даниил! Минии шамда хэлэхэ гэжэ байгааша үгэнүүдые ойлгоорой. Дээшээ бодо, юуб гэхэдэ, би шам руу эльгээгдэнхэйб, – гэбэ. Тиигэжэ хэлэхэдэнь, би шэшэрһээр дээшээ бодобоб.

Даниил 10:5

Харахадам, улһан хубсаһа үмдэнхэй, Упаазай шэжэр алтан бүһэ бүһэлэнхэй нэгэ хүн зогсожо байба.

Даниил 8:17

Минии зогсожо байгааша тэрэ газар руу тэрэ дүтэлбэ. Дүтэлхэдэнь, би угаа айжа, доошоо унаа бэлэйб. Тэрэ намда иигэжэ айладхаба: – Хүнэй хүбүүн, мэдэжэ бай: энэ хадаа һүүлшын саг тушаа үзэгдэл гээшэ.

Лука 1:19

– Би болбол Бурханай ойро оршодог Габриһээл гээшэб. Энэ һайн мэдээсэл дуулгахыемни Бурхан намайе шамда эльгээгээ юм.

Лука 9:29

Мүргэжэ байхадань, Иисүүсэй шэг шарай гэнтэ хубилжа, хубсаһаниинь ялалзан, һаргама сагаан болоо.

Хэрэгүүд 6:15

Зүблэлэй гэшүүдэй анхаралтайгаар Стефаниие шэртэхэдэнь, тэрэнэй шарай Бурханай Эльгээмэлэй шарайдал адляар үзэгдэбэ.

Хуули дабталга 33:1

Бурханай хүн Моисейн нүгшэхынгөө урда тээ Израилиин улад зондо үгэһэн үреэлынь иимэ мүн.

Тимофейдэ 1-дэхи 6:11

Харин ши, Бурханай хүн, эдэ бүхэнһөө болгоомжоло. Ши Бурханай урда үнэн сэдьхэлтэй бай, Бурханай эрхэ хүсэлые гүйсэдхэ, Тэрээндэ һүзэглэжэ, хайра дура сэдьхэлдээ бадараа, тэсэбэритэй, номгон даруу зантай бай.

Нүүнэй Иисүүс 14:6

Иудын хүбүүд Гилгаал руу Иисүүстэ ерээ. Тиигээд кэнэззэйн Епуннээгэй хүбүүн Халээб хэлээ: – Эзэнэй Моисейдэ, Бурханай хүндэ Кадээш-Барнээдэ нам тухай, шам тухай юун гэһыень мэдэнэш.

Гэршэлгэ 1:17

Тэрэниие харамсаараа, би үхэһэн шэнгеэр хүлэйнь хажууда унашабаб. Тиихэдэмни Тэрэ баруун гараа мүрэ дээрэмни табяад, намда иигэжэ хэлэбэ: – Бү ай; Би хадаа Түрүүшынхинь, Һүүлшынхинь гээшэб,

Ударидагшад 13:10

Үнөөхи эхэнэр үбгэндөө гүйжэ ерээд, тэрээндэ иигэжэ хэлэбэ: – Үсэгэлдэр ерэгшэ Бурханай хүн дахин намдаш ерээл!

Ударидагшад 13:22

Манооһаа ухаа алдажа, өөрынгөө һамганда иигэжэ хэлэбэ: – Бидэ Бурханиие хараһан тула үхэхэмнайл!

Ударидагшад 13:3

Эзэнэй Эльгээмэл Манооһаагай һамганай урда бии болоод, тэрээндэ иигэжэ айладаба: – Ши үхибүүтэй болодоггүй байнаш, харин мүнөө хээлитэй боложо, хүбүү түрэхэш.

Ударидагшад 13:7

Бурханай тэрэ хүн намда иигэжэ хэлээ юм: «Хээлитэй болобош, хүбүү түрэхэдөө, үзэмэй дараһан архи болон һогтоодог шара ундаа бү уу, бузартай эдеэ хоол бү эди. Ушар юуб гэхэдэ, нарайлха нялхашни умай сооһоо наһалха наһанайнгаа эсэс хүрэтэр өөрыгөө Эзэндэ зорюулан үгөө».

Ударидагшад 13:8

Манооһаа Эзэндэ зальбараад, иигэжэ хэлэбэ: – Эзэн минии! Танай эльгээһэн Бурханай хүн дахин бидэндэ ерэг лэ! Түрэхэеэ байһан үхибүүнэй томо болотор юу хэбэл дээрэб гэжэ бидэниие һургаг лэ.

Ударидагшад 6:11

Тэрэ үдэр Эзэнэй Эльгээмэл Гидоонтой уулзахаяа Опраада ерээд, сарса модон доро һууба. Тэрэ сарса модон Абиээзэрэй уг удамай Ёһаашай мэдэлэй байгаа. Ёһааш Гидооной эсэгэ байһан юм. Шэниисын орооһо сохилгоной үедэ Гидоон мидиануудһаа хоргодохын тула уһан жэмэс шахан дарадаг шахуургын хажууда байба.

1 Хаан түрэнүүд 2:27

Тиигэһээр байтар Бурханай хүн Элиидэ ерэжэ, иигэжэ хэлэбэ: – Эзэн иигэжэ айладхана: Шинии эсэгын гэр бүлын Египедтэ фараоной зараса байхадань, Би Өөрыгөө тэдээндэ элирхэйлэн харуулаа бэшэ аалби?

1 Хаан түрэнүүд 9:6

Зарасань тэрээндэ: – Хүлеэгты. Энэ хотодо Бурханай хүн бии. Тэрэ хүндэтэй хүн. Тэрэнэй хэлэһэн юумэн булта бэелүүлэгдэдэг. Мүнөө тэрээндэ ошоё. Хаана элжэгэнүүдые олохыемнай тэрэ заажа үгэжэ магад, – гэбэ.