Тоололго 8:7 - Библи

⁷ Тэдэниие нүгэлһөө арюудхан сэбэрлэхын тула иимэ юумэ хэхэ хэрэгтэй: онсо тусгаар уһаар тэдэниие сүршэжэ сэбэрлэ. Тэдэнэр үһэ абадаг хутагын эреэр өөһэдынгөө бүхы бэе хюһаг, хубсаһаа угааг. Тиихэдээ тэдэнэр арюудхагдаха.

Тоололго 8:7 Referencias Cruzadas

Эхин 35:2

Тиимэһээ Яков гэр бүлэдөө болон өөрын бүхы зондо иигэжэ хандаба: – Таанадта байһан бурхадай дүрсэнүүдые абажа хаягты, удаань бэеэ угаагаад, хубсаһа хунараа һэлгэгты.

Псалманууд 51:7

Харин Бурхан шамайе үгы болоторшни һалгааха, Тэрэ шамайе майханһаашни гаргажа хаяха, амидын газарһаа шамайе үндэһөөршни һуга татаха.

Египедһээ гаралга 19:10

Эзэн Моисейдэ айладаба: – Арад угсаатандаа иигээд буса. Энэ үдэртөө, үглөөдэр бэеэ арюудхажа, хубсаһа хунараа угаагты гэжэ зонхило.

Исай 52:15

Харин мүнөө олон үндэһэ яһатад Тэрэниие харахадаа гайхаха, хаашуул абяа шэмээгүй гэлын-гайхан байха. Тэдэ хараагүй юумэеэ мүнөө хараха, мэдээгүй юумэеэ мэдэжэ абаха».

Ерэмияа 4:14

Иерусалим, абарагдахын тула муу муухайе зүрхэ сэдьхэлһээ зайсуулагты. Хэды болотор хорон муу бодолоо бодохо юмта?

Эзэкээл 36:25

Сэбэр уһаар таанадые сүршэхэб, онгонуудые зайсуулхаб, иигэжэ муу муухай бузарһаа һалахат.

Левит 15:27

Хэн нэгэн тэрэ эхэнэрэй унтаридань гү, али юумэндэнь хүрөөб, тэрэ хүн хубсаһаа, бэеэ угааха ёһотой, тиигээд үдэшэ болотор сэбэр бэшэ байха.

Левит 15:6

Хэн нэгэн бэеһээ эдеэрэ гарадаг хүнэй һууһан юумэн дээрэ һуугаа һаа, хубсаһаа, бэеэ уһаар угааха ёһотой, тиигээд үдэшэ болотор бузартай байха.

Левит 16:28

Галдаһан хүн хубсаһаа, бэеэ уһаар угаагаад, байрадаа орохо ёһотой.

Левит 8:6

Тиигээд Моисей Аһароониие хүбүүдтэйнь ерүүлээд, уһаар угаалга хэбэ.

Тоололго 19:13

Үхэһэн хүнэй бэе барижа бузартай болоһон хүн үнэһэтэй уһаар бэеэ сүршүүлэнгүй нангин майханда ороо һаа, нангин майханиие бузарлаха. Нангин майхан бузарлагшые намнажа үлдэгты арад зонһоонь. Ушар юуб гэхэдэ, тэрэ хүн бэеэ арюудхаагүй, бузарлагданхай зандаа ябана.

Тоололго 31:20

Арһаар, ямаанай нооһоор оёһон алибаа бүхы хубсаһаяа, модоор хэһэн бүхы амһартаяа арюудхагты.

Тоололго 8:21

Левидүүд бэеэ арюудхаба, хубсаһаа угааба. Аһароон тэдэниие нүгэлһөөнь арюудхахын тула Эзэнэй урда абаашаад, арюудхаба, Эзэндэ тэдэниие зорюулан, ёһолол хэбэ.

Еврейнүүдтэ 9:10

Энэнь Бурханай шэнэ тогтоол зарлаха үе саг хүрэтэр эдихэ, ууха, янза бүриин арюудхалга сэбэрлэлгын гадна талын заншалнуудтай холбоотой шухала бэшэ юумэнүүд байгаа.

Еврейнүүдтэ 9:13

Хэрбээ бузарлагдаһан хүнүүд дээрэ тэхын гү, али бухын шуһа, шатааһан үнеэнэй үнэһэ сасахадань, тэрэ хүнүүдэй бузарынь арилгагдадаг юм бол,

Яковай хандалга 4:8

Бурханда дүтэлэгты, тиихэдэтнай Тэрэ танда ойртохо. Нүгэлтэн, ажамидаралаа арюудхагты; билдагуушад, зүрхэ сэдьхэлээ арюудхагты.

Пётрой 1-дэхи хандалга 3:21

Тиигэжэ уһанһаа абарагдаһаниинь мүнөө бидэниие абаржа байдаг уһан арюудхалай бэлгэ тэмдэг болоо. Уһан арюудхалга бэеын муухайе арилгана бэшэ, харин Иисүүс Христоосой амидыралгын ашаар һайн һайхан сэдьхэл үршөөхыень Бурханһаа гуйна.

Гэршэлгэ 7:14

«Ноён аа, та мэдэнэт», – гэжэ харюусааб. Тиихэдэмни намда тэрэ иигэжэ хэлэбэ: «Эдэ хүнүүд гайтай ехэ гасалан зоболон үзэжэ ерэгшэд мүн. Эдэнэр хубсаһа хунараа Үргэлэй Хурьганай шуһанда угаажа, сагаан болгобо.