Цэпаанияа 3:5 - Библи

⁵ Эзэн хотын дотор зүб шударга хэрэг эрхилнэ, буруу юумэ хэдэггүй, үүр сайхада, үглөө бүри Тэрэ заабол зарга шүүбэри үйлэдэнэ. Теэд шударга бэшэ зон эшэхэ гээшые мэдэдэггүй.

Цэпаанияа 3:5 Referencias Cruzadas

Эхин 18:25

Би үнэншэхэгүйб – тиимэ байхагүй! Та иимэ юумэ хэхэгүйт! Зүб шударга зониие дорой ябадалтай золигуудтай хамта хосороохогүйт. Зүб шударга хүнүүд муу муухай хэрэг үүсхэгшэдтэй хамта хэһээлтэдэ хүртэхэ ёһогүй. Тиимэ байхагүй! Хамаг дэлхэйн Үйлэ шиидхэгшэ алдуута шиидхэбэри гаргаха ёһогүйл! – гэбэ.

Иоов 34:10

Сэсэн мэргэн таанар, шагнагты! Бурхан буруу, Түгэс Хүсэтэ шударга бэшэ хэрэг үйлэдэхэ гэжэ байгаагүй.

Иоов 7:18

Юундэ тэрэниие үглөө бүри үзэжэ, агшан бүридэ анхарна гээшэбта?

Иоов 8:3

Бурхан шударга ёһые забхайруулдаг гү? Түгэс Хүсэтэ үнэниие буруу болгодог гү?

Псалманууд 37:6

Минии толгой муутайһаа шархануудни эдеэртэжэ, муухай үнэртэй болоо.

Исай 12:6

Сионой ажаһуугшад, баясагты, шангаар дуулагты! Израилиин арюун Бурхан танай дунда агууехэ!»

Исай 28:19

Энэ хадаа таанадые дахин-дахин дайран байха. Үглөө бүри, үдэр һүнигүй тэрэ дайран үнгэрхэ. Тэрээн тушаа дуулаһан хүн бүхэн айн-һүрдэн байхал!»

Исай 33:2

Оо, Эзэн! Маанадта нигүүлэсхыгээр хандыт. Бидэ Тандаал найданабди. Үглөө бүри бидэндэ хамгаалалта болыт, зоболоной сагта маанадые абарыт!

Исай 45:21

Зарга шүүлгэндэ ерэжэ, хэрэгээ хөөрэгты. Хамта зүбшэгты. Хэн эртэнһээ энээниие мэдүүлжэ, олондо соносхооб? Өөрын арад түмэниие абарагша Би, зүб шударга Эзэн бэшэ гүб?! Намһаа ондоо Бурхан байхагүй!

Исай 50:4

Һүр һүлдэгүй болоһон зониие дүнгэжэ, үгөөрөө туһалхыем Эзэн Бурхан намда юун гээд хэлэхыем заажа үгөө. Үглөө бүри Тэрэ намайе һэреэн, шэхыем һэргээн, юу айладхахаа байһыень шагнаха гэжэ тэсэн ядан хүлеэдэг намайе болгоно.

Ерэмияа 3:3

Тиимэһээл аадар бороо һаатажа, хабарай бороошье ороогүйл. Энээнэйшье удаа ши эшэхэ-гайхахаяа мэдэрээгүйш – нюуршни янхан эхэнэрэй шарайдал адли.

Ерэмияа 6:15

Тэдэ өөһэдынгөө үйлэдэһэн бузар муу муухайһаа эшэнэ гү? Үгы, огто эшэнэгүй. Улайхаяашье тэдэ мэдэхэгүй ха. Тиимэһээ бултандал адли тэдэ хэһээгдэхэ. Улад зониие шүүбэрилхэеэ ерэхэдээ, Би тэдэниие газар руу шабхадан унагаахаб! Энэ болбол Би, Эзэн, айладхана мүн!

Ерэмияа 8:12

Арад зомни, өөһэдынгөө үйлэдэһэн жэгшүүритэй юумэнһээ таанад эшэнэ гээшэ гүт? Үгы! Таанад оройдоошье эшэнэгүйт. Яажа улайдагыешье мэдэхэгүй байнат. Тиимэһээ бусад арадтай адли унан һалахат. Шүүбэрилхэ сагтам таанад һалгаагдахат! Энэ болбол Би, Эзэн, тунхаглана мүн!

Гашуудал 3:23

Үглөө бүри тэдэ мандана! Үнэнтнай агууехэ!»

Эзэкээл 18:25

Таанад Намайе зүб бэшэ гэжэ зэмэлнэт. Теэд шагныт, Израилиин улад зон, өөһэдынтнай хэһэн хэрэгүүд буруу, харин Минии хэрэг үнэн зүб мүн!

Эзэкээл 48:35

Бүхыдөө хотын хана арбан найман мянган тохой ута байха. Хото болбол «Эзэн эндэ бии!» гэдэг шэнэ нэрэтэй болохо юм.

Һошээ 14:9

Израилиин улад зон онгонуудта бэшэ мүргэхэгүй. Би тэдэнэй гуйлтануудыень дуулажа, тэдээн тушаа һанаа табин байхаб. Жэлэй дүрбэн сагта ногоорон байдаг модондол, Би тэдэниие аршалан хамгаалан байхаб, үршөөл хайраяа бэлэглэхэб.

