Ударидагшад 1:18 - Библи

¹⁸ Иудынхид Гааза болон Ашхэлоон хотонуудые, тэдэниие тойроод байһан тосхон һууринуудые, мүн Экроон ба тэрэниие тойроод байһан тосхон һууринуудые булимтаран эзэлбэ.

Ударидагшад 1:18 Referencias Cruzadas

3 Хаан түрэнүүд 4:24

Евфрат мүрэнэй зүүн эрьеын бүхы хан түрэнүүдые, Типсаахһаа эхилээд, Гааза хүрэтэр бүхы газар дайдые тэрэ зонхилжо, тойроод байгааша орон нютагуудтаяа эбтэй эетэй ажамидараа.

Египедһээ гаралга 23:31

Хулһата далай болон Пилиштын далай, Сүл губи болон Мүрэн гээд танай эзэлхэ газарай хилэ болгон табихаб. Тэрэ орон нютагта һууһан бүхы зониие танай гарта үгэхэдэм, үлдэжэ гаргахат.

Ерэмияа 25:20

Египет соо байһан ерүүл хариин зондо, Ууц орон нютагай бүхы хаашуулда, пилиштүүдэй орон нютагай хаашуулда – Ашхэлооной, Гаазай, Экрооной, Ашдоодой үлэгдэл зоной хаашуулда;

Ерэмияа 47:5

Гааза гэгшэдэ ехэ гай гашуудал буужа ерээ, Ашхэлооной зон һалаба, Пилишт орон нютагай бусад зон хэр удаан гашуудан байхаб?

Хуули дабталга 2:23

Каптоорһоо ерэһэн каптоорууд Гааза тойрон жэрылдэһэн һууринууд соо ажаһуугша аввиимууд арад зониие хюдажа, газартань байрлаа.)

Нүүнэй Иисүүс 11:22

Израилиин хүбүүдэй газар дээрэ анаакшуудһаа нэгэш хүн үлөөгүй, гансал Гаазада, Гаадта ба Ашдоодто үлөө.

Нүүнэй Иисүүс 13:3

Египедэй урдахи Сихорһоо хойшоо Экрооной хилэ хүрэһэн газар Ханаһаанай гэжэ тоологдодог, тэндэ Пилиштын табан эзэд бии: Гаазай, Ашдоодой, Ашхэлооной, Гаадай, Экрооной. Урда зүгтэ аввиимуудай газар.

Нүүнэй Иисүүс 15:11

Эндэһээ Экрооной хойто талаар ошоод, Шиккэроон тээшэ годирно, Баһалаа хадые үнгэрөөд, Ябнээл хүрэжэ, далайн эрьедэ дууһана. Агууехэ далай баруун хилэ болоно.

Ударидагшад 14:19

Эзэнэй Һүлдэ Самсооной толгой дээрэ хүсэтэйгөөр бууба. Тэрэ Ашхэлоон хото ошожо, гушан пилиштүүдые алажа, самсануудыень болон һэлгэхэ хубсаһануудыень абаад, тэдэнээ таабарииень таагшадта үгөөд, эсэгынгээ гэртэ ерэбэ.

Ударидагшад 16:21

Пилиштүүд тэрэниие барижа, нюдыень тэһэ хадхаад, Гааза асархадаа, тэрэниие хүрэл хоёр гэнжээр гэнжэлбэ. Тиигээд тэрэниие түрмэдэ һуулгажа, тэндэ һуугшадтай хамта шэниисын хоолос сохилгондо зараба.

Ударидагшад 3:3

пилиштын табан эзэмдэгшэдтэй хамта бүхы ханаһаануудые, бүхы сидоонуудые болон хиивүүдые орхиһон байгаа. Тэдэнэр Бааһал-Хэрмоонһоо Лэбоо-Хамаат хүрэтэрхи Ливаанай хадалиг газарта ажаһуугаа юм.

1 Хаан түрэнүүд 6:17

Пилиштүүдэй гэм зэмээ сагааруулхын тула Эзэндэ үргэл болгон эльгээһэн һэлхэн үбшэнэй алтан дүрсэнүүд гэбэл, нэгэнь Ашдоодой түлөө, нэгэнь Гаазай түлөө, нэгэнь Ашхэлооной түлөө, нэгэнь Гаадай түлөө, нэгэнь Экрооной түлөө байгаа.