Ударидагшад 11:10 - Библи

¹⁰ Галаадай аха захатад тэрээндэ иигэжэ хэлэбэ: – Эзэн бидэнэй гэршэ! Илалта заабол туйлахаш гэжэ бидэнэр тангаригланабди.

Ударидагшад 11:10 Referencias Cruzadas

Эхин 16:5

– Ши минии доромжолуулһанда гэмтэйш, – гэжэ Сара Абрамда хэлэбэ. – Би шамда өөрынгөө шэбэгшэ эхэнэрые үгөө һэм, харин тэрэш хээлитэй болоходоо, намда дээрэлхэнэ. Тиибэл, Эзэн маанадай дунда хэнэй зэмэтэй байһые шиидхэг лэ!

Эхин 21:23

Намайе, минии үхибүүдые, ашанарыемни мэхэлхэгүйб гэжэ Бурханай нэрээр тангариглагты! Би танда хэды һайн байгаабииб, эгээл тиимээр намдашье, танда нютаг болоһон орон дайдадашье һайнаар хандахаб гэжэ тангариглагты!

Эхин 31:50

Хэрбэеэ ши минии басагадые доромжолоо һаа гү, үгышье һаа, тэдэнэй хажуугаар шэнэ һамгадые абаа һаа, һанажа яба: минии нюдэнһөө далда байгаашье һааш, Бурхан ши бидэ хоёрой бүхы үйлэ хэрэг хаража, гэршэлжэ байха!

Эхин 31:53

Манай зүб бурууе шинии үбгэ эсэгэ Абраһаамай, минии үбгэ эсэгэ Нахоорой шүтэн зальбардаг Бурхан шүүбэрилжэ шиидхэг лэ. Тиихэдэнь Яков өөрынгөө эсэгэ Исаагай шүтэн зальбардаг Эзэн Бурханай нэрээр тангариг үргэбэ.

Египедһээ гаралга 20:7

Эзэн Бурханайнгаа нэрые дэмы бү дурда. Тэрэнэй нэрэ дэмы нэрлэдэг хэнииешье Эзэн хэһээлтэгүй орхихогүй.

Ерэмияа 29:23

Жэгшүүрилтэй муухай юумэ тэдэ Израиль соо хээ: хадамтай эхэнэрнүүдтэй забхайралдаа, Эзэнэй нэрэһээ худал юумэ тунхаглаа. Харин Эзэн иимэ юумэ хэлэхыень тэдээндэ захираагүй бэлэй. Тэдэнэй хэһэн юумые Эзэн мэдэнэ, Тэрэ – урдаһаань тулаха гэршэ.

Ерэмияа 42:5

Тиихэдэм тэдэ намда иигэжэ хэлэбэ: – Эзэн Бурханайнгаа захиралтые дүүргээгүй һаамнай, Эзэн манай урдаһаа гэршэ болон байг лэ.

Михей 1:2

Бүхы арадууд, шагныта! Дэлхэй дээрэ байгаашад, бултадаа анхарыт! Таанадай урдаһаа Эзэн гэршэ болохонь! Тэрэ огторгойдохи Өөрын нангин ордонһоо таанадые гэмнэхэнь!

Захарияа 5:4

Түмэн Сэрэгтэ Эзэн иигэжэ айладаа: Би тэрэниие хулгайшанай гэртэ ба Минии нэрээр хуурмаг тангариглагшын гэртэ ябуулааб. Тэндэ нэбтэрэн орожо өөрыень һүнөөхэ, модо шулууеньшье усадхаха.

Малаахи 3:5

Удаань шүүлгэ хэхэеэ Би таанарта ойртохо болоноб. Би мэргэлдэг хүнүүдтэ, садарлагшадта, хэрэг шүүлгэдэ хуурмагаар тангариглагшадта, хүлһэнэй ажалшадые луйбардагшадта, бэлбэһэн эхэнэрнүүдые ба үншэн хүүгэдые дарлагшадта, ерүүл хүнүүдые харшалагшадта болон Намһаа нарилан айдаггүй хүнүүдтэ эсэргүү гэршэ болохоб», – гэжэ Түмэн Сэрэгтэ Эзэн айладажа байна.

Римэйхиндэ 1:9

Зальбарха бүхэндөө таанад тухай дурдажа, таанадтай хэзээшьеб уулзуулхыень гуйдаг байһыемни Бурхан мэдэхэ. Би Хүбүүн тухайнь Һайн Мэдээсэл номнон, үнэн зүрхэнһөө Тэрээндэ алба хэнэб.

Коринфынхидтэ 2-дохи 11:31

Бурхан болон Эзэн Иисүүсэй Эсэгэ хэтын хэтэдэ үреэл магтаалда хүртэжэ байһай: хэзээшье худалаар хэлэдэггүй байһыемни Тэрэ мэдэхэ.

Хуули дабталга 1:16

Тэдээндэ тэрэ үедэ иигэжэ захираа һэм: «Зоной зарга хэрэгүүдые анхаралтайгаар шагнажа, үнэн зүбөөр бүтээгты: нэгэ яһанайшье зоной хоорондохи хэрэгые, мүн ерүүл хүнтэй арсалдааешье.

Ударидагшад 11:9

Иптаа тэдэ аха захатадһаа иигэжэ һураба: – Һайн гээшэ. Нютагаа бусажа, аммоонуудтай дайлалда гэжэ таанадай гуйхада, Эзэнэй намда илалта үршөөбэл, би таанадай засаг баригша болохо гүб?

1 Хаан түрэнүүд 12:5

Самуил тэдээндэ: – Таанарай намда ямаршье гэм зэмэ олоогүй тухай Эзэн мүнөөдэр таанадай дунда гэршэ боложо, Тэрэнэй тоһо түрхин арюудхаһан хүн мүн лэ гэршэ боложо байна, – гэхэдэнь, тэдэ: – Тэрэ болбол гэршэ мүн! – гэлдэбэ.

1 Хаан түрэнүүд 24:12

Минии эсэгэ, гартамни байһан өөрынтнай дэгэлэй хормойн үртэһэ һайса харагты. Ушарынь гэхэдэ, би танай дэгэлэй хормойһоо отолжо абабашье, таниие алаагүйб. Мэдэжэ хаража байгты: намда хорото һанаан, гэм зэмэшье байхагүй, би танда нүгэлшье үйлэдөөгүйб. Харин та намайе алахаяа бэдэржэ байнат.