Цэпаанияа 3:6 - Библи

⁶ Эзэн иигэжэ айладхана: – Арадуудые усадхааб, буланта самхагуудыень дууһан һандаргааб. Гудамжануудаарнь хэншье ябанагүй: иигэжэ Би хооһолооб! Хотонуудынь хооһороо: нэгэшье хүн тэндэ ажаһуунагүй.

Цэпаанияа 3:6 Referencias Cruzadas

Исай 14:26

Энэ болбол бүхэдэлхэйн хуби заяа шиидхэдэг түсэб, үндэһэтэдые хэһээхын тула тэдээн дээгүүр һунгаатай гар!

Исай 37:36

Тэрэ һүни Эзэнэй Эльгээмэл бии боложо, Ассириин сэрэгэй хүреэндэ зуун наян таба мянган сэрэгшые алаба. Үглөөдэрынь үүр сайхада харахада, оршон тойрон үхэһэн хүнүүдэй бэенүүд хэбтэбэ.

Исай 6:11

Би асуубаб: – Эзэмни, хэр удаан энэ үргэлжэлхэб? Тэрэ иигэжэ харюусаба: – Хотонуудай һандаран сүйдтэ орожо, хүн зонгүй болотор, оршон тойроной эзэгүйржэ, газар нютагай юушьегүй болотор.

Ерэмияа 9:12

Би асуубаб: «Эзэн, юундэ энэ орон нютаг хооһорооб? Хэнэйшье дээгүүрнь гарахын аргагүй болотороо юундэ тэрэ элһэн сүл губи мэтэ хооһорооб? Энээниие ойлгожо шадаха сэсэн мэргэн хүн хэн бэ? Энээниие соносхохо тухай хэндэ Та айладхаһан байнабта?»

Левит 26:31

Хото балгасыетнай хооһоруулхаб, мүргэлэйтнай орон хооһон болгохоб. Үргэһэн үргэлэйтнай хоншуу һайхан үнэрыень абахагүйб.

Цэпаанияа 2:5

Далайн эрьеэр ажаһуудаг хэрээдэй зон, таанарта гай гасалан ушарха! Пилиштын Ханаһаан һуури, Эзэн шамайе буруушааһан зарлигаа буулгаа! Тэрэ таанарые хюдаха, нэгэшье хүн амиды үлэхэгүй.

Захарияа 7:14

Тэдэниие һалхи шуургантай хамта хари зоной дунда тараан сасаахаб, харин өөһэдэйнь газар нютаг эзэгүй болон хооһоржо, хойшо урагшаа нэгэшье хүн ябахагүй. Тэдэ өөһэдөө һайхан орон нютагаа хооһон губи болгобо», – гэжэ Түмэн Сэрэгтэ Эзэн айладхаа.

Матвей 23:38

Тиимэһээ хооһон Һүмэшни мүнөө шамдаа үлөө.

Коринфынхидтэ 1-дэхи 10:11

Тэдэ гай гасалангууд бусад зониие һэргылхын тула үбгэ эсэгэнэртэймнай тохёолдоо, тиин бүхы юумэнэй эсэсэйнь ерэхэ сагта ажамидарһан бидэниие һэргылхын тула бэшэгдээ.

Коринфынхидтэ 1-дэхи 10:6

Үбгэ эсэгэнэрэйнгээ нүгэлтэ ябадалнуудые дабтаха дураа хүрэхэгүйн тула эдэ бүхэн бидэндэ һэргылэмжэ болоно.

Нүүнэй Иисүүс 23:4

Тиигээд лэ би үндэһэн арадуудые жээрэбэй ёһоор танай хубита болгон хубаагааб, Иорданһаа наранһаа баруун тээшэ Агууехэ далай хүрэтэр усадхаһан бүхы арадуудаа танда хубаагааб.