Цэпаанияа 2:7 - Библи

⁷ Сүлэлгэдэ байжа амиды мэндэ гарасалдаһан Иудын зоной үлдөөсэ энэ газарта байрлажа, малаа тэндэ адуулха, Ашхэлооной гэрнүүдтэ амаран унтаха. Эзэн Бурханиинь тэдээн тушаа һанаагаа табижа, сүлэлгэһөө бусааха.

Цэпаанияа 2:7 Referencias Cruzadas

Эхин 50:24

Наһа барахынгаа урда тээ Иосиф аха дүүнэрээ дуудаад, иигэжэ хэлэбэ: – Минии мордохо саг дүтэлжэ байна. Гэбэшье Бурхан таанадта туһалха, энэ орон нютагһаа гаргажа, үбгэ эсэгэнэрнай болохо Абраһаамда, Исаагта, Яковта үгэхөөр тангариглаһан тэрэ орон нютаг руу абаашаха.

Псалманууд 80:14

Минии арад түмэн Намайе дуулажа, Израиль Минии зааһан замаар ябаа һаань, хэды һайн һэм!

Псалманууд 85:1

[Давидай зальбарал.] Эзэн, шэхээ табиит, харюусыт намда, юуб гэбэл, би үгытэй болон угаа ядуу мүн.

Египедһээ гаралга 4:31

Арад зон одоошье үнэншэбэ. Эзэн Израилиингаа хүбүүдые анхаран, ядарал зоболонгымнай хараа гэжэ дуулахадаа, тэдэ һүгэдэн хүндэлжэ, доро дохин байгаа бэлэй.

Исай 11:11

Тэрэ үдэр Эзэн хоёрдохёо гараа һунгажа, Өөрын арад түмэнэй үлдөөсые бусааха, Ассириһээ, Египедһээ, Патроосһоо, Күүшһээ, Элаамһаа, Шинаарһаа, Хамаадһаа болон далайн аралнуудһаа асарха.

Исай 11:14

Хамта тэдэ баруун зүгтэ пилиштүүдэй гүбээнүүдтэ добтолхо, зүүн зүгтэ ажаһуугшадые тонохо. Эдоом болон Моһааб руу гараа һунгаха, Аммооной зон тэдээнэй мэдэлдэ орохо.

Исай 11:16

Израилиин зоной Египедэй орон нютагһаа гараһандал адли Ассиридэ амиды мэндэ үлэһэн Тэрэнэй арад түмэндэ һөөргөө бусаха ехэ зам харгы нээгдэхэ.

Исай 14:1

Эзэн Яковые хайрлаха, Израилиие дахин шэлэхэ – израильшуудые орон нютагтань бусааха! Хариин зоншье тэдэнтэй ниилэжэ, Яковай үринэртэй хамта ажаһуудаг болохо.

Исай 32:14

Ордоншье хаягдан, шууяатай хотошье хооһорон мартагдаха, хэрэм самхагуудынь һандаргагдаха, малай бэлшээри, хулангуудай хорёо болохо.

Ерэмияа 23:3

Өөрынгөө эльгээн тарааһан орон нютагуудһаа арад зонойнгоо үлдөөсые суглуулжа, түрэл нютагтань бусаахаб. Тэдэ үнэржэн олошорхо.

Ерэмияа 29:10

Эзэн «Вавилоондо танай байха далан жэлэй дүүрэхэдэнь, таанад тухай һанаагаа табихаб, Өөрын һайн үгые бэелүүлхэб – таанадые һөөргэнь гэртэтнай бусаахаб!

Ерэмияа 29:14

Тиимэ даа, таанад Намайе олохот гээд Би айладханаб. Тарааһан бүхы орон нютагууд, бүхы газарнууд сооһоо таанадые Би суглуулхаб, тиигээд сүлэлгын урда тээ байһан газартатнай һөөргэнь бусаахаб. Энэ болбол Би, Эзэн, айладхана мүн!» гэнэ.

