Тоололго 9:15 - Библи

¹⁵ Тэрэ үдэр майхан һүмын бодхоогдоходонь, үүлэн тэрэ Уулзалгын майхан һүмые бүрхөөжэ, дээрэнь тогтобо. Харин үдэшэһөө үглөөгүүр болотор майханай дээгүүр гал аһажа байһан мэтэ байба.

Тоололго 9:15 Referencias Cruzadas

Нэхэмьяа 9:12

Та үдэртөө үүлэн баханаар харгыень заажа үгөөт, харин һүниндөө тэдэнэй гаталха замыень туяагаар гэрэлтүүлжэ үгөөт.

Нэхэмьяа 9:19

Өөрынгөө нигүүлэсхы сэдьхэлээр Та тэдэниие элһэн губидашье орхёогүйт: үдэртөө үүлэн баханаар заахаяа, һүниндөө замыень туяагаар гэрэлтүүлхэеэ орхёогүйт.

Псалманууд 105:39

Тэдэ хэрэгүүдээрээ өөрыгөө бузарлаба, бүхы хэрэг ябадалынь – зальхай ябадал бэлэй.

Египедһээ гаралга 13:21

Эзэн Өөрөө тэдэнэй урда ябаа: үдэр, һүнигүй ябахынь тула үдэртөө зам заажа, үүлэн бахана мэтэ, һүниндөө зам гэрэлтүүлжэ, гал бахана мэтэ.

Египедһээ гаралга 13:22

Үдэрынь үүлэн болодог, һүнинь гал болодог бахана урдань ходо үзэгдэжэ, Израиль угсаатаниие орхингүй замдань хүтэлэн ябаба.

Египедһээ гаралга 14:24

Зүгөөр үүр сайжа байхада, Эзэн үүлэн ба гал бахана сооһоо египедэй сэрэг суур тээшэ хүндэ харасаа шэглүүлбэ, египедэй сэрэг тиихэдэнь һандаран һүрөө дарагдаба.

Египедһээ гаралга 40:2

– Нэгэдэхи һарын нэгэндэ Уулзалгын майхан һүмэеэ табяарай.

Египедһээ гаралга 40:34

Уулзалгын майхан һүмэ дээрэ үүлэн бууба, Эзэнэй һүр соло майхан һүмые сүм бүрхөөбэ.

Египедһээ гаралга 40:35

Моисей Уулзалгын майхан һүмэ руу орожо ядаба, юуб гэхэдэ, үүлэн тэрэниие далдалаа, Эзэнэй һүр соло майхан һүмые сүм эзэлээд байгаа.

Египедһээ гаралга 40:38

Үдэрынь майхан һүмэ дээрэ Эзэнэй үүлэн байдаг байба, харин һүниндөө энэ үүлэн соо гал носодог байба – тэрээнииень бүхы Израиль угсаатан хараа. Тэдэнэй бүхы аян замдань хододоо тиимэ байгаа бэлэй.

Исай 4:5

Тиигээд Сионой уулаар болон тэндэ сугларагшад дээгүүр Эзэн үдэртөө үүлэ, һүниндөө утаа, дүлэлзэһэн гал түхөөхэ. Эзэнэй алдар соло бүхы хотые бүрхөөн, халхалан байха.

Тоололго 10:34

Үдэртөө Эзэнэй үүлэн дээгүүрнь дэгдэжэ, тэдэ аян замда гарадаг байгаа.

Тоололго 14:14

Энэ орон нютагай зондо тэдэ юу болоһые хөөрэхэ. Өөрынгөө арадтай хамта Эзэн ябалсана гэжэ, Өөрыгөө тэдээндэ үзүүлээ гэжэ, үдэртөө Таниие үүлэн бахана болоод тэдэниие дахуулна гэжэ, үдэшэндөө Таниие дүлэтэ үүлэн болоод тэдэниие аршалан бүрхөөнэ гэжэ мэдэнэл.

Тоололго 17:7

Моисей тэдэ дулдынуудые Хэлсээнэй бэшэгэй хадагалагдажа байһан майхан һүмэ соо оруулжа, Эзэнэй урда табиба.

Коринфынхидтэ 1-дэхи 10:1

Аха дүүнэр, Моисейе дахажа ябаһан үбгэ эсэгэнэртэймнай юунэй болоһые би таанадта һануулха һанаатайб. Тэдэниие бултыень үүлэн хамгаалжа ябаа, тэдэнэр бултадаа Улаан далайе аюулгүй гаталаа.