Цэпаанияа 1:3 - Библи

³ Улад зониие, мал, огторгойн жэгүүртэниие, далайн загаһадые усадхахаб. Газарай хүрьһэн дээрэһээ зониие үгы хэхэдэм, муу муухай зон бүдэрдэг зүйлнүүдтэеэ хамта һалаха. Энэ болбол Би, Эзэн, айладхаа мүн!

Цэпаанияа 1:3 Referencias Cruzadas

Эхин 6:7

иигэжэ айладхаба: – Би газар дэлхэйн нюрууһаа хамаг хүн зониие, тэдэнтэй хамта адуу мал, мүлхидэг амитадые, арьяатаниие, шубуудые огтолон үгы болгохоб. Эдэниие байгуулһандаа голхорноб.

Исай 27:9

Гэбэшье үргэлэй шэрээнүүдэй шулуунай бутаржа, шохой болоходо, Ашэраа бурханда һүгэдэлгын зүйлнүүдэй үгы болоходол Яковай нүгэл арюудхагдаха.

Исай 6:11

Би асуубаб: – Эзэмни, хэр удаан энэ үргэлжэлхэб? Тэрэ иигэжэ харюусаба: – Хотонуудай һандаран сүйдтэ орожо, хүн зонгүй болотор, оршон тойроной эзэгүйржэ, газар нютагай юушьегүй болотор.

Исай 6:12

Би зониие үлдэхэб, энэ орон нютаг ехэ хооһорхо.

Ерэмияа 12:4

Газар нютагнай хэды болотор уйдхар гашуудалда абтажа, хүдөө талын ургаса ногоон хатажа-гандажа байха юм? «Бидэнтэй юун болохые Бурхан мэдэнэгүй» гэжэ зон хэлсэнэ. Муу муухай эдэ зонһоо боложо, амитад болон шубууд хосорно.

Ерэмияа 50:3

Вавилоон руу добтолжо, зэлүүд хооһон болгохо зорилготойгоор хойто зүгһөө арад түмэн ерэжэ байна. Зон болон ан амитад тэрьедэжэ, хэншье тэндэ ажаһуухагүй.

Ерэмияа 7:20

Тиимэһээ Би, Эзэн Бурхан, Өөрынгөө бушаганама уур хилэнгые үргөөгэй оршодог энэ газар дээрэ, хүн ба адагуусан дээрэ, талын модод ба газарай үрэ жэмэс дээрэ буулгахам. Гал дүлэн носожо, хэншье тэрэниие унтараажа шадахагүй.

Ерэмияа 9:10

Уула тухай уйлажа, ори дуун болохоб. Үргэн талын бэлшээринүүд тухай гашуудан бархирхаб. Тэдэ зэлүүд хооһон болоо, тэрээгүүр хэншье гарахагүй. Үхэр һүрэгэй мөөрэхэнь дуулданагүй, огторгойн шубууд, бүхы ан арьяатан зугадан тэрьедээ.

Эзэкээл 44:12

Израилиин зоной онгонуудта мүргэхэ ёһололнуудые үнгэргэдэг, иигэжэ нүгэл шэбэл дэлгэрүүлһэнэйнь түлөө Би, Эзэн Бурхан, тэдэнэй урдаһаа гараа далайхаб, тиигэжэ тэдэниие хэһээхэб!

Эзэкээл 7:19

Алта, мүнгэеэ тэдэ бог шорой мэтээр газаа хаяха, юуб гэхэдэ, Эзэн Бурханай хилэнсэгтэ үдэр алта, мүнгэниинь тэдэниие абархагүй. Баялигаар тэдэ хүсэлөө бэелүүлжэ шадахагүй, гэдэһээ садхааха бэшэ, алта, мүнгэнһөө боложо тэдэ нүгэл үйлэдөө бшуу.

Һошээ 14:3

Эзэндээ эрьежэ, үгэнүүдээ зорюулан, иигэжэ хэлыт: «Нүгэлымнай арюудхыт, зальбаралыемнай дуулыт! Найдуулһанайнгаа ёһоор, бидэ Таниие магтан байхалди.

Һошээ 14:8

Минии хамгаалалта доро тэдэ дахин ажаһуудаг болохо, үрэжэл ехэтэй таряандал, жэмэс олон уһан үзэмэй модондол, Ливаанай үзэмэй дараһан архидал адли алдар суутай болон байха.

Һошээ 4:3

Энээнэй түлөө тус газар хэнэйшье амидархын аргагүй хооһон сүл губи болохо. Дээрэнь ажаһуугааша бүхы амитад – хээрын ан гүрөөл, жэгүүртэн, үнгэрхэдөө, загаһадшье бултадаа хосорхо туйлдаа хүрэхэ.

Захарияа 13:2

Түмэн Сэрэгтэ Эзэн иигэжэ айладхана: – Тэрэ үдэр Би онгон шүтөөнүүдые үгы хэхэб. Тэдэ саашадаа дурсагдахагүй. Худал үзэл тунхагладаг лүндэншэдые болон бузар һүнэһэ газарай нюрууһаа зайлуулхаб.

Матвей 13:41

Хүн түрэлхитэнэй Хүбүүн Эльгээмэлнүүдээ ябуулха, тэдэнь хаан орон соонь бүхы буруу ябадалтаниие болон бусад зониие нүгэлдэ оруулагшадые суглуулха,

Матвей 23:39

«Эзэнэй нэрээр заларан Ерэгшэ үршөөл буянтай!» – гэжэ хэлэтэрээ Намайе дахин харахагүйш гэжэ шамда хэлэнэб.

Гэршэлгэ 2:14

Теэд таанадые зэмэлхэ зарим юумэн Намда бии: Балаһаамай һургаалые баримталагша хүнүүд таанарай дунда байдаг. Балаһаам хадаа Израилиин зониие нүгэл шэбэлдэ оруулха, хуурмаг бурхануудта үргэһэн эдеэнһээ амсуулха, зальхай һамуу ябадалтай болгохо тухай Балаак хааниие һургаа һэн.