Цэпаанияа 3:12 - Библи

¹² Харин юрын, даруу зантай зониие үлөөхэб, тиихэдэм тэдэ Намда зальбаран байха.

Цэпаанияа 3:12 Referencias Cruzadas

Эзраа 9:8

Гэбэшье Та, манай Бурхан, манаа орхёогүйт, Танай захиһан нангин газарта һуурижахымнай тула үсөөхэнөөршье һаа, зонииемнай амиды үлөөгөөт, нюдыемнай нээжэ ойлгуулаат, богоолшолго тэсэн гараха арга олгоот.

Исай 14:30

Эзэн үгытэй ядуу зоноо анхарха, аюулгүй, садхалан ажаһуулгаха. Харин таанадые, пилишт зониие, эдихэ хоолгүй болгон Тэрэ усадхаха, таанадай хэншье амиды мэндэ үлэхэгүй.

Исай 14:32

«Пилишт орон нютагһаа маанад руу ерэжэ байгааша элшэнэртэ юун гэжэ харюу үгэхэбибди?» «Эзэн Сионой үндэһэ һуури табяа, Тэрэнэй арад түмэнэй зобожо зүдэрһэн зон тэндэ хоргодохо аргатай болоо гэжэ тэдээндэ хэлэхэбди».

Исай 29:19

Үгытэй зон Эзэнһээ шэнэ баярта хүртэхэ, ядуу улад Израилиин арюун Бурхан тушаа баясан байхал.

Исай 50:10

Таанадай хэн Эзэниие хүндэлжэ, зарасайнь үгэ дууладаг бэ? Харгы харанхы, гэрэлгүйдэ ябагшад Эзэндэ этигэжэ, Бурхандаа найдан байг!

Исай 6:13

Зоной арбанай нэгэ хубишье эндэ үлөө һаань, энэ газар дайда дахин хооһоруулагдаха. Сарса болон зандан мододые тайрахада, үндэһэн түгсүүл үлэдэг. Тэрээн мэтэ нангин үрэ энэ орон нютагай үндэһэн мүн.

Ерэмияа 17:7

Намда этигэдэг, этигэл найдабаряа Намда зорюулдаг хүниие Би үреэхэб.

Ерэмияа 50:20

Тэрэ үе сагта Израильда ямаршье нүгэл, Иудын хан түрэдэ ямаршье гэм буруу олдохогүй. Юуб гэхэдэ, амиды мэндэ үлөөһэн зониие Би хүлисэхэб. Энэ болбол Би, Эзэн, айладхана мүн!

Эзэкээл 6:8

Гэбэшье үсөөхэн зарим зонииетнай абаржа, ондоо үндэһэ яһатадай дундуур сасан байлгахаб.

Михей 5:6

Нимроодой газар Ассириие тэдэ һэлмын хүсөөр даран абаха. Ассириин сэрэгэй манай газар дайдада добтолон ороходо тэдэл маанадые абарха болоно.

Наум 1:7

Эзэн болбол ашата һайн. Гай зоболоной сагта бата бүхэлэлтэ мэтээр Тэрэ зониие аршалдаг. Өөртэнь этигэн найдадаг зондоо Тэрэ һанаагаа табин харгалзадаг.

Захарияа 11:11

Иигэжэ Эзэнэй арадуудтай баталһан Хэрээ хүсөө алдаба. Намайе хаража байһан хонин һүрэг энэ хадаа Эзэнһээ бууһан үйлэ гэжэ ойлгоо.

Захарияа 11:7

Нядалхаар илгагдаһан, хариин наймаашадта хабаатай хонин һүрэг Би харюулдаг болобоб. Өөртөө хоёр дулды абабаб. Нэгыень Үршөөл гэжэ дуудаад, нүгөөдыень Нэгэдэлгэ гэжэ нэрлэбэб.

Матвей 12:21

тиин бүхы арадууд Тэрээндэ найдажа байха».

Матвей 5:3

Бурханай Һүлдөөр дуталдагшад, жаргалтайл, Огторгойн хаан түрэ тэдэнэй ха юм.

Римэйхиндэ 15:12

«Ишайн үри һадаһан бии болохо, Тэрэ бусад арадые захирхаяа ерэхэ, харин тэдэнэрынь Тэрээндэ найдажа байха», – гэжэ баһа Исай хэлэнэ.

Яковай хандалга 2:5

Хайрата аха дүүнэрни, шагнагты даа: Бурхан үгытэйшүүлые һүзэгөөрөө баян бардам байхыень, Өөртэнь дуратай хүнүүдтэ үгэхэб гэжэ найдуулһан хаан оронойнгоо залгамжалагшад болохыень шэлэжэ абаа бэшэ һэн гү?

Пётрой 1-дэхи хандалга 1:21

Тэрэнэйл аша туһаар таанад Бурханда этигэнэт. Бурхан Тэрэниие үхөөд байхадань амидыруулаа, алдаршуулаа, тиимэһээл таанад Бурханда һүзэглэнэт, найданат.