Һошээ 6:5

Тиимэһээ Би лүндэншэдөөр дамжуулан, айладхал үгөөрөө таанадые усадхан байгааб. Тиимэһээ Минии шүүбэри шиидхэбэри задаран байгаа үүрэй толон мэтэ яларжа байгаа.

Михей 3:11

Бэлэг абажа, удамаршадынь сүүд үйлэдэнэ, түлбэри абажа, санаартадынь һургаал заана, мүнгэ абажа, лүндэншэдынь лүндэн табина. Тэдэ бүгэдэ «Эзэн бидэнтэй хамта! Гай тодхор бидэнтэй болохогүй!» гэлдэн, Эзэндэ түшэглэнэ.

Михей 7:9

Би Тэрэнэй урдаһаа нүгэл хэһэн тула хэрэгыем Тэрэнэй шиидхэтэр, намайе шүүтэрнь Эзэнэй уур хилэн тэсэн ябахаб. Тэрэ намайе гэрэлдэ гаргаха. Тиигээд би үнэн зүбыень хараха болоноб.

Аввакуум 1:3

Юундэ Та намда гэм бурууе үзүүлжэ, юундэ бузар муухайе харуулнат? Хэрзэгы ааша болон хүсэрхэл урдамни үзэгдэнэ, хуули хазагайруулха, добтолон орохо ябадал бүри олошорон байнал.

Цэпаанияа 2:1

Өөрыгөө хаража үзыт, бэеэ барижа шадахагүй улад зон, өөһэдыгөө шэмхэжэ абыта!

Цэпаанияа 3:13

Израилиин үлдөөсэ зон буруу хэрэг үйлэдэхэгүй, худал хэлэхэгүй, мэхэ гохо хэрэглэхэгүй. Тэдэ эдеэ хоолоо барин, амаран, аюулгүй амгалан амидарха.

Цэпаанияа 3:15

Эзэн шам тушаа шиидхэбэреэ болюулаа! Дайсадыеш зайлуулаа! Израилиин хаан, Эзэн таанартай хамта! Саашадаа таанар юунһээшье айхагүйт.

Цэпаанияа 3:17

Эзэн Бурхантнай таанартай хамта. Тэрэ таанадые абарха баатар хүсэтэй. Тэрэ таанар тушаа баясан хүхихэ, хайра дуран соогоо аалихан, таанар тушаа баяртай зугаалан сэнгэхэ.

Захарияа 2:5

Эзэн айладажа байна: «Тэрэ хотые хүреэлһэн галта хана болохоб, тэрэнэй дунда алдар соломни дэлгэрхэ» гээ.

Захарияа 9:9

Сионой басаган, баярлыш! Иерусалим үхин, илалтын баяр тэмдэглыш! Харыш, номгон даруу шинии хаан эмэ элжэгэ зайдаланхай, тэрэнэй унага – даагыень зайдаланхай, шамда заларжа ерэнэ.

Лука 12:2

Эли болохогүй ямаршье далда юумэн байдаггүй, мэдээжэ болохогүй нюуса юумэн байдаггүй.

Римэйхиндэ 2:5

Харин таанад зүрюутэжэ, Бурханда хандахаяа арсанат. Тиигэжэ Тэрэнэй уур сухалаа элирүүлхэ, газар дэлхэйнхидые гэмнэн шүүбэрилхэ үдэр хүрэтэр таанад өөһэдтөө бүрил муу хэһээлтэ бэлдэжэ байнат.

Коринфынхидтэ 1-дэхи 4:5

Тиимэһээ тогтоогдоһон сагай болоогүйдэ хэнииешье бү шүүбэрилэ. Эзэн ерэхэдээ, шэб харанхыда хоргодоһон юумэнүүдые гэрэлтүүлхэ, хүнүүдэй далда һанаа зорилгые элирүүлхэ, тиихэдэ хүн бүхэн хэһэн зэргээрээ Бурханайл магтаалда хүртэхэ.

Хуули дабталга 23:14

Юундэб гэбэл, Эзэн Бурхантнай таниие хамгаалхын, мүн дайсадаа диилэхэ, даагаяа һүүлдэхэдэтнай туһалхын тула хотон хүреэндэтнай таанадтай хамта байлсана. Тиимэһээ Тэрэнэй муухай юумэ хараха үзэхэгүйн, тиигээд таанадые орхихогүйн тула хотон хүреэнтнай арюун байха ёһотой.

Хуули дабталга 32:4

Тэрэ – танай хамгаалагша, хэрэгүүдынь түгэс. Бүхы аян замынь залан сэхэ. Бурхан найдамтай, хуурмаг худал юумэн Тэрээндэ үгы, Тэрэ үнэн зүб, шударга сэхэ юм.

Пётрой 1-дэхи хандалга 1:17

Нюур харангүй, бүхы хүнүүдые хэһэн хэрэгүүдэйнь хэмжээгээр шүүбэрилдэг Бурханиие таанад Эсэгэмнай гэжэ нэрлэнэт, тиимэһээ эндэ, энэ дэлхэйдэ байха үдэрнүүдээ Тэрээндэ һүгэдэн үнгэргыт даа.