Цэпаанияа 3:4 - Библи

⁴ Лүндэншэдынь бодолгүй, урбагша зон; санаартадынь арюун нангин зүйл бузарлагша, һургаал хуули дэбһэгшэд.

Цэпаанияа 3:4 Referencias Cruzadas

Исай 9:15

Толгойнь хадаа үндэр наһатайшуул ба ноёдынь, һүүлынь хадаа худал хуурмаг лүндэншэд болоно.

Ерэмияа 23:32

Минии, Эзэнэй, айладхал шагнагты! Худал зүүдэнүүдээ хөөрэжэ, тэдэ худал хуурмагаараа болон һайрхуу үгэнүүдээрээ арад зонойм толгой эрьюулнэ. Би тэдэниие эльгээгээгүйб, ямаршье захиралта үгөөгүйб. Тэдэ улад зондо ямаршье туһагүй. Энэ болбол Би, Эзэн, айладхана мүн!

Ерэмияа 5:31

лүндэншэд хуурмаг абарал буулгана, тэдэнэй туһаар санаартад улад зониие ударидана. Минии арад түмэн энээндэ угаа дуратай байха юм! Харин энээнэй дүүрэжэ, хэһээлтын сагай ерэхэдэ, тэдэ яаха болоноб?

Ерэмияа 8:10

Тиимэһээ Би һамгадыень бусад зондо, тэдэнэй таряалангуудые шэнэ эзэдтэ үгэхэб. Юуб гэбэл, тэдэ бултадаа, бага, ехэгүй, ашаг олзо олохо гэжэ шунанхай. Лүндэншэнһөө эхилээд, санаартан хүрэтэр зониие мэхэлнэ.

Гашуудал 2:14

Лүндэншэдшни шамда дэмы юумэ, худал хэлэжэ байгаа, шинии нүгэлнүүдые буруушаагаагүй, баряанда туугдан ошохыешни болюулаагүй. Тэдэ шамда худал хуурмаг үгэнүүдые хэлэжэ, туугдан ошохо туйлдаш хүргөө.

Эзэкээл 22:26

Санаартадынь Минии хуули хазагайруулна, нангин, мүн бэшэ, сэбэр болон сээртэй зүйлнүүдые илгаруулнагүй, иигэжэ нангин зүйлнүүдыем бузарлана. Тэдэ субботые сахинагүй, Намайе хүндэлнэгүй.

Эзэкээл 22:6

Израилиин удамаршад өөрынгөө хүсэ шадал алалсаа хэхын лэ түлөө хэрэглэнэ.

Эзэкээл 44:23

Нангин болон юрын, сээртэй болон арюун зүйлнүүдэй хоорондохи илгаае зондо тэрэ ойлгуулха ёһотой.

Һошээ 9:7

Израиль, саг ерэбэ! Хэһэн хэрэгүүдэйнгээ хэмээр харюусаха сагшни ерэбэл! Ши энээнээ мэдэрхэш. «Энэ лүндэншэ тэнэг, галзуурһан энэ ухаа муутай» гэжэ ши хэлэнэш. Шинии нүгэл шэбэл угаа ехэ байһан дээрэһээ улад зоншни намайе ехэ үзэн ядана.

Михей 2:11

Һалхин мэтэ хүн, таанадай һанаае худалаар тэгшэлжэ, «үзэмэй дараһан архи тухай болон үшөө дахин үзэмэй дараһан архи тухай!» гэжэ хэлэжэ байгааша хүн һанаандатнай таараха байгаа.

Михей 3:11

Бэлэг абажа, удамаршадынь сүүд үйлэдэнэ, түлбэри абажа, санаартадынь һургаал заана, мүнгэ абажа, лүндэншэдынь лүндэн табина. Тэдэ бүгэдэ «Эзэн бидэнтэй хамта! Гай тодхор бидэнтэй болохогүй!» гэлдэн, Эзэндэ түшэглэнэ.

Малаахи 1:6

Минии нэрэ дарадаг санаартад, «Хүбүүниинь эсэгээ, зараса эзэнээ хүндэлдэг. Би эсэгэтнай болодог юм һаа, Намайе хүндэлһэнтнай алин гээшэб?» гэжэ Түмэн Сэрэгтэ Эзэн таанадта айладхажа байна. Харин таанад «Бидэ Танай нэрэ яажа доройтуулаабибди?» гэжэ асуудагта.

Малаахи 2:7

Санаартан Бурханай һургаал хамгаалха, тэрэнэй аманһаа гараһан заабари үгые хүнүүд бэдэрхэ ёһотой. Ушарынь хадаа тэрэ Эзэнэй элшэ болоно.

Малаахи 2:8

Харин таанад, санаартад, харгыһаа хадууржа, зониие бүдэрүүлжэ, нүгэл хүүлэжэ байнат. Таанад Минии Левийтэй баталһан хэлсээ эбдэжэ байһан зонта, – гэжэ Эзэн хэлэнэ,

Матвей 7:15

Хуурмаг лүндэншэдһөө болгоомжолжо байгты. Тэдэнэр гадаада талаһаа хонид байһан хэбэр үзүүлэн таанадта ерэбэшье, досоогоо арьяатан шоно мэтэ байха.

Коринфынхидтэ 2-дохи 11:13

Тэдэ худалша ажалшад, хуурмаг элшэнэр Христоосой бодото элшэнэр байһан хэбэр үзүүлдэг.

Иоаннай 1-дэхи хандалга 4:1

Инаг хайрата аха дүүнэрни, али бүхы һүлдэнүүдтэ бү этигэгты, Бурханһаа эльгээгдэһэн һүлдэнүүд гү гэжэ шалгагты, юундэб гэбэл, худал хуурмаг лүндэншэд газар дэлхэй дээрэ олон болошонхой.

Гэршэлгэ 19:20

Арьяатаниие шүүрэн бариба, тэрээнэй урда элдэб дүлгэ тэмдэг харуулжа, арьяатанай тамга табяад, тэрэнэй хүрэг дүрсэдэ һүгэдэн мүргүүлжэ байһан хуурмаг лүндэншые арьяатантай хамта шүүрэн бариба. Тэдэ хоёрые хоюулыень дүрэжэ байһан хүхэртэй нуур худар амидыгаар шэдэбэ.

Ударидагшад 9:4

Тиигээд тэдэнэр Баал-Бэриитэй һүмэһөө далан шээкэл мүнгэ абажа, тэрэнээ Абимээлэхдэ үгэбэ. Мүнгэеэ абаашаха болоходоо Абимээлэх юушье хэдэггүй, дура зоргоороо ябадаг эрэшүүлые хүлһэлэн абаба. Хаанашье ябахадань, тэдэнэр Абимээлэхые дахабад.

1 Хаан түрэнүүд 2:22

Элии үндэр наһатай болоо. Өөрынь хүбүүдэйнь бүхы Израилиин зондо юу хэжэ байдагыень, мүн Суглаанай майхан һүмын үүдэнэй хажууда хүдэлдэг эхэнэрнүүдтэй тэдэнэй унтадаг тухай тэрэ дууладаг бэлэй.