Тоололго 7:3 - Библи

³ Эзэндэ үргэхэ ашаанай бүрхөөгтэй зургаан тэргэ, тэдэ ашаанай тэргэнүүдтэ хоёр хоёроор хүллэжэ оруулха арбан хоёр сар асарба. Ударидагша бүхэн нэгэ нэгэ сар, хоёр ударидагша хамтаржа, нэгэ нэгэ тэргэ майхан һүмын урда асаржа, Эзэндэ бэлэглэбэ.

Тоололго 7:3 Referencias Cruzadas

Эхин 45:19

Үхибүүдээ, һамгадаа һуулгаад ерэхэ хүнгэн тэргэнүүдые Египедһээ тэдэ абуужаг. Эсэгэеэ тэдээнтэй хамта наашань асараг.

Эхин 45:21

Израилиин хүбүүд хэлэһээрнь болобо. Иосиф фараоной хэлээшээр, тэдээндэ хүнгэн тэргэнүүдые, харгыдаа эдихэ хоол үгэбэ.

Эзраа 2:68

Бусажа ерэһэн угуудай гулбаанарай зариман Иерусалимдахи Эзэнэй һүмые һуури дээрэнь бодхоохо гэжэ һайн дураараа үргэл хэбэд.

Египедһээ гаралга 25:2

– Намда үргэхэ юумэ суглуулаг гэжэ Израилиин зондо зонхило. Хэн юу үгэхэ дуратайб, тэрэнээ үгэг.

Исай 66:20

Тиигээд тэдэ нэгэ үндэһэ яһатан болохо зоноо тэндэхи арадуудһаа бусаажа, Намда бэлэг мэтээр асарха. Морёор, мори тэргээр, жууза дээрэ, лус, тэмээгээр тэдэниие Иерусалимдахи Минии нангин хада уула руу асарха. Арюун сэбэр амһарта соо талханай үргэл хэжэ, нангин үргөө руу Израилиин хүбүүдэй асардагтал тэдэ нэгэ яһатан болохо зоноо асарха.

Амоос 2:13

Хараарайт, таряанай боолтоор дүүрэн ашаатай тэргэ мэтэ болгон, таанарые дарахаб, хүдэлжэ шадахаяа болихот.

Тоололго 7:4

Эзэн Моисейдэ иигэжэ айладаба: