Ударидагшад 11:29 - Библи

²⁹ Бурханай Һүлдэ Иптаагай толгой дээрэ бууба. Иптаа Галаад болон Мэнашшээе үнгэрөөд, Галаадай Мицпээ хото дайраад, тэндэһээ саашаа аммоонуудай газар тээшэ ошобо.

Ударидагшад 11:29 Referencias Cruzadas

Эхин 31:49

Тиигээд үшөө ондоогоор «Мицпаа», оршуулбал, «Харуулай газар», гэдэг. Юундэб гэхэдэ, Лаваан нэмэжэ саашань хэлээ һэн: – Бэе бэеһээ таһаржа, харалсахаяа болиходомнай, Эзэн маанадые байһан газартамнай анхаран хаража, бидэ али алиндаа урдань харюусаха болонобди.

1 Угай бэшэг 12:18

Гушанай толгойлогшо Амасайда Һүлдэ буужа, тэрэ иигэжэ хэлэбэ: – Давид, бидэ танайбди! Ишайн хүбүүн, тантай хамтабди! Танда энхэ тайбаниие хүсэнэбди! Танда туһалагша Бурхандатнай энхэ амгаланиие хүсэнэбди! Давид тэдэниие угтан абаад, сэрэгэйнгээ манлайда томилбо.

Тоололго 11:25

Тиихэдэнь майхан һүмэ дээрэ Эзэнэй бахана үүлэнэй буухадань, Моисей Эзэнтэй хөөрэлдэбэ. Моисейдэ үгэһэн нангин һүлдэеэ Эзэн далан ахалагшатай хубаалсаба. Тэдэнэртэ Эзэнэй һүлдын ороходонь, тэдэнэр ерээдүйн сагта болохо юумэнүүд тухай уридшалан хэлэбэ, тиигээд болибо.

Ударидагшад 10:17

Аммоонууд дайлалдахаяа суглараад, Галаадай газар дээрэ өөһэдынгөө майхан хүреэн татажа байрлаба. Израильшууд сэрэгээ суглуулаад, Мицпаа хотодо байрлаба.

Ударидагшад 11:11

Иптаа Галаадай аха захатадтай хамта ошобо. Сэрэгшэд тэрэниие өөрынгөө дарга ба толгойлогшо болгобо. Иптаа өөрынгөө хамаг бүхы үгэнүүдые үгэлэн, Мицпаа хотын Эзэнэй гэр соохи тахилай шэрээгэй урда хэлэбэ.

Ударидагшад 11:28

Теэд Аммооной хаан Иптаагай эльгээһэн элшэдэйнь хэлэһэн үгые шагнабашьегүй.

Ударидагшад 11:30

Иптаа Эзэндэ иигэжэ тангариглаба: «Хэрбэеэ минии гарта аммоонуудые үгэбэлтнай,

Ударидагшад 13:25

Цораа болон Эштаһоол хоёрой хоорондо оршодог Маханээ-Даан хотодо Самсооной ажаһуухадань, Эзэнэй Һүлдэ тэрэнэй толгой дээрэ буужа, ажал ябуулгыень эрхилүүлсэжэ эхилбэ.

Ударидагшад 3:10

Бурханай Һүлдын досоонь ороходо, Отниһээл израильшуудай ударидагша болобо. Отниһээл израильшуудые дахуулан, дайлалдахаяа ошобо. Тиихэдэнь Эзэн Араамай хаан Кушаан-Ришатааимай сэрэгшэдые тэрэнэй дарахада туһалба.

Ударидагшад 6:34

Эзэнэй Һүлдэ Гидооной досоо орожо, тэрээндэ эрэлхэг зориг, хүсэ шадал үгэбэ. Абиээзэрэй уг удамуудые дуудан ерүүлжэ, тэдэниие толгойлон дахуулха гэжэ Гидоон үхэр бүреэгээ үлеэбэ.

1 Хаан түрэнүүд 10:10

Саулай зарасатаяа хамта Гибаада хүрэхэдэнь, лүндэншэдэй бүлэг тэдээндэ дайралдажа, Бурханай һүр һүлдэ Саул дээрэ хүсэтэйгөөр буугаад, тэрэ тэдээнтэй хамта абарал буулгажа ябаа һэн.

1 Хаан түрэнүүд 11:6

Эдэ үгэнүүдые дууламсаарнь, Бурханай һүр һүлдэ Саул дээрэ хүсэтэй бууба. Тэрэ угаа ехээр сухалдаба.

1 Хаан түрэнүүд 12:11

Тиихэдэнь Эзэн Еруббаал, Бэдаан, Иптаа болон Самуилые эльгээжэ, тойроод байһан дайсадһаатнай таанадые абараа һэн. Тиигээд таанад хэнһээшье айнгүй ажаһуугаат.