Цэпаанияа 2:11 - Библи

¹¹ Эзэн тэдээндэ угаа аймшагтай болохо. Юуб гэхэдэ, Тэрэ дэлхэйн бурхадые ямаршье хүндэгүй бологохо, арад бүхэн байдаг газарһаа Тэрээндэ зальбаран мүргэдэг болохо.

Цэпаанияа 2:11 Referencias Cruzadas

Эхин 10:5

Тэдэнэй үри һадаһад далайн эрьеэр, мүн олтирогуудаар ажаһуугша зоной эхи табигшад болоно. Элдэб газар дайда, уг унги, айл аймагуудаар ажаһуугша, өөрын тусгаар хэлэтэй зон тэдээнһээл эхи абаа.

Псалманууд 138:4

Минии ганса үгэ үгүүлхымнишье урда тээ Та, Эзэн, тэрэниием гүйсэд мэдээд байнат.

Псалманууд 72:17

Энэ Бурханай нангин газарта минии оротор үргэлжэлөө. Тиихэдэл тэдэнэй эсэс болохые ойлгоо бэлэйб.

Исай 2:20

Тэрэ үдэрэй мандахадань, зон мүргэхэеэ өөһэдтөө хэһэн алта, мүнгэн шүтөөнүүдөө хаяжа, мана һохорнууд, һарьһан эрбээхэйнүүд руу шэдэхэ.

Исай 42:10

Эзэндэ шэнэ дуу дуулажа, бүхы дэлхэйгээр Тэрээндэ магтаал дуулагты! Далайгаар тамарагшад болон далайн бүхы амитад, Тэрэниие магтагты! Олтирогууд болон ажаһуугша зониинь, Эзэндэ магтаал дуулагты!

Исай 42:4

Тэрэ зүрхэ алдахагүй, урма зоригоо хухархагүй, дэлхэй дээрэ зүб шударга гурим тогтоохо. Холын нютагууд Тэрэнэй хуулиие найдан хүлеэнэ.

Исай 49:1

Алас холуур ажаһуудаг арадууд, холын олтирогуудай ажаһуугшад, намайе шагныта! Эхын умай соо бүрилдэхэтэйм хамта Эзэн намайе шэлэжэ, Өөрын барлаг болгоо.

Ерэмияа 10:11

Таанад, улад зон, үндэһэ яһатанда иигэжэ хэлыт: «Огторгой болон газарые бүтээгээгүй бурхад үгы хэгдэжэ, хүрьһэтэ дэлхэй дээрэһээ халиха».

Ерэмияа 46:25

Түмэн Сэрэгтэ Эзэн, Израилиин Бурхан, иигэжэ айладхана: – Би Тэбээсэй бурхан Аммоониие Египедэй бурхадтай, хаашуултай, фараонтой хамта хэһээхэеэ бэлдэжэ байнаб. Египедэй хаан, фараониие, тэрээндэ найдадаг бүхы зониие хэһээхэ һанаатайб.

Даниил 11:18

Удаань хойто зүгэй хаан далайн эрьеэр ажаһуудаг олон арадуудые диилэн, газарынь эзэмдэн абаха. Харин нэгэ сэрэгэй ноён тэрэниие бута сохижо, бардамлаха сагынь болюулха.

Һошээ 2:17

Тэрэ хэзээдэшье бэшэ Баалай нэрэ дурдахагүй – Би иимэ хэрэг ябуулхаб.

Ёһээл 2:11

Эзэн Өөрын сэрэгэй урда дуугаа үгэхэ. Юундэб гэхэдэ, тэрэнэй сэрэг ехэ олон, захирал бэелүүлэгшэнь аргагүй хүсэтэй бэлэй. Эзэнэй үдэр һүр ехэтэй ба аймшагтай. Хэн тэрэ үдэрые тэсэжэ шадахаб?

Цэпаанияа 1:4

Иудын болон Иерусалимай бүхы ажаһуугшадые усадхахаяа гараа һунгахаб. Баалда мүргэдэг зүйлнүүдэй бүхы үлдөөсые энэ газарһаа үгы хэхэб, шүтээнэй санаартад тушаа һануулха юушье үлөөхэгүйб.

Цэпаанияа 3:9

Удаань Би арадуудай үгэ хүүр хубилгахаб, тиихэдэм тэдэ гансал Намда мүргэн зальбаржа, бултадаа Намдал алба хэн байха.

Захарияа 13:2

Түмэн Сэрэгтэ Эзэн иигэжэ айладхана: – Тэрэ үдэр Би онгон шүтөөнүүдые үгы хэхэб. Тэдэ саашадаа дурсагдахагүй. Худал үзэл тунхагладаг лүндэншэдые болон бузар һүнэһэ газарай нюрууһаа зайлуулхаб.

Захарияа 2:11

Тэрэ үдэр Эзэн руу олон арадууд ерэхэ, тэдэ Эзэнэй арад болохо; дундатнай Эзэн ерэжэ ажаһууха, тиихэдэм Түмэн Сэрэгтэ Эзэн намайе эльгээгээ гэжэ мэдэхэт.

Захарияа 8:20

Түмэн Сэрэгтэ Эзэн иигэжэ айладажа байна: Арад түмэн, олон хотонуудһаа зон Иерусалимда ерэхэ.

Захарияа 8:23

Түмэн Сэрэгтэ Эзэн айладана: Тэдэ үдэрнүүдтэ ондоо хэлэн дээрэ дуугардаг арбан зон нэгэ иудей хүндэ ерэжэ, хубсаһанһаань татан хэлэхэ: «Бурхан тантай гэжэ дуулаабди. Бидэниие өөһэдтөө абыт».

Малаахи 1:11

«Наранай гараад ородог газар хүрэтэр нэмжыһэн дэлхэйдэ Минии нэрэ үргэмжэлэгдэхэ. Газар бүхэндэ Минии нэрэдэ арюун сэбэр үргэл үргэдэг, уталга санзай ууюулдаг болохо». Тиигэжэ Түмэн Сэрэгтэ Эзэн айладаба.

Малаахи 1:14

Хонин һүрэгтэнь һайн хусын байхада, тэрэниие үргэхэб гэжэ тангариглаһан аад, Эзэндэ асархадаа, үбшэн малаар андалдаад үргэлдэ асардаг хуурмаг зон хараалда хүртэг. Ушарынь хадаа Би агууехэ Хаанби, арад үндэһэтэд Минии нэрэһээ һүрдэдэг! Иигэжэ Түмэн Сэрэгтэ Эзэн айладана.

Хуули дабталга 32:38

Танай асарһан үргэлэй өөхэ тэдэ эдеэ, үргэлэй үзэмэй дараһан архи уугаа, бодожо тэдэнэр таанадта туһалаг лэ! Таанадые аршалаг лэ!

Тимофейдэ 1-дэхи 2:8

Бурханда өөрыгөө зорюулһан хүн бүхэнэй ямаршье газарта уур сухалгүйгөөр, хэрүүлгүйгөөр гараа өөдэнь һарбайгаад, зальбаржа байхыень хүсэнэб.

Гэршэлгэ 11:15

Долоодохи Эльгээмэл бүреэгээ дуугаргаба. Тиихэдэнь тэнгэридэ иигэжэ шангаар дуугарха абяанууд дуулдаба: – Дэлхэйн засаг түрэ Эзэн Бурханаймнай, Тэрэнэй Табисууртын засаг түрэ болоо. Тэрэ засаг түрые Бурхан хэтэ мүнхэдөө барижа байха.