Ерэмияа 3:18

Израиль Иудатай хамтаржа, хойто зүгтэ орон нютагта сүлэлгэдэ байһанаа хоюулаа ябан гаража, танай элинсэг хулинсагта угай зөөри болгон Минии үгэһэн орон нютагта бусаха.

Ерэмияа 30:3

Юуб гэхэдэ, Өөрынгөө арадые, Израиль болон Иудын хан түрые һэргээн бодхоохо сагни дүтэлжэ байна. Элинсэг хулинсагтань үгэһэн газарта тэдэниие бусаан асархаб, тиихэдэм тэдэ тэрэ газар дайдые дахин эзэмдэн ажаһууха. Энэ болбол Би, Эзэн, тунхаглана мүн!

Ерэмияа 31:7

Эзэн иигэжэ тунхаглана: Яковта баяртай шангаар дуу дуулагты, үндэһэ яһатадай эгээл ехыень угтагты. Тунхаглан, иимэ магтаал үргэгты: «Эзэн Өөрынгөө арад түмэниие абараа, үлэһэн бүхы зоноо абараа!»

Ерэмияа 32:44

Зон тэдэниие худалдан абаха, иимэ хэрэгүүд гар табилгаар баталагдаха, ласадагдаха, гэршэлэгдэхэ. Иимэ юумэн Бэньямиинэй газар дайдада, Иерусалимай оршон тойронхи хүдөө нютагуудта, Иудын хан түрын хотонуудта, хада уулаар, нюруугааршье, Иудын хан түрын урда зүгтэшье оршогшо нютагуудаар үзэгдэхэ. Зониие орон нютагтань бусаахаб. Энэ болбол Би, Эзэн, айладхана мүн!

Ерэмияа 33:12

Түмэн Сэрэгтэ Эзэн иигэжэ айладхана: – Энэ элһэн сүл губидал адли газарта бэлшээриин газарнууд, малшадай гэрнүүд бии болохо.

Ерэмияа 33:7

Иудын болон Израилиин зониие баряанһаа бусаажа, хэрэгүүдыень амжалтатай болгохоб, хуушанайхидань адляар һуурижуулхаб.

Ерэмияа 47:5

Гааза гэгшэдэ ехэ гай гашуудал буужа ерээ, Ашхэлооной зон һалаба, Пилишт орон нютагай бусад зон хэр удаан гашуудан байхаб?

Эзэкээл 39:25

Харин мүнөө Израилиин арад түмэндэ нигүүлэсхыгээр хандажа, таран сасагдаһан арадуудайнь дундаһаа бусаахаб. Яковай үри һадаһадые үреэжэ, нангин байһанаа гэршэлхэб.

Һошээ 6:11

Иудын арад зон, танайшье хюдуулха саг ерэхэ. Израилиин арад түмэнөө баряанһаа Би бусаахаб.

Авдии 1:19

Урда зүгэй зон Эсаавай уулануудые эзэмшэхэ, далайн нюрууда ажаһуудаг зон Пилиштые эзэмдэхэ. Тэдэ Эпрааимай ба Самариин газар нютаг эзэмшэхэ. Бэньямиинэй обог Галаадые эзэмшэхэ.

Михей 2:12

Би, Эзэн, Яковай уг удамые бултыень, амиды мэндэ үлөөшэ Израилиин улад зониие хамталан суглуулхаб гэжэ үгэеэ үгэнэб. Хонишон хонидоо хашаа руу оруулжа, суг болгодог. Тэрээндэл адли, Би арадаа хамтаруулхаб. Тиихэдэм тэдэ угаа олон болон шууяхал.

Михей 4:10

Иерусалимай арад зон, үхибүү түрэжэ байгаа эхэнэртэл үбдэжэ, зобожо байгты! Юуб гэхэдэ, мүнөө таанар хотоһоо гаргагдан, Вавилоон руу сүлэлгэдэ туугдахат. Теэд тэндэ абарагдахат, дайсадһаатнай Эзэн таанадые абарха.

