Ударидагшад 11:2 - Библи

² Галаадай һамган тэрээндэ хүбүүдые түрэбэ. Тэдэ хүбүүд томо болоод, Иптаае түрэл хотоһоо үлдэхынгөө урда тээ тэрээндэ иигэжэ хэлэбэд: «Ши бидэнэй эсэгэһээ ямаршье зөөри залгамжалан абахагүйш. Юундэб гэхэдэ, ши зальхай, ондоо эхэнэрһээ гарааш».

Ударидагшад 11:2 Referencias Cruzadas

Эхин 12:10

Энэ нютагта үлэн хооһон байдал тохёолдоо һэн. Тиимэһээ Абрам үшөө саашалан, Египет руу түр зуура байха газар бэдэрбэ.

Эхин 21:10

Абраһаамда: – Энэ барлаг эхэнэрые хүбүүнтэйнь хамта намна! Барлагай хүбүүн минии хүбүүн Исаагтай хамта уг залгамжалхагүй! – гэжэ хэлэбэ.

Һургаал 2:16

мүн хүнэй һамган аад, альбан үгөөрөө ондоо эрые бэедээ татадаг эмэнүүдһээ һалгахын түлөө юм.

Һургаал 5:20

Яахадаа ондоо хүнэй эхэнэртэй бэеын жаргал эдлэжэ, хүнэй һамганай бэе тэбэрихэ болообши, хүбүүмни?

Һургаал 5:3

Ондоо хүнэй һамганай урал зүгын бал шэнги амтатай, тэрэнэй үгэнүүд тоһонһоо үлүү зөөлэн байдаг.

Галадуудта 4:30

Нангин Бэшэг соо энээн тухай: «Барлаг эхэнэрые хүбүүнтэйнь хамта намна! Барлагай хүбүүн сүлөөтэй эхэнэрэй хүбүүнтэй хамта уг залгамжалхагүй», – гэжэ бэшэгдэнхэй.

Хуули дабталга 23:2

Тэдэнэй дунда мүн лэ янхан эхэнэрэй хүбүүнэй байхань хорюултай. Тэрэнэй уг удам арбадахи үе хүрэтэрөө Эзэнэй зонтой хамтарха ёһогүй.

Ударидагшад 11:1

Галаадай хүбүүн Иптаа эрэлхэг зоригтой сэрэгшэ байгаа. Зальхай эхэнэр Галаад гэжэ нэрэтэй хүнһөө тэрэ хүбүү түрөө юм.

Ударидагшад 11:3

Тиихэдэнь Иптаа аха дүүнэрһээ зугадажа, Тооб орон нютагта түбхинэбэ. Тэндэ Иптаа гэмтэ ябадал хэгшэдтэй нүхэсэбэ. Тэдэнэр тэрэнэй ударидалган доро добтолгонуудые хэбэ.