Ударидагшад 11:3 - Библи

³ Тиихэдэнь Иптаа аха дүүнэрһээ зугадажа, Тооб орон нютагта түбхинэбэ. Тэндэ Иптаа гэмтэ ябадал хэгшэдтэй нүхэсэбэ. Тэдэнэр тэрэнэй ударидалган доро добтолгонуудые хэбэ.

Ударидагшад 11:3 Referencias Cruzadas

2 Хаан түрэнүүд 10:6

Аммоонууд Давидай дайсад болоһоноо ойлгожо, Бэт-Рэһообой болон Цобаагай араамшуудта хандан, хорин мянган ябаган сэрэг, Тообһоо арбан хоёр мянган эрэшүүлые, Маһахаагай хааниие нэгэ мянган хүнтэйнь хүлһэлэн абаба.

2 Хаан түрэнүүд 10:8

Аммоонууд гаража ерээд, өөрынгөө гол хото Раббаагай бартаануудай дэргэдэ байлдаанай жагсаалаар зогсобо. Цобаа болон Рэһообой араамшууд, мүн Тооб болон Маһахаагай зон амяараа талада тогтобо.

Хэрэгүүд 17:5

Гэбэшье еврейнүүд атаархан, гудамжын үгытэй зоной дундаһаа хэдэн хара һанаатай хүнүүдые шэлэжэ, олон зониие суглуулаад, хотынхидой дунда үймөө татаба. Тэдэ зон Павел Сила хоёрые олоод, зоной урда шиидхэхын тула Ясооной гэртэ сүмэрэн оробо.

Ударидагшад 11:2

Галаадай һамган тэрээндэ хүбүүдые түрэбэ. Тэдэ хүбүүд томо болоод, Иптаае түрэл хотоһоо үлдэхынгөө урда тээ тэрээндэ иигэжэ хэлэбэд: «Ши бидэнэй эсэгэһээ ямаршье зөөри залгамжалан абахагүйш. Юундэб гэхэдэ, ши зальхай, ондоо эхэнэрһээ гарааш».

Ударидагшад 9:4

Тиигээд тэдэнэр Баал-Бэриитэй һүмэһөө далан шээкэл мүнгэ абажа, тэрэнээ Абимээлэхдэ үгэбэ. Мүнгэеэ абаашаха болоходоо Абимээлэх юушье хэдэггүй, дура зоргоороо ябадаг эрэшүүлые хүлһэлэн абаба. Хаанашье ябахадань, тэдэнэр Абимээлэхые дахабад.

1 Хаан түрэнүүд 22:2

Зобоһон, үридэ ороһон, засагта дурагүй болоһон бүхы зон Давидай хажууда сугларба. Иигэжэ дүрбэн зуугаад хүн тэрээндэ хамтарба. Давид тэдэнэй ударидагша болоо һэн.

1 Хаан түрэнүүд 27:2

Давид бодожо, өөртэйнь хамта байһан зургаан зуун зоноо дахуулан, Гаадай хаан, Маһоохын Ахииш хүбүүндэ ошобо.