Михей 4:7

Тэрэ дохолон һалга, холуур тараагдаһан зониие хүсэтэй шанга арадай эхи табигшад болгохоб. Энэ сагһаа эхилэн, хэтэ мүнхэдөө Сион хада уулаһаа Би тэдэниие хааншалан зонхилон байхаб».

Цэпаанияа 2:9

Тиимэһээ Би, Израилиин Түмэн Сэрэгтэ Эзэн Бурхан, Өөрөөрөө тангаригланаб! Содом болон Гоморродол адли Моһааб болон Аммоон һандаргагдаха! Халаахай һөөгүүдэй ургадаг газар, дабһанай нүхэ уурхай, сүл губи тэдэ хэтэдээ болохо! Арад түмэнэйм үлдөөсэ зон тэдэ газарые угай газар гэжэ олзолон абаха!»

Цэпаанияа 3:13

Израилиин үлдөөсэ зон буруу хэрэг үйлэдэхэгүй, худал хэлэхэгүй, мэхэ гохо хэрэглэхэгүй. Тэдэ эдеэ хоолоо барин, амаран, аюулгүй амгалан амидарха.

Цэпаанияа 3:20

Тэрэ сагай мандахада таанарые суглуулан асархаб, хараһаар байтартнай сүлэлгэһөө таанадые бусаахаб, тиигээд дэлхэйн арадуудай дунда хүндэ ямбатай, нэрэ түрэтэй болгохоб!» Эзэн иигэжэ айладаал!

Хаггай 1:12

Шалтиээлэй хүбүүн Зэрубабээл, Ёцадаагай хүбүүн Иисүүс болон бусад арад түмэн Хаггай лүндэншые Эзэн Бурханаар эльгээгдэһэн мүн гэжэ мэдэржэ, Эзэн Бурханайнгаа Хаггай лүндэншөөр дамжуулһан үгэ дуулаба. Тиигээд тэдэ Эзэнһээ айжа, Тэрэниие хүндэлжэ эхилбэ.

Хаггай 2:2

– Иудын захирагша, Шалтиээлэй хүбүүн Зэрубабээлдэ, ахамад санаарта Ёцадаагай хүбүүн Иисүүстэ ба баряанһаа бусааша арад зондо иимэ захяа дамжуулыш даа:

Лука 1:68

– Израилиин Бурхан болохо Эзэндэ алдар соло дуудаял! Аюул тодхорһоо абархаяа Тэрэ арадтаа ерээ.

Лука 7:16

Хүн зон бүгэдэ айн һүрдэбэ, Бурханиие алдаршуулан магтаба: – Агууехэ лүндэншэ манай дунда мүндэлбэл, арад зондоо туһалхаяа Бурхан морилжо ерэбэл, – гэлдэбэ.

Хэрэгүүд 8:26

Бурханай Эльгээмэл Филипптэ: – Бодоод, урагшаа яба. Иерусалимһаа Гааза ошоһон эзэгүй харгы дээрэ гара, – гэбэ.

Хэрэгүүд 8:40

Харин Филипп Ашдоодто бии боложо, оршон тойронхи нютагуудаар ябажа, Һайн Мэдээсэл бүхы хотонуудаар номнон, Кесари хүрэжэ ерэбэ.

Римэйхиндэ 11:5

Мүнөөнэйшье сагта тон тиимэ: Бурханай үршөөл хайраар шэлэгдэжэ абтаһан хүнүүд үшөөл бии.

Рүүт 1:6

Эзэн Өөрын арад түмэн тушаа анхаралаа табижа, һайн ургаса үршөөнэ гэжэ Наомии Моһаабта байхадаа дуулаба. Тиигээд тэрэ хоёр бэритэеэ хамта тэндэһээ гаража ябахаар зэһэбэ.